完整藏文原文 · 德格版页 当前仅加载第 52 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཐར་བར་གྱུར་ཏོ་ཞེས་ཟེར་རོ། །སེམས་ཅན་ཡུན་རིང་པོར་གཏི་མུག་གི་འཁོར་བའི་རྒྱ་མཚོར་འཁོར་ཏེ། སྡུག་བསྔལ་གྱིས་གཟིར་བ་མྱ་ངན་ལས་འདས་པ་ཆེན་པོའི་རླུང་དང་མ་ཕྲད་པ་ན་དེ་འདི་སྙམ་དུ་སེམས་ཏེ། བདག་ཅག་ནི་གདོན་མི་ཟ་བར་སེམས་ཅན་
D119.052.0150a01.01དམྱལ་བ་དང་། {ཡི་དགས་,ཡི་དྭགས་}དང་། བྱོལ་སོང་གི་སྐྱེ་གནས་སུ་ལྟུང་བར་འགྱུར་རོ་སྙམ་སེམས་སོ། །ཇི་ལྟར་སེམས་པ་ན་ཅི་སྟེ་མྱ་ངན་ལས་འདས་པ་ཆེན་པོའི་རླུང་དང་ཕྲད་ནས་ཡིད་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བཞག་ན་གདོད་ཡང་དག་པ་ཡིན་པར་
D119.052.0150a02.01རྟོགས་ཏེ། ངོ་མཚར་རྨད་ཀྱི་འདུ་ཤེས་སྐྱེས་ནས་བདག་སྔོན་འདི་ལྟ་བུའི་དེ་བཞིན་གཤེགས་པའི་གསང་བའི་སྙིང་པོ་མ་ཐོས་སོ། །ཞེས་ཟེར་ཏེ་མྱ་ངན་ལས་འདས་པ་ཆེན་པོའི་མདོ་སྡེ་ལ་ཡོངས་སུ་དག་པའི་དད་པའི་སེམས་སྐྱེ་བར་འགྱུར་རོ། །རིགས་ཀྱི་བུ་གཞན་ཡང་འདི་
D119.052.0150a03.01ལྟ་སྟེ་དཔེར་ན་སྦྲུལ་པགས་པ་བརྗེ་བ་ན་དེ་ལ་ཤི་བ་ཞེས་བྱའམ། གསོལ་པ། མ་ལགས་སོ། །བཅོམ་ལྡན་འདས་རིགས་ཀྱི་བུ་དེ་བཞིན་གཤེགས་པ་ཡང་དེ་དང་འདྲ་སྟེ། ཐབས་ཀྱིས་སྐུ་ཡོངས་སུ་བཏང་བ་བསྟན་པ་ལ་ཇི་ལྟར་དེ་ལ་དེ་བཞིན་གཤེགས་པ་མི་རྟག་གོ་ཞེས་བྱ་
D119.052.0150a04.01བར་རུང་ངམ། གསོལ་པ། མ་ལགས་སོ། །བཅོམ་ལྡན་འདས་དེ་བཞིན་གཤེགས་པས་འཛམ་བུའི་གླིང་འདིར་ཐབས་ཀྱིས་སྐུ་བཏང་བ་ནི་དཔེར་ན་སྦྲུལ་པགས་པ་བརྗེ་བ་དང་འདྲ་སྟེ། དེ་བས་ན་དེ་བཞིན་གཤེགས་པ་ནི་རྟག་པ་གནས་པ་ཞེས་བྱའོ། །རིགས་ཀྱི་བུ་གཞན་ཡང་
D119.052.0150a05.01འདི་ལྟ་སྟེ་དཔེར་ན་གསེར་མགར་མཁས་པས་གསེར་ལ་ཡོ་བྱད་རྣམ་པ་སྣ་ཚོགས་ཡིད་བཞིན་དུ་རྡུང་ངོ་། །དེ་བཞིན་གཤེགས་པ་ཡང་དེ་དང་འདྲ་སྟེ། སྲིད་པ་ཉི་ཤུ་ལྔ་པོར་གཟུགས་ཀྱི་སྐུ་རྣམ་པ་སྣ་ཚོགས་མངོན་པར་བསྟན་ཏེ། སོ་སོའི་སྐྱེ་བོ་འཁོར་བ་ལས་ཡོངས་སུ་འདོན་པས་དེ་
D119.052.0150a06.01བཞིན་གཤེགས་པ་ནི་སྐུ་དཔག་ཏུ་མེད་པ་ཞེས་བྱའོ། །དེ་ལྟར་སྐུ་རྣམ་པ་སྣ་ཚོགས་སྟོན་ཀྱང་རྟག་པ་གནས་པ་མི་འགྱུར་མི་འཕོ་བ་ཞེས་བྱའོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་ཤིང་ཨ་མྲ་དང་འཛམ་བུའི་ཤིང་ནི་ལོ་གཅིག་ལ་ལན་གསུམ་དུ་འགྱུར་རོ། །འདི་ལྟ་སྟེ་
D119.052.0150a07.01