完整藏文原文 · 德格版页 当前仅加载第 52 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
མཆི་བ་ཡང་མངོན་པར་ནི་མ་མཆིས་སོ། །བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། འདི་ལྟ་སྟེ། དཔེར་ན་ཁྱིམ་བདག་གཅིག་ལ་བ་རྣམ་པ་མང་པོ་བདོག་པའི་སྤུ་མདོག་མི་འཐུན་ཡང་། ཁྱུ་གཅིག་ཏུ་རྫིའུ་ལ་གཏད་དེ། རྩྭ་དང་ཆུ་ག་ལ་
D119.052.0046a01.01ཡོད་པར་སྙེགས་ཤིང་འཚོའོ། །དེ་ཡང་ཞོ་དང་འོ་མ་ཙམ་གྱི་ཕྱིར་མ་ཡིན་གྱི། མར་གྱི་སྙིང་པོ་འདོད་པའི་ཕྱིར་རོ། །ཁྱིམ་བདག་དེ་ཕྱིས་ཤི་ནས་བ་རྣམས་ཀྱང་རྐུན་པོས་དེད་དོ། །རྐུན་པོ་དེ་དག་ལ་བུད་མེད་མེད་པས། བ་བཞོས་ནས་སོ་སོར་འཐུངས་སོ། །
D119.052.0046a02.01ཕྱིས་རྐུན་པོ་དེ་དག་གཅིག་ལ་གཅིག་འདི་སྐད་དུ་སྔོན་ཁྱིམ་བདག་ཆེན་པོ་དེ་བ་འདི་སྙེད་གསོ་བ་ཡང་ཞོ་དང་འོ་མ་ཙམ་གྱི་ཕྱིར་མ་ཡིན་གྱི། མར་གྱི་སྙིང་པོ་འབའ་ཞིག་འདོད་པར་ཟད་ན་ད་བདག་ཅག་གིས་ཀྱང་ཐབས་ཅི་ཞིག་བྱས་ན། མར་གྱི་སྙིང་པོ་ཐོབ་པར་
D119.052.0046a03.01འགྱུར་ཞེས་བགྲོས་སོ། །མར་གྱི་སྙིང་པོ་ཞེས་བྱ་བ་ནི་འཇིག་རྟེན་ན་རོ་བྲོ་བ་ཐམས་ཅད་ཀྱི་ནང་ན་མཆོག་ཡིན་ཏེ། ཅི་སྟེ་འོ་མ་ཡོད་དུ་ཟིན་གྱིས་ཀྱང་། བླུགས་པའི་སྣོད་མེད་ཅེས་སྨྲས་སོ། །ཡང་འདི་སྐད་དུ་བདག་ཅག་ལ་རྐྱལ་པ་ཡོད་པས་རྐྱལ་པར་བླུགས་ཞེས་
D119.052.0046a04.01བགྲོས་ཏེ་བླུགས་པའི་གནས་ཡོད་དུ་ཟིན་གྱིས་ཀྱང་ཞོ་དང་སྲུབ་པའི་ཐབས་མི་ཤེས་པས་དེ་དག་གིས་དར་བ་ཙམ་ཡང་ཐོབ་པར་མི་ནུས་ན་མར་ཐ་མལ་པ་ལ་ལྟ་ཅི་སྨོས་ཏེ། དེའི་ཚེ་རྐུན་པོ་མ་རུངས་པ་དེ་དག་མར་གྱི་སྙིང་པོ་འདོད་པའི་ཕྱིར་ཡང་དང་ཡང་ཆུ་བསྣན་པས་འོ་མ་དང་
D119.052.0046a05.01ཞོ་དང་མར་གྱི་སྙིང་པོའི་བར་དུ་བཅས་ཏེ་ཉམས་པར་གྱུར་ཏོ། །སྐྱེ་བོ་གླེན་པ་ཡང་དེ་དང་འདྲ་སྟེ། དགེ་བའི་བག་ཅུང་ཟད་ཡོད་པ་ཡང་དེ་བཞིན་གཤེགས་པའི་དམ་པའི་ཆོས་ལས་བྱུང་ངོ་། །དེ་ཅིའི་ཕྱིར་ཞེ་ན། སངས་རྒྱས་བཅོམ་ལྡན་འདས་ཡོངས་སུ་མྱ་ངན་
D119.052.0046a06.01ལས་འདས་ནས་དེ་བཞིན་གཤེགས་པའི་དགེ་བའི་ཆོས་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་ཀྱི་ཆ་ལས་བརྐུས་པ་ནི་ཇི་ལྟར་རྐུན་པོ་རྣམས་ཀྱིས་བ་བརྐུས་པ་བཞིན་ནོ། །སྐྱེ་བོ་གླེན་པ་དག་ཀྱང་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་ཀྱི་ཆ་
D119.052.0046a07.01