完整藏文原文 · 德格版页 当前仅加载第 52 函德格 45b 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་ཀྱི་སྟོད་ནས་ནི་དུད་པ་འཐུལ་ཏེ། མེའི་ཕུང་པོ་ཆེན་པོ་ལྟ་བུར་ཡང་སྒྱུར་ལ། གལ་ཏེ་ཚེའི་བར་དུ་གནས་པར་འདོད་ན་ཡང་ཡིད་བཞིན་དུ་གནས་ཏེ་ཚེ་རིང་ཐུང་གི་དབང་ཐོབ་ནས་དེ་ལྟར་མངོན་པར་ཤེས་པ་ལྔ་ཐོབ་པ་ཙམ་གྱིས་ཀྱང་ཡིད་བཞིན་གྱི་མཐུ་དང་ལྡན་ན་དེ་
D119.052.0045b01.01བཞིན་གཤེགས་པ་ཆོས་ཐམས་ཅད་ལ་དབང་སྒྱུར་བའི་མཐུ་བརྙེས་པ་ལྟ་ཅི་སྨོས་ཏེ། སྐུ་ཚེ་བསྐལ་པ་ཕྱེད་དམ། བསྐལ་པ་གཅིག་གམ། བསྐལ་པ་བརྒྱའམ། བསྐལ་པ་བརྒྱ་སྟོང་ངམ། བསྐལ་པ་ཚད་མེད་པའི་བར་དུ་གནས་པ་ལྟ་ཅི་སྨོས་ཏེ། དོན་དེ་ལྟ་བས་ན་དེ་
D119.052.0045b02.01བཞིན་གཤེགས་པ་ནི་རྟག་པའི་སྐུ་གནས་པའི་ཆོས་ཅན་མི་འགྱུར་བའི་ཆོས་ཅན་དུ་རིག་པར་བྱའོ། །དེ་བཞིན་གཤེགས་པའི་སྐུ་ནི་སྤྲུལ་པའི་སྐུ་སྟེ། ཟས་རྣམས་ཀྱི་སྐུ་མ་ཡིན་གྱི། སེམས་ཅན་བསྒྲལ་བའི་ཕྱིར་དུག་གི་སྡོང་པོ་དང་འདྲ་བར་བསྟན་ཏེ། དེ་བས་ན་ཡོངས་
D119.052.0045b03.01སུ་མྱ་ངན་ལས་འདའ་བ་བསྟན་པར་རིག་པར་བྱའོ། །འོད་སྲུང་དེ་བས་ན་དེ་བཞིན་གཤེགས་པ་ནི་རྟག་པའི་ཆོས་ཅན་མི་འགྱུར་བའི་ཆོས་ཅན་དུ་རིག་པར་བྱ་སྟེ། ཁྱེད་ལ་སོགས་པས་དོན་དམ་པ་ལ་བརྩོན་འགྲུས་ཤིན་ཏུ་ནན་ཏན་བྱའོ། །ཤིན་ཏུ་ནན་ཏན་བྱས་ནས་
D119.052.0045b04.01ཀྱང་གཞན་དག་ལ་རྒྱ་ཆེར་བཤད་དོ། །དེ་ནས་བྱང་ཆུབ་སེམས་དཔའ་འོད་སྲུང་གིས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །འཇིག་རྟེན་ལས་འདའ་བའི་ཆོས་དང་། འཇིག་རྟེན་གྱི་ཆོས་ལ་བྱེ་བྲག་དང་ཁྱད་པར་ཅི་མཆིས། སངས་རྒྱས་ཀྱིས་གསུངས་པ་ལྟར་
D119.052.0045b05.01སངས་རྒྱས་ཀྱང་རྟག་པའི་ཆོས་ཅན་མི་འགྱུར་བའི་ཆོས་ཅན་ལགས་ན། འཇིག་རྟེན་པ་ཚངས་པའི་ལྷ་ཡང་རྟག་ལ་དབང་སྒྱུར་གྱི་ལྷ་ཡང་རྟག་སྟེ། མི་འགྱུར་བའི་ཆོས་ཅན་བདག་ཅེས་བྱ་བ་ཡང་རྟག་ལ། རང་བཞིན་ཡང་རྟག །རྡུལ་ཕྲ་མོ་ཡང་རྟག་ཅེས་མཆི་ན་ཅི་སྟེ་
D119.052.0045b06.01དེ་བཞིན་གཤེགས་པ་ཡང་རྟག་པའི་ཆོས་ཅན་ལགས་ན། དེ་བཞིན་གཤེགས་པས་ཅིའི་སླད་དུ་རྟག་པ་མངོན་པར་མི་སྟོན། ཅི་སྟེ་རྟག་པ་མངོན་པར་མི་སྟོན་ན་བྱེ་བྲག་དང་ཁྱད་པར་ཡང་ཅི་ཞིག་མཆིས། ཚངས་པའི་ལྷ་ནས་རྡུལ་ཕྲ་མོ་དང་། རང་བཞིན་རྟག་ཅེས་
D119.052.0045b07.01