完整藏文原文 · 德格版页 当前仅加载第 52 函德格 70b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་མེད་དོ། །འོད་སྲུང་གིས་ཡང་གསོལ་པ། བདག་གིས་ནི་སངས་རྒྱས་བཅོམ་ལྡན་འདས་ལ་དགོངས་ཏེ་གསུངས་པའི་གསང་བའི་སྙིང་པོ་མ་མཆིས་པར་རྟོགས་ན། བཅོམ་ལྡན་འདས་ཀྱིས་གསུངས་པ་ལྟར་གཙུག་ལག་ཆེན་པོ་ནི་དེ་བཞིན་གཤེགས་པས་རྟག་ཏུ་གནས་པའི་
D119.052.0070b01.01ཆོས་ཅན་མི་འགྱུར་མི་འཕོ་བ་ལྟ་བུའོ་ཞེས་བགྱི་བ་དེ་མི་རུང་ངོ་། །དེ་ཅིའི་སླད་དུ་ཞེ་ན། སྔོན་བཅོམ་ལྡན་འདས་ཀྱིས་ཚིགས་སུ་བཅད་པ་འདི་སྐད་ཅེས་གསུངས་སོ། །དེ་བཞིན་གཤེགས་དང་རང་རྒྱལ་དང་། །ཉན་ཐོས་པ་ཡི་ཉེ་གནས་ཀྱང་། །མི་རྟག་པ་ཡི་ལུས་འདོར་ན། །བུས་པ་མ་
D119.052.0070b02.01རབས་སྨོས་ཅི་དགོས། །ཞེས་གསུངས་ལ། ད་འདིར་རྟག་ཏུ་གནས་པ་མི་འགྱུར་མི་འཕོ་བ་ཞེས་གསུངས་པའི་དོན་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། །ངས་ནི་ཉན་ཐོས་པའི་ཉེ་གནས་ཐམས་ཅད་ལ་ཡི་གེ་ཕྱེད་པོ་བསྟན་པའི་ཕྱིར་ཚིགས་སུ་བཅད་པ་དེ་སྐད་ཅེས་གསུངས་
D119.052.0070b03.01པ་ཡིན་ནོ། །རིགས་ཀྱི་བུ་གཞན་ཡང་རྒྱལ་པོ་རབ་ཏུ་སྡེ་འཕམ་བྱེད་ཀྱི་མ་ཤི་བ་ན། རྒྱལ་པོ་མྱ་ངན་གྱིས་ནོན་ཏེ་རབ་ཏུ་ངུ་ཞིང་། ཡིད་ལ་གཅགས་བཞིན་དུ་ང་གང་ན་བར་འོངས་ནས་ངས་རྒྱལ་པོ་ལ་མཁྱེན་བཞིན་དུ་རྒྱལ་པོ་ཆེན་པོ་ཅིའི་ཕྱིར་རབ་ཏུ་སྡུག་བསྔལ་ཞིང་ཡི་མུག་པར་གྱུར་ཅེས་དྲིས་ན།
D119.052.0070b04.01རྒྱལ་པོས་གསོལ་པ། བཙུན་མོ་ཆེན་མོ་དེང་ཚེའི་བྱ་བ་བྱས་ཏེ། གལ་ཏེ་སུ་ཞིག་གིས་བདག་གི་མའི་ཚེ་སླར་བཟློག་ན། བདག་གིས་རྒྱལ་ཐབས་དང་། བལ་གླང་དང་རྟ་དང་། རིན་པོ་ཆེ་སྣ་བདུན་དང་། ལུས་དང་སྲོག་ཀྱང་འབུལ་ལོ་ཞེས་སྨྲས་སོ། །ངས་རྒྱལ་པོ་དེ་ལ་འདི་སྐད་དུ་རྒྱལ་པོ་
D119.052.0070b05.01ཆེན་པོ་མྱ་ངན་གྱིས་ཡིད་གདུངས་པར་མ་བྱེད་ཅིག །སེམས་ཅན་ཐམས་ཅད་ཚེ་ཟད་དེ་ཤི་ཞེས་བྱ་བ་ཡོད་དོ། །སངས་རྒྱས་དང་རང་སངས་རྒྱས་དང་ཉན་ཐོས་རྣམས་ཀྱང་ལུས་འདོར་ན། བུས་པ་མ་རབས་ལྟ་ཅི་སྨོས་ཏེ། རིགས་ཀྱི་བུ་ངས་རྒྱལ་པོ་དེའི་མྱ་ངན་བསང་བའི་ཕྱིར་ཡི་གེ་
D119.052.0070b06.01ཕྱེད་པོའི་ཚིགས་སུ་བཅད་པ་དེ་དག་གསུངས་པ་ཡིན་ནོ། །ངས་ད་ཉན་ཐོས་ཀྱི་ཉེ་གནས་རྣམས་ལ་གཙུག་ལག་ཆེན་པོ་བསྟན་ཏེ། དེ་བཞིན་གཤེགས་པ་ནི་རྟག་ཏུ་གནས་པ་མི་འགྱུར་མི་འཕོ་བའོ། །ཞེས་གསུངས་པ་ལ། དེ་ལ་གང་ཟག་ལ་ལ་ཞིག་གིས་དེ་བཞིན་གཤེགས་པ་མི་
D119.052.0070b07.01