完整藏文原文 · 德格版页 当前仅加载第 52 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱང་དེ་འདྲའོ། །དོན་སོ་སོ་ཡང་དག་པར་ཤེས་པ་ནི་བྱང་ཆུབ་སེམས་དཔས་ཆོས་ཐམས་ཅད་ཀྱི་མིང་དང་ཚིག་ཤེས་ཀྱང་དོན་མི་ཤེས་སོ། །དོན་སོ་སོ་ཡང་དག་པར་ཤེས་པ་ཐོབ་པ་ནི་དོན་རྣམས་ཀྱང་ཤེས་སོ། །ཇི་ལྟར་ན་དོན་ཤེས་པ་ཡིན་ཞེ་ན། དེ་ནི་
D119.052.0266a01.01ས་ལྟ་བུ་འཛིན་པ་སྟེ། དཔེར་ན་སས་ནི་སེམས་ཅན་དང་སེམས་ཅན་མ་ཡིན་པ་ཐམས་ཅད་འཛིན་ཏེ། དེ་བས་ན་ས་ལྟ་བུར་འཛིན་པ་ཞེས་བྱའོ། །རིགས་ཀྱི་བུ་རི་ལྟ་བུར་འཛིན་པ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་འདི་སྙམ་དུ་སེམས་ཏེ། དེ་ཅིའི་ཕྱིར་རི་ལ་འཛིན་པ་ཞེས་བྱ་ཞེ་ན། རིས་ནི་
D119.052.0266a02.01ས་བཟུང་སྟེ། མི་གཡོ་བར་བྱེད་པས་འཛིན་པ་ཞེས་བྱའོ། །ཅིའི་ཕྱིར་མིག་ལ་འཛིན་པ་ཞེས་བྱ་ཞེ་ན། མིག་གིས་སྣང་བ་འཛིན་པའི་ཕྱིར་ན་འཛིན་པ་ཞེས་བྱའོ། །ཅིའི་ཕྱིར་ན་སྤྲིན་ལ་འཛིན་པ་ཞེས་བྱ་ཞེ་ན། སྤྲིན་ནི་ཀླུའི་དབུགས་ཡིན་ཏེ། ཀླུའི་དབུགས་ཀྱིས་ཆུ་འཛིན་པས་ན་སྤྲིན་ཡང་
D119.052.0266a03.01འཛིན་པ་ཞེས་བྱའོ། །ཅིའི་ཕྱིར་མི་ལ་འཛིན་པ་ཞེས་བྱ་ཞེ་ན། མི་ཆོས་དང་ཆོས་མ་ཡིན་པ་འཛིན་ནུས་པའི་ཕྱིར་མི་ཡང་འཛིན་པ་ཞེས་བྱའོ། །ཅིའི་ཕྱིར་མ་ལ་འཛིན་པ་ཞེས་བྱ་ཞེ་ན། མས་བུ་འཛིན་པའི་ཕྱིར་མ་ཡང་འཛིན་པ་ཞེས་བྱའོ། །བྱང་ཆུབ་སེམས་དཔའ་སེམས་དཔའ་ཆེན་
D119.052.0266a04.01པོས་ཆོས་ཐམས་ཅད་ཀྱི་མིང་དང་ཚིག་དང་དོན་ཤེས་པ་ཡང་དེ་དང་འདྲའོ། །ཚིག་སོ་སོ་ཡང་དག་པར་ཤེས་པ་ནི་བྱང་ཆུབ་སེམས་དཔའ་སེམས་དཔའ་ཆེན་པོས་ཚིག་རྣམ་པ་སྣ་ཚོགས་ཀྱིས་དོན་གཅིག་བསྟན་ཅིང་བཤད་པ་ཡང་དོན་མེད་པའོ། །དཔེར་ན་སྐྱེས་པ་དང་བུད་མེད་དང་། ཁང་
D119.052.0266a05.01ཁྱིམ་དང་ཐེག་པ་དང་། སེམས་ཅན་ལ་སོགས་པའི་མིང་རྣམས་སོ། །ཅིའི་ཕྱིར་དོན་མེད་ཅེ་ན། རིགས་ཀྱི་བུ་དོན་མེད་ཅེས་བྱ་བ་ནི་བྱང་ཆུབ་སེམས་དཔའ་དང་སངས་རྒྱས་རྣམས་ཀྱི་སྤྱོད་ཡུལ་ལོ། །ཚིག་ཅེས་བྱ་བ་ནི་བྱིས་པ་མ་རབས་རྣམས་ཀྱི་སྤྱོད་ཡུལ་ལོ། །དོན་ཤེས་པའི་ཕྱིར་ན་ཚིག་སོ་
D119.052.0266a06.01སོ་ཡང་དག་པར་ཤེས་པ་ཐོབ་པར་འགྱུར་རོ། །སྤོབས་པ་སོ་སོ་ཡང་དག་པར་ཤེས་པ་ནི་བྱང་ཆུབ་སེམས་དཔའ་སེམས་དཔའ་ཆེན་པོས་ཚིག་ཤེས་ཤིང་དོན་ཤེས་པས་བསྐལ་པ་ཚད་མེད་གྲངས་མེད་པའི་བར་དུ་ཚིག་དང་དོན་བཤད་པ་ཟད་མི་ཤེས་པའི་ཕྱིར་སྤོབས་པ་སོ་སོ་ཡང་དག་པར་ཤེས་
D119.052.0266a07.01