完整藏文原文 · 德格版页 当前仅加载第 52 函德格 236b 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཤེས་པ་དང་། མིང་དང་། གཟུགས་དང་། སྐྱེ་མཆེད་དྲུག་དང་། རེག་པ་དང་། ཚོར་བ་དང་། སྲིད་པ་དང་། ལེན་པའོ། །ཁ་ཅིག་ཏུ་ནི་རྣམ་པ་བརྒྱད་དུ་གསུངས་ཏེ། མ་རིག་པ་དང་། འདུ་བྱེད་དང་། སྐྱེ་བ་དང་། རྒ་ཤི་མ་གཏོགས་པ་ལྷག་མ་བརྒྱད་པོའོ། །ཁ་ཅིག་ཏུ་ནི་རྣམ་པ་དགུར་
D119.052.0236b01.01གསུངས་ཏེ། མདོ་སྡེ་གྲོང་ཁྱེར་ཞེས་བྱ་བའི་ནང་ནས་བཤད་པ་དང་འདྲ་བར་མ་རིག་པ་དང་། འདུ་བྱེད་དང་། རྣམ་པར་ཤེས་པ་མ་གཏོགས་པའི་ལྷག་མ་དགུ་པོའོ། །ཁ་ཅིག་ཏུ་ནི་རྣམ་པ་བཅུ་གཅིག་ཏུ་གསུངས་ཏེ། དེ་ཡང་གཅེར་བུ་པ་ཀུན་དུ་སྨྲ་བ་ཞེས་བྱ་བའི་ཕྱིར་སྐྱེ་བའི་ཆོས་གཅིག་
D119.052.0236b02.01མ་གཏོགས་པར་ལྷག་མ་རྣམ་པ་བཅུ་གཅིག་གོ། །སྐབས་ཁ་ཅིག་ཏུ་ནི་རྟེན་ཅིང་འབྲེལ་ཏེ་འབྱུང་བ་བཅུ་གཉིས་རྫོགས་པར་གསུངས་ཏེ། དེ་ཡང་རྒྱལ་པོའི་ཁབ་ཏུ་འོད་སྲུང་ལ་སོགས་པ་ལ་མ་རིག་པ་ནས། སྐྱེ་བ་དང་རྒ་ཤིའི་བར་དུ་བཅུ་གཉིས་རྫོགས་པར་གསུངས་པའོ། །རིགས་
D119.052.0236b03.01ཀྱི་བུ་རྟེན་ཅིང་འབྲེལ་ཏེ་འབྱུང་བ་གཅིག་ལ་སོ་སོའི་སྐྱེ་བོའི་ཕྱིར་རྣམ་པ་ཐ་དད་དུ་གསུངས་ཏེ། ཚད་མེད་པའི་སེམས་ཀྱང་དེ་དང་འདྲའོ། །རིགས་ཀྱི་བུ་དེ་བས་ན་དེ་བཞིན་གཤེགས་པས་དགོངས་ཏེ་གསུངས་པའི་སྤྱོད་ཡུལ་ལ་ཐེ་ཙོམ་མི་བསྐྱེད་དོ། །རིགས་ཀྱི་བུ་སངས་རྒྱས་བཅོམ་ལྡན་འདས་ནི་ཤིན་ཏུ་
D119.052.0236b04.01ཐབས་མཁས་པ་དང་ལྡན་པས་མི་རྟག་པ་ལ་རྟག་པར་གསུངས། རྟག་པ་ལ་མི་རྟག་པར་གསུངས། བདེ་བ་ལ་སྡུག་བསྔལ་བར་ཡང་གསུངས། སྡུག་བསྔལ་བ་ལ་བདེ་བར་ཡང་གསུངས། ཡོངས་སུ་མ་དག་པ་ལ་ཡོངས་སུ་དག་པར་གསུངས། ཡོངས་སུ་དག་པ་ལ་ཡོངས་སུ་མ་དག་པར་གསུངས།
D119.052.0236b05.01བདག་ལ་བདག་མེད་པར་གསུངས། བདག་མེད་པ་ལ་བདག་ཏུ་གསུངས། སེམས་ཅན་མ་ཡིན་པ་ལ་སེམས་ཅན་དུ་གསུངས། སེམས་ཅན་ལ་ནི་སེམས་ཅན་མ་ཡིན་པར་གསུངས། དངོས་པོ་མ་ཡིན་པ་ལ་ནི་དངོས་པོར་གསུངས། དངོས་པོ་ལ་ནི་དངོས་པོ་མ་ཡིན་པར་གསུངས། མི་བདེན་པ་
D119.052.0236b06.01ལ་ནི་བདེན་པར་ཡང་གསུངས། བདེན་པ་ལ་ནི་མི་བདེན་པར་གསུངས། ཡུལ་མ་ཡིན་པ་ལ་ནི་ཡུལ་དུ་གསུངས། ཡུལ་ལ་ནི་ཡུལ་མ་ཡིན་པར་གསུངས། སྐྱེ་བ་མ་ཡིན་པ་ལ་སྐྱེ་བར་གསུངས། སྐྱེ་བ་ནི་སྐྱེ་བ་མ་ཡིན་པར་གསུངས་པ་ནས། མ་རིག་པ་ལ་ནི་རིག་པར་གསུངས། རིག་པ་ནི་
D119.052.0236b07.01