完整藏文原文 · 德格版页 当前仅加载第 52 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
དྲིས་སོ། །བློན་པོ་རྣམས་ཀྱིས་སྨྲས་པ། བདག་ཅག་གིས་སྔོན་མཐོང་ངོ་ཞེས་གསོལ་ཏོ། །ཡང་དྲིས་པ་ཁྱེད་ཀྱིས་མཐོང་ན་རལ་གྲི་དེའི་དབྱིབས་ཅི་འདྲ་བ་ཞིག་མཐོང་། གསོལ་པ། རྒྱལ་པོ་ཆེན་པོ་བདག་ཅག་གིས་ར་རུ་འདྲ་བ་ཞིག་མཐོང་ངོ་། །
D119.052.0128a01.01རྒྱལ་པོས་སྨྲས་པ། ཁོ་བོའི་མཛོད་ཀྱི་ནང་ན་རལ་གྲི་དེ་འདྲ་བ་ཡོད་མི་སྲིད་དོ། །དེ་བཞིན་དུ་རྒྱལ་པོ་རབས་བཞིའི་བར་དུ་རལ་གྲི་དེ་རྨས་ཀྱང་ཁུངས་མ་ཕྱིན་ཏོ། །ཕྱིས་ལོ་མང་ཞིག་ལོན་པའི་འོག་ཏུ་སྔོན་བྲོས་པའི་རྒྱལ་བུ་དེ་ཡུལ་གཞན་ནས་ཕྱིར་ལོག་ནས་རྒྱལ་པོར་ཞུགས་ཏེ་རྒྱལ་
D119.052.0128a02.01པོའི་དབང་ཐོབ་ནས་དེས་ཀྱང་བློན་པོ་རྣམས་ལ་བཀའ་སྩལ་པ། ཁྱེད་ཀྱིས་རལ་གྲི་དེ་མཐོང་ངམ། བློན་པོ་རྣམས་ཀྱིས་གསོལ་པ། རྒྱལ་པོ་ཆེན་པོ་བདག་ཅག་གིས་མཐོང་ངོ་། །སྨྲས་པ། ཁྱེད་ཀྱིས་ཅི་སྟེ་མཐོང་ན་རལ་གྲི་དེའི་དབྱིབས་ཅི་འདྲ། བློན་པོ་ཁ་ཅིག་གིས་གསོལ་
D119.052.0128a03.01པ། ལྷའི་སྲས་ཤིན་ཏུ་གསལ་ཏེ། མེ་ཏོག་ཨུད་པ་ལ་འདྲའོ། །ཁ་ཅིག་གིས་ནི་ར་རུ་འདྲའོ་ཞེས་གསོལ་ཏོ། །ཁ་ཅིག་གིས་ནི་ཁ་དོག་དམར་ཁྱད་མེའི་ཕུང་པོ་འདྲའོ་ཞེས་གསོལ་ཏོ། །ཁ་ཅིག་གིས་ནི་སྦྲུལ་ནག་པོ་འདྲའོ་ཞེས་གསོལ་ཏོ། །དེའི་ཚེ་རྒྱལ་པོ་དེ་བགད་
D119.052.0128a04.01ནས་བློན་པོ་རྣམས་ལ་ཁྱེད་ཀྱིས་ངའི་རལ་གྲི་ཡང་དག་པ་མ་མཐོང་ངོ་ཞེས་བཀའ་སྩལ་ཏོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་དེ་དང་འདྲ་སྟེ། འཇིག་རྟེན་དུ་བྱུང་ནས་བདག་ཅེས་བྱ་བའི་མཚན་ཉིད་ཡང་དག་པ་བསྟན་ཏེ། བསྟན་མ་ཐག་ཏུ་སོང་
D119.052.0128a05.01བ་ནི་དཔེར་ན་རྒྱལ་བུ་རལ་གྲི་བཟང་པོ་ཐོགས་ཏེ་ཡུལ་གཞན་དུ་བྲོས་པ་དང་མཚུངས་སོ། །བུས་པ་གླེན་པ་དག་ཐམས་ཅད་ལ་བདག་ཡོད་དོ། །བདག་ཡོད་དོ་ཞེས་སྨྲ་བ་ནི་མི་དབུལ་པོ་གཞན་གྱི་ཁྱིམ་ན་གཉིད་ལོག་པ་ལས་རལ་གྲི་རལ་གྲི་ཞེས་བརྡོལ་བ་དང་མཚུངས་སོ། །ཉན་
D119.052.0128a06.01ཐོས་དང་རང་སངས་རྒྱས་ཀྱིས་སེམས་ཅན་རྣམས་ལ་བདག་ཅེས་བྱ་བའི་མཚན་ཉིད་ཅི་འདྲ་བ་དྲིས་ན། དེ་ལ་ཁ་ཅིག་ནི་བདག་ཏུ་ལྟ་བ་དང་བདག་མེད་ཅེས་བྱ་བའི་མཚན་ཉིད་མཐེ་བོ་ཙམ་ཞིག་ཡོད་དོ་ཞེས་སྨྲའོ། །ཁ་ཅིག་ནི་ཁྲེའི་འབྲུམ་བུ་ཙམ་ཞིག་ཡོད་དོ་ཞེས་སྨྲའོ། །ཁ་ཅིག་
D119.052.0128a07.01