完整藏文原文 · 德格版页 当前仅加载第 52 函德格 212a 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཀྱི་བུ་ལམ་ཞེས་བྱ་བ་ནི་ཉོན་མོངས་པ་གཅོད་པ་སྟེ། རྟག་པ་ཡང་མ་ཡིན་ལ་མི་རྟག་པ་ཡང་མ་ཡིན་ཏེ། བསྒོམ་པའི་ཆོས་ཡིན་པས་ན་ཡང་དག་པའི་བདེན་པ་ཞེས་བྱའོ། །དེ་བཞིན་གཤེགས་པ་ནི་ལམ་གྱིས་ཉོན་མོངས་པ་གཅོད་པ་ཡང་མ་ཡིན།
D119.052.0212a01.01རྟག་པ་དང་མི་རྟག་པ་ཡང་མ་ཡིན། བསྒོམ་པའི་ཆོས་ཀྱང་མ་ཡིན་ཏེ། རྟག་པ་གནས་པ་མི་འགྱུར་མི་འཕོ་བས་དེའི་ཕྱིར་བདེ་བ་ཞེས་བྱ་སྟེ། ནམ་མཁའ་དང་སངས་རྒྱས་ཀྱི་རང་བཞིན་ཡང་དེ་བཞིན་དུ་རིག་པར་བྱའོ། །རིགས་ཀྱི་བུ་གཞན་ཡང་ཡང་དག་པ་ཞེས་བྱ་བ་ནི་དེ་
D119.052.0212a02.01བཞིན་གཤེགས་པ་སྟེ། དེ་བཞིན་གཤེགས་པ་ཡང་ཡང་དག་པའོ། །ཡང་དག་པ་ནི་ནམ་མཁའ་སྟེ། ནམ་མཁའ་ཡང་ཡང་དག་པའོ། །ཡང་དག་པ་ནི་སངས་རྒྱས་ཀྱི་རང་བཞིན་ཏེ། སངས་རྒྱས་ཀྱི་རང་བཞིན་ཡང་ཡང་དག་པའོ། །འཇམ་དཔལ་སྡུག་བསྔལ་
D119.052.0212a03.01ཡོད་ན་སྡུག་བསྔལ་གྱི་རྒྱུ་དང་བཅས། སྡུག་བསྔལ་ཟད་པ་དང་བཅས། སྡུག་བསྔལ་གྱི་གཉེན་པོ་དང་བཅས་ཏེ། དེ་བཞིན་གཤེགས་པ་ནི་སྡུག་བསྔལ་མ་ཡིན་པ་ནས་གཉེན་པོའི་བར་དུ་མ་ཡིན་པས་དེ་བས་ན་ཡང་དག་པ་ཞེས་བྱ་སྟེ། བདེན་པ་མ་ཡིན་ནོ། །ནམ་མཁའ་
D119.052.0212a04.01དང་སངས་རྒྱས་ཀྱི་རང་བཞིན་ཡང་རིག་པར་བྱའོ། །སྡུག་བསྔལ་ནི་འདུས་བྱས་དང་བཅས། ཟག་པ་དང་བཅས། མི་བདེ་བ་དང་བཅས་སོ། །དེ་བཞིན་གཤེགས་པ་ནི་འདུས་བྱས་དང་བཅས་པ་མ་ཡིན། ཟག་པ་དང་བཅས་པ་མ་ཡིན་ཏེ། རབ་ཏུ་བདེ་བས་ན་ཡང་དག་པ་
D119.052.0212a05.01ཡིན་གྱི། བདེན་པ་མ་ཡིན་ནོ། །འཇམ་དཔལ་གཞོན་ནུས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་གསུངས་པ་ལྟར་ཕྱིན་ཅི་མ་ལོག་པ་ནི་ཡང་དག་པའི་བདེན་པ་ཞེས་གསུངས་ཏེ། གལ་ཏེ་དེ་ལྟ་བུ་ལགས་ན་བདེན་པ་བཞི་ལ་ཕྱིན་ཅི་
D119.052.0212a06.01ལོག་བཞི་མཆིས་སམ། གལ་ཏེ་མཆིས་ན་ཅིའི་སླད་དུ་ཕྱིན་ཅི་མ་ལོག་པ་ནི་ཡང་དག་པའི་བདེན་པ་ཞེས་གསུངས། ཕྱིན་ཅི་ལོག་ཐམས་ཅད་ནི་ཡང་དག་པ་མ་ལགས་སོ། །བཅོམ་ལྡན་འདས་ཀྱིས་འཇམ་དཔལ་ལ་བཀའ་སྩལ་པ། ཕྱིན་ཅི་ལོག་ཐམས་ཅད་ནི་སྡུག་
D119.052.0212a07.01