完整藏文原文 · 德格版页 当前仅加载第 52 函德格 50b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་བསྟན་པར་འཚལ་ལོ། །བཅོམ་ལྡན་འདས་དེ་བཞིན་གཤེགས་པའི་ཆོས་ཀྱི་སྐུ་ནི་རྡོ་རྗེ་ལྟ་བུར་མི་འཇིག་པ་ལགས་ན་ཅིའི་རྒྱུ་ལས་གྱུར་པ་ནི་བདག་གིས་མི་འཚལ་ཏོ། །བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། དམ་པའི་ཆོས་སྲུང་ཞིང་འཛིན་པ་དེའི་རྒྱུ་
D119.052.0050b01.01དེའི་རྐྱེན་གྱིས་རྡོ་རྗེའི་སྐུ་དང་ལྡན་པར་གྱུར་ཏོ། །འོད་སྲུང་ངས་སྔོན་ཆོས་ཡོངས་སུ་བསྲུང་བའི་རྒྱུ་དང་རྐྱེན་གྱིས་རྡོ་རྗེའི་སྐུ་དང་ལྡན་ཏེ་རྟག་ཏུ་གནས་པ་དང་མི་འཇིག་པར་གྱུར་ཏོ། །རིགས་ཀྱི་བུ་དམ་པའི་ཆོས་སྲུང་ཞིང་སྲུང་བ་ནི་ཁྲིམས་ལྔ་ཡང་མི་འཛིན་ཏེ། སྤྱོད་ལམ་
D119.052.0050b02.01ཡང་མི་སྲུང་བར་མཚོན་ཆ་རལ་གྲི་དང་། མདའ་གཞུ་དང་། མདུང་ལ་སོགས་པ་ཐོགས་ཏེ་དགེ་སློང་ཚུལ་ཁྲིམས་ཡོངས་སུ་དག་པ་དག་སྲུང་བའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །ཡང་བཅོམ་ལྡན་འདས་
D119.052.0050b03.01དགེ་སློང་གང་བསྲུང་བ་བཏང་སྟེ། །དབེན་པའི་གནས་དུར་ཁྲོད་དམ། ཤིང་དྲུང་ན་གནས་པ་ནི་དགེ་སློང་ཡང་དག་པ་ལགས་ཀྱི་གང་སྲུང་བའི་རྗེས་སུ་སྤྱོད་པ་ནི་ཁྱིམ་བདག་མགོ་རེག་གོ་ཞེས་འབྱུང་ངོ་། །བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། ཁྱིམ་བདག་མགོ་
D119.052.0050b04.01རེག་ཅེས་མ་ཟེར་ཅིག །དགེ་སློང་གང་དུ་གནས་ཀྱང་ལུས་ཀྱི་ཡོ་བྱད་ཙམ་ཆོག་པར་ལེན་ཅིང་མདོ་སྡེ་ཀློག་པ་དང་། འདོན་པ་དང་། བསམ་གཏན་ཡིད་ལ་བྱེད་པ་དང་། ཆོས་འདྲི་བ་ཡོད་ན་དེ་ལ་སྦྱིན་པ་དང་། ཚུལ་ཁྲིམས་དང་། བསོད་ནམས་ཀྱི་ཚོགས་དང་། འདོད་པ་ཉུང་
D119.052.0050b05.01བ་དང་། ཆོག་ཤེས་པ་ལ་སོགས་པ་ཆོས་རྣམ་པ་སྣ་ཚོགས་སྟོན་ཀྱང་དེ་ནི་སེང་གེའི་སྒྲ་སྒྲོགས་པ་ཞེས་མི་བྱ། སེང་གེས་ཡོངས་སུ་བསྐོར་བ་ཞེས་ཀྱང་མི་བྱ། ཆོས་ངན་པ་སྤྱོད་པ་གདུལ་ནུས་པ་མ་ཡིན། དགེ་སློང་དེ་ནི་བདག་གི་དོན་ཀྱང་བྱེད་མི་ནུས་ལ། གཞན་གྱི་དོན་
D119.052.0050b06.01བྱེད་པ་ཡང་མ་ཡིན་ཏེ། དེ་ནི་བག་མེད་པ་ལེ་ལོ་ཅན་ཡིན་ཏེ། ཚུལ་ཁྲིམས་སྲུང་ཞིང་ཚངས་པར་སྤྱོད་ཀྱང་དེ་ནི་ཅི་ཡང་མི་ནུས་པར་རིག་པར་བྱའོ། །དགེ་སློང་གང་འཚོ་བའི་ཡོ་བྱད་ཀྱང་མང་དུ་ཡོད་ལ། ཚུལ་ཁྲིམས་ཀྱང་ཡོངས་སུ་སྲུང་ཞིང་སེང་གེའི་སྒྲ་སྒྲོགས་ཏེ། དམ་
D119.052.0050b07.01