完整藏文原文 · 德格版页 当前仅加载第 52 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱད་པ་སྤྱོད་པ་ན་སེམས་ཅན་རྣམས་དགེ་བའི་ཆོས་ལ་བག་ཡོད་པར་སྤྱོད་དུ་བཅུག་ནས་སོ་སོའི་སྐྱེ་བོ་དག་དེ་བཞིན་དུ་སྤྱད་པས་དེའི་རྒྱུ་དེའི་རྐྱེན་གྱིས་ཚེ་རིང་བར་འགྱུར་ཏེ། དེ་བས་ན་བྱང་ཆུབ་སེམས་དཔའ་སེམས་
D119.052.0255b01.01དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱད་པ་སྤྱོད་པ་ན་སེམས་ཅན་ལ་འཚོ་བ་ཚད་མེད་པ་སྦྱིན་པ་ཞེས་བྱའོ། །རིགས་ཀྱི་བུ་དོན་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ལ་སྲོག་འཕྲོག་པའི་ཆོས་མེད་དོ། །རིགས་ཀྱི་བུ་
D119.052.0255b02.01ཁྱེད་ཀྱིས་འདི་སྐད་དུ་ང་ལ་བྲམ་ཟེ་བསད་པའི་ཚེ་ས་འདི་ཐོབ་བམ་ཞེས་དྲིས་པ་ནི་རིགས་ཀྱི་བུ་ངས་དེའི་ཚེ་ས་དེ་ཐོབ་པས་དེ་དག་ལ་སྡུག་པར་དགོངས་པའི་ཕྱིར་དེ་དག་གི་སྲོག་གི་དབང་པོ་བཅད་པ་ཡིན་གྱི། ངན་སེམས་ཀྱིས་ནི་མ་ཡིན་ནོ། །རིགས་ཀྱི་བུ་འདི་ལྟ་སྟེ། དཔེར་ན་
D119.052.0255b03.01བུ་གཅིག་པའི་ཕ་མ་ནི་བུ་དེ་ལ་ཤིན་ཏུ་སྡུག་པར་བསམས་པས་གལ་ཏེ་ཉེས་པ་ཆེན་པོ་ཞིག་བྱས་ཏེ་གྱོད་ལ་ཐུག་པར་གྱུར་ན་དེའི་ཕ་མ་འཇིགས་སྐྲག་པས་སྐྲོད་པའམ། གསོད་པར་ཡང་བྱེད་དེ། དེ་ལྟར་གལ་ཏེ་སྐྲོད་དམ་གསོད་ཀྱང་ངན་སེམས་ནི་མེད་དོ། །བྱང་ཆུབ་སེམས་
D119.052.0255b04.01དཔའ་སེམས་དཔའ་ཆེན་པོ་དམ་པའི་ཆོས་བསྲུང་ཞིང་སྐྱོབ་པ་ཡང་དེ་དང་འདྲ་སྟེ། གལ་ཏེ་སེམས་ཅན་གང་ཞིག་ཐེག་པ་ཆེན་པོའི་ཆོས་ལ་སྐུར་པ་འདེབས་ན་དེ་ལ་གཞུ་བ་དང་། འཚོག་པ་དང་། གནོད་པར་བྱ་བ་དང་། གལ་ཏེ་ན་སྲོག་གི་དབང་པོའི་བར་དུ་ཡང་གཅོད་དེ། མ་
D119.052.0255b05.01འོངས་པའི་དུས་སུ་དགེ་བའི་ཆོས་ལ་ནན་ཏན་བྱེད་པར་འདོད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་འདི་སྙམ་དུ་སེམས་ཏེ་རྒྱུ་གང་དང་རྐྱེན་གང་གིས་སེམས་ཅན་རྣམས་དད་པའི་སེམས་སྐྱེ་བར་འགྱུར་སྙམ་སེམས་ཏེ། ཐབས་ཇི་བཞིན་དུ་དེའི་ལས་བྱེད་དེ། བྲམ་ཟེ་
D119.052.0255b06.01མང་པོ་དག་ཚེ་འཕོས་ནས་མཚམས་མེད་པའི་སེམས་ཅན་དམྱལ་བར་སྐྱེས་ཏེ། རྣམ་པ་གསུམ་པོ་འདི་དག་སེམས་སོ། །བདག་གནས་གང་ནས་འདིར་སྐྱེས་སྙམ་སེམས་ཏེ། སྔོན་མིའི་རྒྱུད་ལས་སྐྱེས་པར་ཤེས་པ་དང་། བདག་སྐྱེ་བའི་གནས་འདི་ཅི་ཡིན་སྙམ་བསམས་
D119.052.0255b07.01