完整藏文原文 · 德格版页 当前仅加载第 52 函德格 218b 版页；藏文 NFD、目录标记与异常页序保留在来源切片中，重复版页行以稳定序号区分。
ཐེ་ཙོམ་དང་ལྡན་པའི་སེམས་ཀྱང་གཞན། ངན་པར་ལྟ་བ་དང་ལྡན་པའི་སེམས་ཀྱང་གཞན། འགྲོ་བ་དང་སྡོད་པའི་སྤྱོད་ལམ་གྱི་སེམས་ཀྱང་གཞན་ནོ། །རིགས་ཀྱི་བུ་ཅི་སྟེ་སེམས་རྟག་པ་ཞིག་ཡིན་ན། ཁ་དོག་སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་།
D119.052.0218b01.01སྨུག་པོར་བྱེ་བྲག་མི་ཕྱེད་པའི་རིགས་སོ། །རིགས་ཀྱི་བུ་གལ་ཏེ་སེམས་རྟག་པ་ཞིག་ཡིན་ན། དྲན་པར་བྱ་བའི་ཆོས་ཐམས་ཅད་བརྗེད་པར་འགྱུར་བའི་མི་རིགས་སོ། །རིགས་ཀྱི་བུ་ཅི་སྟེ་སེམས་རྟག་པ་ཞིག་ཡིན་ན་ཀློག་པ་དང་། འདོན་པའི་ལས་བྱེད་པ་འཕེལ་ཞིང་སྐྱེ་བའི་མི་རིགས་སོ། །
D119.052.0218b02.01རིགས་ཀྱི་བུ་ཅི་སྟེ་སེམས་རྟག་པ་ཞིག་ཡིན་ན་བྱས་པ་དང་། བྱེད་པ་དང་། བྱ་བ་བཤད་པའི་མི་རིགས་ཏེ། བྱས་པ་དང་། བྱེད་པ་དང་། བྱ་བ་ཡོད་པས་ན་སེམས་དེ་ནི་ངེས་པར་མི་རྟག་པར་ཤེས་པར་བྱའོ། །རིགས་ཀྱི་བུ་ཅི་སྟེ་སེམས་རྟག་པ་ཞིག་ཡིན་ན། སྡང་བ་དང་། བྱམས་པ་མེད་དོ། །སྡང་
D119.052.0218b03.01བ་ཡང་མ་ཡིན། བྱམས་པ་ཡང་མ་ཡིན་པར་འགྱུར་རོ། །ཅི་སྟེ་སེམས་རྟག་པ་ཞིག་ཡིན་ན་བདག་གི་རྫས་དང་། གཞན་གྱི་རྫས་ཞེའམ། འཆིའོ་སྐྱེའོ་ཞེས་བརྗོད་པའི་མི་རིགས་སོ། །ཅི་སྟེ་སེམས་རྟག་པ་ཞིག་ཡིན་ན་བྱ་བ་བྱས་ཀྱང་སྐྱེ་ཞིང་འཕེལ་བའི་མི་རིགས་སོ། །རིགས་ཀྱི་བུ་དོན་དེ་ལྟ་
D119.052.0218b04.01བས་ན་སེམས་ཀྱི་རང་བཞིན་ནི་སོ་སོ་ཐ་དད་དེ་ཐ་དད་པས་ན་མི་རྟག་པར་རིག་པར་བྱའོ། །རིགས་ཀྱི་བུ་ངས་འདིར་གཟུགས་མ་ཡིན་པའི་ཆོས་ལ་མི་རྟག་པའི་དོན་བཤད་པ་ནི་འདི་དག་ཡིན་ནོ། །དེ་ལ་གཞན་ཡང་ཁྱོད་ལ་གཟུགས་མི་རྟག་པ་བཤད་དེ། གཟུགས་ནི་མི་རྟག་པ་སྟེ་ཐོག་མ་ནས་
D119.052.0218b05.01མ་སྐྱེས་པའོ། །སྐྱེས་ནས་འགོག་པའི་ཕྱིར་མངལ་དུ་འཇུག་པ་ནུར་ནུར་པོའི་ཚེ་ཐོག་མ་ནས་མ་སྐྱེས་ལ། སྐྱེས་ནས་འགྱུར་བའི་ཕྱིར་རོ། །ཕྱི་རོལ་གྱི་མྱུ་གུ་དང་། སྡོང་བུ་ཡང་ཐོག་མ་ནས་མ་སྐྱེས་ལ། སྐྱེས་ནས་འགྱུར་བའི་ཕྱིར་རོ། །དེ་བས་ན་གཟུགས་ཀྱི་ཆོས་ཐམས་ཅད་ནི་
D119.052.0218b06.01མི་རྟག་པར་ཤེས་པར་བྱའོ། །རིགས་ཀྱི་བུ་ནང་གི་གཟུགས་ནི་དུས་བཞིན་དུ་འགྱུར་ཏེ། ནུར་ནུར་པོའི་ཚེ་ཡང་གཞན་ལ་མེར་མེར་པོའི་ཚེ་ཡང་གཞན། མཁྲེགས་པའི་ཚེ་ཡང་གཞན། མངལ་གྱི་ཚེ་ཡང་གཞན། སྐྱེ་བའི་ཚེ་ཡང་གཞན། བུས་པའི་ཚེ་ཡང་གཞན། གཞོན་
D119.052.0218b07.01