'phags pa yongs su mya ngan las 'das pa chen po'i mdo/
当前为德格木刻版 337a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 337a
- 可引用原文
- 7 行
- 全文规模
- 全经 9515 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 3 函第 52 函 · 德格 337a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཀྱི་བུ་སོ་སོའི་སྐྱེ་བོ་ཐམས་ཅད་ནི་སྐྱེ་བ་སྐྱེས་པ་ཞེས་བྱའོ། །དེ་ཅིའི་ཕྱིར་ཞེ་ན། སྐྱེ་བ་སྐྱེས་པ་རྒྱུན་མི་འཆད་པའི་ཕྱིར། ཟག་པ་དང་བཅས་པ་ཐམས་ཅད་སྐད་ཅིག་སྐད་ཅིག་གིས་སྐྱེ་བའི་ཕྱིར་སྐྱེ་བ་སྐྱེས་པ་ཞེས་བྱའོ། །བྱང་ཆུབ་སེམས་དཔའ་ས་བཞི་པ་ནི་སྐྱེ་བ་མི་སྐྱེ་བ་ཞེས་བྱའོ། །དེ་ཅིའི་ཕྱིར་ཞེ་ན། སྐྱེ་བ་ལ་དབང་ཐོབ་པའི་ཕྱིར་སྐྱེ་བ་མི་སྐྱེ་བ་ཞེས་བྱའོ། །རིགས་ཀྱི་བུ་འདི་དག་ནི་ནང་གི་ཆོས་སོ། །ཇི་ལྟར་ཕྱི་རོལ་གྱི་ཆོས་མི་སྐྱེ་བ་དང་། མ་སྐྱེས་པ་མི་སྐྱེ་བ་དང་། སྐྱེ་བ་མི་
སྐྱེ་བ་དང་། སྐྱེ་བ་སྐྱེས་པ་ཞེ་ན། རིགས་ཀྱི་བུ་དཔེར་ན་ས་བོན་ནི་མྱུ་གུ་མ་སྐྱེས་པའི་ཚེ་ཆེན་པོ་བཞི་འདུས་ཤིང་འཚོགས་པ་དང་། ལས་སུ་བྱས་པས་གཟོད་སྐྱེ་བར་འགྱུར་ཏེ། དེ་ནི་མི་སྐྱེ་བ་སྐྱེ་བ་ཞེས་བྱའོ། །ཇི་ལྟར་མ་སྐྱེས་པ་མི་སྐྱེ་བ་ཞེ་ན།དཔེར་ན་ས་བོན་རུལ་པའམ། རྐྱེན་དང་མ་ཕྲད་པ་དེ་ལྟ་བུ་ལ་སོགས་པ་ནི་མ་སྐྱེས་པ་མི་སྐྱེ་བ་ཞེས་བྱའོ། །ཇི་ལྟར་སྐྱེ་བ་མི་སྐྱེ་བ་ཞེ་ན། དཔེར་ན་མྱུ་གུ་སྐྱེས་ནས་ཚད་དུ་ཕྱིན་པར་མ་སྐྱེས་པ་ནི་སྐྱེ་བ་མ་སྐྱེས་པ་ཞེས་བྱའོ། །ཇི་ལྟར་སྐྱེ་བ་སྐྱེས་པ་ཞེ་ན། མྱུ་གུ་ལས་ཚད་
དུ་ཕྱིན་པ་སྐྱེས་པ་བཞིན་ཏེ། གང་སྐྱེ་བ་མ་སྐྱེས་པ་ལ་ནི་ཚད་དུ་ཕྱིན་པར་སྐྱེ་བ་མེད་དེ། དེ་ལྟར་ཟག་པ་དང་བཅས་པ་ཐམས་ཅད་ནི་ཕྱི་རོལ་གྱི་ཆོས་སྐྱེ་བ་སྐྱེས་པ་ཞེས་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཻ་དཱུརྱའི་འོད་ཀྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གལ་ཏེ་ཟག་པ་དང་བཅས་པའི་ཆོས་ལ་སྐྱེ་བ་མཆིས་ན་རྟག་པ་ལགས་སམ། མི་རྟག་པ་ལགས། སྐྱེ་བ་དེ་རྟག་པ་ལགས་ན་ཟག་པ་དང་བཅས་པའི་ཆོས་ལ་སྐྱེ་བ་མ་མཆིས་སོ། །གལ་ཏེ་སྐྱེ་བ་
དེ་མི་རྟག་ན་ཟག་པ་དང་བཅས་པ་དེ་མི་རྟག་པར་འགྱུར་རོ། །བཅོམ་ལྡན་འདས་སྐྱེ་བ་ཉིད་ཀྱིས་སྐྱེ་བ་སྐྱེད་དོ་ཞེས་བགྱིར་ནི་སྐྱེ་བ་ལ་མཚན་ཉིད་མ་མཆིས་སོ། །གལ་ཏེ་གཞན་གྱིས་སྐྱེ་བར་ནུས་ན་ཅིའི་རྒྱུ་ཅིའི་རྐྱེན་གྱིས་ཟག་པ་མེད་པ་མི་སྐྱེ། བཅོམ་ལྡན་འདས་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D119
- 德格版页
- 337a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0119 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。