完整藏文原文 · 德格版页 当前仅加载第 52 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་ཆོས་ཀྱང་སྔ་ནས་མ་མཆིས་ལ། ཕྱིས་སྐྱེས་པ་ཞིག་ལགས་ན་ཅིའི་སླད་དུ་འོ་མའི་ནང་ན་རྩི་ཤིང་མི་སྐྱེ། བཀའ་སྩལ་པ། རིགས་ཀྱི་བུ་གཅིག་ཏུ་ངེས་པར་འོ་མའི་ནང་ན་ཞོ་ཡོད་ཅེའམ། འོ་མའི་ནང་ན་ཞོ་མེད་ཅེས་བྱར་མི་རུང་ལ། དེ་མ་གཏོགས་པ་ལས་བྱུང་ཞེས་བྱར་ཡང་
D119.052.0124b01.01མི་རུང་ངོ་། །གལ་ཏེ་འོ་མའི་ནང་ན་ཞོ་ངེས་པར་ཡོད་དོ། །ཞེས་སྨྲ་ན་ཅིའི་ཕྱིར་དངོས་པོ་དང་རོ་ཐ་དད་པར་འགྱུར་ཏེ། དེ་བས་ན་ངེས་པར་འོ་མའི་ནང་ན་ཞོའི་རང་བཞིན་ཡོད་ཅེས་བྱར་ཡང་མི་རུང་ངོ་། །གལ་ཏེ་འོ་མའི་ནང་ན་ངེས་པར་ཞོ་མེད་དོ། །ཞེས་སྨྲ་ན་ཡང་ཅིའི་
D119.052.0124b02.01ཕྱིར་རི་བོང་གི་རྭ་མི་འབྱུང་། འོ་མའི་ནང་ན་དུག་བླུགས་ན་ཞོ་དེ་འཐུངས་པས་འཆི་བར་འགྱུར་ཏེ། དེ་བས་ན་འོ་མའི་ནང་ན་ངེས་པར་ཞོའི་རང་བཞིན་མེད་ཅེས་བྱར་ཡང་མི་རུང་ངོ་། །ཅི་སྟེ་དེ་མ་གཏོགས་པ་གཞན་ལས་འབྱུང་ཞེས་སྨྲ་ན་ཅིའི་ཕྱིར་ཆུ་ལས་ཞོ་མི་འབྱུང་། དེ་བས་ན་དེ་མ་
D119.052.0124b03.01གཏོགས་པ་གཞན་ལས་ཞོ་འབྱུང་ངོ་། །ཞེས་བྱར་ཡང་མི་རུང་ངོ་། །རིགས་ཀྱི་བུ་བ་རྩྭ་ཟོས་པ་ལས་ཁྲག་ཏུ་འགྱུར། ཁྲག་ལས་འོ་མར་འགྱུར་ཏེ། སེམས་ཅན་གྱི་བསོད་ནམས་ཀྱི་རྒྱུས་གྲུབ་པ་ཡིན་ནོ། །དེ་ལྟར་འོ་མ་དེ་རྩྭ་དང་ཁྲག་ལས་གྱུར་མོད་ཀྱི་གཉིས་ཞེས་བྱར་མི་རུང་སྟེ།
D119.052.0124b04.01རྒྱུ་དང་རྐྱེན་ལས་བྱུང་བ་ཞེས་བྱའོ། །ཞོ་དང་མར་གྱི་སྙིང་པོའི་བར་དུ་ཡང་། དེ་བཞིན་དུ་རྒྱས་པར་རིག་པར་བྱའོ། །དེ་བས་ན་བའི་ཞོ་ཞེས་བྱ་སྟེ། འོ་མར་མི་སྣང་བའི་རྒྱུ་དང་རྐྱེན་གྱིས་ཞོ་ཞེས་གདགས་སོ། །རྒྱུ་དང་རྐྱེན་གང་ལས་གྱུར་ཅེ་ན། དྲོད་དང་སྐྱུར་
D119.052.0124b05.01བ་ལས་གྱུར་ཏེ། དེ་བས་ན་རྒྱུ་དང་རྐྱེན་ལས་བྱུང་བ་ནས་མར་གྱི་སྙིང་པོའི་བར་དུ་དེ་བཞིན་དུ་རྒྱས་པར་རིག་པར་བྱའོ། །དེ་བས་ན་འོ་མའི་ནང་ན་ངེས་པར་ཞོའི་རང་བཞིན་མེད་དེ། གཞན་ལས་བྱུང་ངོ་། །ཞེས་བྱར་མི་རུང་སྟེ་གནས་མེད་དོ། །རིགས་
D119.052.0124b06.01ཀྱི་བུ་རིག་པ་དང་མ་རིག་པ་ཡང་དེ་དང་འདྲ་སྟེ། ཀུན་ནས་ཉོན་མོངས་པ་དང་ལྷན་ཅིག་པའི་དུས་ན་ནི་མ་རིག་པ་ཞེས་བྱའོ། །ནམ་དགེ་བའི་ཆོས་དང་ལྷན་ཅིག་པ་དེའི་དུས་ན་ནི་རིག་པ་ཞེས་བྱ་སྟེ། དེ་བས་ན་ངས་གསུངས་པ་ལ་མཚན་ཉིད་གཉིས་སུ་མེད་དེ། དེ་བས་
D119.052.0124b07.01