完整藏文原文 · 德格版页 当前仅加载第 52 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་བར་དུ་ཐོབ་པའོ། །ཡང་དག་པ་ལ་གནས་པ་ནི་བྱང་ཆུབ་སེམས་དཔའ་རྣམས་སོ། །ཕ་རོལ་ཏུ་ཕྱིན་པ་ནི་ཡང་དག་པར་རྫོགས་པའི་སངས་རྒྱས་ཡིན་ཏེ། དེ་དག་ནི་ཤེས་པ་ཞེས་བྱའོ། །དེ་ལ་མཐོང་བ་ནི་བྱང་ཆུབ་སེམས་དཔའ་
D119.052.0263a01.01སེམས་དཔའ་ཆེན་པོ་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་ལ་གནས་ནས་ཚངས་པར་སྤྱོད་པའི་སེམས་དང་། ཤིན་ཏུ་རྣམ་པར་དག་པའི་འཕྲུལ་གྱི་མིག་གིས་སོ་སོའི་སྐྱེ་བོ་དག་ལུས་དང་ངག་དང་ཡིད་ཀྱི་སྒོ་ནས་མི་དགེ་བ་གསུམ་གྱི་ལས་
D119.052.0263a02.01བྱས་པས་སེམས་ཅན་དམྱལ་བ་དང་བྱོལ་སོང་གི་སྐྱེ་གནས་དང་། {ཡི་དགས་,ཡི་དྭགས་}ཀྱི་ཁམས་སུ་སྐྱེ་བ་མཐོང་བ་དང་། སོ་སོའི་སྐྱེ་བོ་དགེ་བའི་ལས་ལ་ནན་ཏན་བྱེད་པ་དག་ནི་ཚེ་འཕོས་ནས་མཐོ་རིས་ཀྱི་ལྷ་དང་མིར་སྐྱེ་བ་མཐོང་བ་དང་། དེ་ལ་སེམས་ཅན་ཁ་ཅིག་ནི་མུན་
D119.052.0263a03.01པ་ནས་མུན་པར་འགྲོ་བ་དང་། སེམས་ཅན་ཁ་ཅིག་ནི་མུན་པ་ནས་སྣང་བར་འགྲོ་བ་དང་། སེམས་ཅན་ཁ་ཅིག་ནི་སྣང་བ་ནས་མུན་པར་འགྲོ་བ་དང་། སེམས་ཅན་ཁ་ཅིག་ནི་སྣང་བ་ནས་སྣང་བར་འགྲོ་བ་ཡང་མཐོང་སྟེ། དེ་ནི་མཐོང་བ་ཞེས་བྱའོ། །རིགས་
D119.052.0263a04.01ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་མཐོང་བ་དང་ཤེས་པ་ཡོད་དོ། །བྱང་ཆུབ་སེམས་དཔའ་སེམས་དཔའ་ཆེན་པོས་སོ་སོའི་སྐྱེ་བོ་ཁ་ཅིག་ལུས་ལ་ནན་ཏན་བྱས། ཚུལ་ཁྲིམས་ལ་ནན་ཏན་བྱས། སེམས་ལ་ནན་ཏན་བྱས།
D119.052.0263a05.01ཤེས་རབ་ལ་ནན་ཏན་བྱས་ཀྱང་། གང་ཟག་དེ་ཚེ་འདི་ཉིད་ལ་སྡིག་པའི་ལས་ཀྱི་རྣམ་པར་སྨིན་པར་འགྱུར་བ་དང་། འདོད་ཆགས་དང་ཞེ་སྡང་དང་། གཏི་མུག་གི་རྐྱེན་གྱིས་གདོན་མི་ཟ་བར་སེམས་ཅན་དམྱལ་བའི་ལས་རྣམ་པར་སྨིན་པར་འགྱུར་བ་དང་།
D119.052.0263a06.01གང་ཟག་གང་དག་ལུས་ལ་ནན་ཏན་བྱས། ཚུལ་ཁྲིམས་དང་སེམས་དང་། ཤེས་རབ་ལ་ནན་ཏན་བྱས་པས་ཚེ་འདི་ལ་ཡང་བ་ཙམ་མྱོང་ནས་སེམས་ཅན་དམྱལ་བར་མི་ལྟུང་བ་ཡང་ཤེས་སོ། །དེ་ལ་ལས་གང་དག་ནི་འཕྲལ་དུ་རྣམ་པར་སྨིན་པར་འགྱུར་ཞེ་ན།
D119.052.0263a07.01