完整藏文原文 · 德格版页 当前仅加载第 52 函德格 311a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པ་ནི་སྨན་པ་ཆེན་པོ་ཞེས་བྱ་སྟེ། སྟོན་པ་དྲུག་ལྟ་བུ་ནི་མ་ཡིན་ནོ། །རྒྱལ་པོ་ཆེན་པོ་གལ་ཏེ་བདག་སྨྲ་བའི་ཚིག་ལ་ཐུགས་ཆེས་ནས་སངས་རྒྱས་བཅོམ་ལྡན་འདས་གང་ན་བཞུགས་པར་མྱུར་དུ་བཞུད་ཅིག་ཅི་སྟེ་ཐུགས་མི་ཆེས་ན་ཡང་ལེགས་པར་
D119.052.0311a01.01དགོངས་ཤིག །རྒྱལ་པོ་ཆེན་པོ་སངས་རྒྱས་བཅོམ་ལྡན་འདས་ཀྱི་ཐུགས་རྗེ་ཆེན་པོ་ནི་ཐམས་ཅད་ལ་ཁྱབ་པས་དམ་པའི་ཆོས་གཅིག་ཙམ་མམ་འགའ་ཙམ་ལ་སྟོན་པ་ནི་མ་ཡིན་ནོ། །གཉེན་པ་དང་སྡང་བ་ལ་ཐུགས་མཉམ་པས་ན་གང་ཟག་གཅིག་ཙམ་བླ་ན་མེད་པ་ཡང་དག་པར་རྫོགས་
D119.052.0311a02.01པའི་བྱང་ཆུབ་ལ་བཀོད་དེ། གཞན་མི་འགོད་པ་མ་ཡིན། དེ་བཞིན་གཤེགས་པ་ནི་འཁོར་རྣམ་པ་བཞི་པོ་འབའ་ཞིག་གི་སྟོན་པ་མ་ཡིན་གྱི། འཇིག་རྟེན་དུ་བཅས་པ་ལྷ་དང་མི་དང་ཀླུ་དང་{ཡི་དགས་,ཡི་དྭགས་}དང་། བྱོལ་སོང་དང་། སེམས་ཅན་དམྱལ་བ་ལ་སོགས་ཏེ་ཐམས་ཅད་ཀྱི་སྟོན་པ་
D119.052.0311a03.01ཡིན་པས། དེ་བས་ན་སེམས་ཅན་ཐམས་ཅད་ཀྱིས་ཀྱང་སངས་རྒྱས་བཅོམ་ལྡན་འདས་ལ་ཕ་མ་དང་འདྲ་བར་འདུ་ཤེས་བསྐྱེད་པའི་རིགས་སོ། །རྒྱལ་པོ་ཆེན་པོ་དེ་བཞིན་གཤེགས་པ་ནི་རིགས་མཐོ་ཞིང་བཙུན་པ་རྒྱལ་པོ་བ་དེ་ཀ་འབའ་ཞིག་ལ་ཆོས་སྟོན་པ་མ་ལགས་ཀྱི། རིགས་དམའ་
D119.052.0311a04.01ཤིང་ངན་པ་ཨུ་པཱ་ལི་ལ་སོགས་པ་ལ་ཡང་ཆོས་སྟོན་ཏོ། །ཨུ་བར་ཏ་དང་། ཨ་ན་ཡ་ཏེ་འབའ་ཞིག་གིས་ཕུལ་བའི་ཞལ་ཟས་བཞེས་པར་མ་ཟད་ཀྱི། དབུལ་པོ་སུ་ད་ར་ཏིའི་ཞལ་ཟས་ཀྱང་བཞེས་སོ། །དབང་པོ་རྣོན་པོ་ཤཱ་རིའི་བུ་ལ་སོགས་པ་འབའ་ཞིག་ལ་ཆོས་སྟོན་པ་མ་ལགས་
D119.052.0311a05.01ཀྱི། དབང་པོ་རྟུལ་པོ་ཆིའུ་ལི་བན་ཏ་ལ་སོགས་པ་ལ་ཡང་ཆོས་སྟོན་ཏོ། །འདོད་ཆགས་མེད་པའི་རང་བཞིན་ཅན་འོད་སྲུང་ཆེན་པོ་ལ་སོགས་པ་ལ་རབ་ཏུ་འབྱུང་བར་གནང་བ་མ་ལགས་ཀྱི། འདོད་ཆགས་ཅན་བསྙེན་དགའ་བོ་ལ་སོགས་པ་ལ་ཡང་རབ་ཏུ་འབྱུང་བར་གནང་ངོ་། །ཉོན་
D119.052.0311a06.01མོངས་པ་སྲབ་པ་ལྟེང་རྒྱས་འོད་སྲུང་ལ་སོགས་པ་རབ་ཏུ་འབྱུང་བར་གནང་བ་མ་ལགས་ཀྱི། ཁ་ན་མ་ཐོ་བའི་ལས་བྱས་པ་རྒྱལ་པོ་སྡེ་རབ་ཏུ་ཕམ་བྱེད་ཀྱི་ནུ་བོ་སུ་ཏ་ལ་ཡང་རབ་ཏུ་འབྱུང་བར་གནང་ངོ་། །འཇག་མ་ཞེས་བྱ་བའི་བསྟི་སྟང་དང་བཅས་པས་བསྙེན་བཀུར་བྱས་ཏེ་
D119.052.0311a07.01