完整藏文原文 · 德格版页 当前仅加载第 52 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
སོ་སྙམ་སེམས་སོ། །སེམས་ཅན་ལ་ལས་ནི་དེ་བཞིན་གཤེགས་པའི་སྐུ་ཚད་མེད་པར་རྒྱ་ཆེན་པོར་མཐོང་ངོ་། །ལ་ལས་ནི་སྐུ་རབ་ཏུ་ཆུང་ངུར་མཐོང་ངོ་། །ལ་ལས་ནི་ཉན་ཐོས་ཀྱི་གཟུགས་ལྟ་བུར་མཐོང་ངོ་། །ལ་ལས་ནི་རང་སངས་རྒྱས་ཀྱི་གཟུགས་ལྟ་བུར་
D119.052.0138b01.01མཐོང་ངོ་། །མུ་སྟེགས་ཅན་ཁ་ཅིག་ནི་འདི་སྙམ་དུ་དེ་བཞིན་གཤེགས་པ་ནི་བདག་གི་ཆོས་ཀྱིས་རབ་ཏུ་འབྱུང་སྟེ། སློབ་པ་ལ་ཞུགས་སོ་སྙམ་སེམས་སོ། །སེམས་ཅན་ལ་ལ་ནི་འདི་སྙམ་དུ་དེ་བཞིན་གཤེགས་པ་བདག་འབའ་ཞིག་གི་ཕྱིར་འཇིག་རྟེན་དུ་གཤེགས་
D119.052.0138b02.01སོ་སྙམ་སེམས་སོ། །དེ་བཞིན་གཤེགས་པའི་རང་བཞིན་ཡང་དག་པ་ནི་ཟླ་བ་དང་འདྲ་སྟེ། ཆོས་ཀྱི་སྐུ། མི་སྐྱེ་བའི་སྐུ། ཐབས་ཀྱི་སྐུ་སྟེ། འཇིག་རྟེན་པའི་རྗེས་སུ་སྔོན་གྱི་ལས་རྣམ་པ་ཚད་མེད་པ་གནས་ཐམས་ཅད་དུ་སྐྱེ་བ་བསྟན་པ་ནི་ཟླ་བ་དང་འདྲའོ། །
D119.052.0138b03.01དེ་བས་ན་དེ་བཞིན་གཤེགས་པ་ནི་རྟག་པ། གནས་པ་མི་འགྱུར་མི་འཕོ་བའོ། །རིགས་ཀྱི་བུ་གཞན་ཡང་ལྷ་མ་ཡིན་སྒྲ་གཅན་འཛིན་ལྟ་བུ་ལག་པས་ཟླ་བ་བཀབ་པ་ན་འཇིག་རྟེན་པ་དག་ནི་ཟླ་བ་ཤིའོ་ཞེས་ཟེར་ཏེ་ཡང་དག་པར་ན་ལྷ་མ་ཡིན་གྱི་རྒྱལ་པོས་ཟླ་བ་བསད་པ་མ་ཡིན་གྱི་
D119.052.0138b04.01སྣང་བ་བསྒྲིབས་སུ་ཟད་དོ། །ཟླ་བ་རྒྱས་པ་ལ་འབྲི་བ་མེད་ཀྱི་ལག་པས་བསྒྲིབས་པས་མི་སྣང་བར་ཟད་དོ། །ཕྱིར་ལག་པ་བསྐུམས་ན་འཇིག་རྟེན་པ་དག་ནི་ཟླ་བ་ཕྱིར་སྐྱེས་སོ་ཞེས་ཟེར་ཏེ། ཟླ་བ་འདི་ནི་སྡུག་བསྔལ་ཡང་མྱོང་ངོ་ཞེས་ཟེར་རོ། །གལ་ཏེ་ལྷ་མ་ཡིན་བརྒྱ་སྟོང་
D119.052.0138b05.01སྙེད་ཚོགས་ཀྱང་ཟླ་བ་ལ་ནི་གནོད་པ་བྱེད་མི་ནུས་སོ། །དེ་བཞིན་གཤེགས་པ་ཡང་དེ་དང་འདྲ་སྟེ་སེམས་ཅན་ཁ་ཅིག་དེ་བཞིན་གཤེགས་པ་ལ་སྡིག་པའི་སེམས་བསྐྱེད་དེ། སངས་རྒྱས་ཀྱི་སྐུ་ལ་ཁྲག་ཕྱུང་བ་དང་། མཚམས་མེད་པ་ལྔ་བྱས་པ་དང་། ལོག་སྲེད་ཀྱི་བར་དུ་
D119.052.0138b06.01བྱས་པ་བསྟན་པ་ཡང་ཕྱི་མ་མ་འོངས་པའི་སེམས་ཅན་དགེ་འདུན་དང་ཆོས་འཇིག་ཅིང་མ་རུང་བར་བྱེད་པའི་ཕྱིར་བསྟན་པར་ཟད་ཀྱི། གལ་ཏེ་བདུད་ཚད་མེད་བརྒྱ་སྟོང་སྙེད་ཚོགས་ཀྱང་དེ་བཞིན་གཤེགས་པའི་སྐུ་ལ་ཁྲག་མི་ཕྱིན་ཏོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པའི་
D119.052.0138b07.01