完整藏文原文 · 德格版页 当前仅加载第 52 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
དཔེར་ན་མི་ཞིག་འབྲོག་དགོན་པར་སོང་ན་འཇིགས་པའམ་བག་ཚ་བ་ཡོད་དོ། །རྣམ་པར་གྲོལ་བ་ནི་དེ་ལྟ་མ་ཡིན་ཏེ། འཇིགས་པའམ་བག་ཚ་བ་མེད་དོ། །འཇིགས་པའམ་བག་ཚ་བ་མེད་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་
D119.052.0080b01.01གཤེགས་པའོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་འཇིགས་པ་མེད་པའོ། །དཔེར་ན་སེང་གེའི་རྒྱལ་པོ་ནི་{རི་དགས་,རི་དྭགས་}ཐམས་ཅད་ཀྱིས་མི་འཇིགས་སོ། །རྣམ་པར་གྲོལ་བ་ཡང་དེ་དང་འདྲ་སྟེ། བདུད་ཀྱི་རིས་ཐམས་ཅད་ཀྱིས་མི་འཇིགས་སོ། །འཇིགས་པ་མེད་པ་
D119.052.0080b02.01ནི་ཡང་དག་པར་རྣམ་པར་གྲོལ་བ་སྟེ། ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་མི་དོག་པའོ། །དཔེར་ན་ལམ་དོག་པོར་ནི་མི་གཉིས་མཉམ་དུ་འགྲོར་མེད་དོ། །རྣམ་པར་གྲོལ་བ་ནི་དེ་དང་མི་འདྲ་སྟེ། རྣམ་པར་གྲོལ་བ་
D119.052.0080b03.01ནི་དེ་བཞིན་གཤེགས་པའོ། །གཞན་ཡང་དོག་པ་ནི་དཔེར་ན་མི་ཞིག་སྟག་གིས་འཇིགས་ཏེ་ཁྲོན་པར་མཆོངས་པ་ལྟ་བུའོ། །རྣམ་པར་གྲོལ་བ་ནི་དེ་ལྟ་མ་ཡིན་ཏེ། དེ་ལྟར་རྣམ་པར་གྲོལ་བ་དེ་ནི་དེ་བཞིན་གཤེགས་པའོ། །གཞན་ཡང་མི་དོག་པ་ནི་གྲུ་ཞིག་པ་ཆུང་ངུ་
D119.052.0080b04.01སྤངས་ནས་གྲུ་བཟང་པོར་ཞུགས་ཏེ། རྒྱ་མཚོ་ལ་བདེ་བར་རྒལ་ནས་བདེ་བའི་གནས་སུ་ཕྱིན་པའོ། །རྣམ་པར་གྲོལ་བ་ཡང་དེ་དང་འདྲ་སྟེ། སེམས་རབ་ཏུ་བདེ་བའོ། །སེམས་རབ་ཏུ་བདེ་བ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་
D119.052.0080b05.01གཤེགས་པའོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་རྒྱུ་དང་རྐྱེན་ལས་འབྱིན་པའོ། །འདི་ལྟ་སྟེ། འོ་མའི་རྐྱེན་གྱིས་ཞོའོ། །ཞོའི་རྐྱེན་གྱིས་མར་རོ། །མར་གྱི་རྐྱེན་གྱིས་མར་གྱི་སྙིང་པོའོ། །ཡང་དག་པར་རྣམ་པར་གྲོལ་བ་ལ་ནི་རྒྱུ་གང་ཡང་མེད་དོ། །རྒྱུ་མེད་
D119.052.0080b06.01པ་ནི་ཡང་དག་པར་རྣམ་པར་གྲོལ་བ་སྟེ། ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་ང་རྒྱལ་འདུལ་བའོ། །དཔེར་ན་རྒྱལ་པོ་ཆེན་པོ་ནི་རྒྱལ་ཕྲན་རྣམས་ལ་ང་རྒྱལ་བྱེད་དོ། །རྣམ་པར་གྲོལ་བ་ནི་དེ་ལྟ་བུ་མ་ཡིན་ཏེ། དེ་ལྟར་
D119.052.0080b07.01