完整藏文原文 · 德格版页 当前仅加载第 52 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
དཔེར་ན་གསེར་ཡང་དག་པ་ནི་ཡང་དང་ཡང་བཞུ་སྟེ་བརྡུངས་ན་གསེར་བཙོ་མར་འགྱུར་ཏེ་ཤིན་ཏུ་གསལ་བ་དང་། མཉེན་པ་དང་། ཤིན་ཏུ་འོད་གསལ་བ་དང་། རིན་ཐང་སྐྱེ་བར་འགྱུར་ཏེ། ལྷ་དང་མིའི་རིན་པོ་ཆེར་འགྱུར་རོ། །བཅོམ་ལྡན་
D119.052.0259a01.01འདས་དེ་བཞིན་གཤེགས་པ་ཡང་དེ་དང་འདྲ་སྟེ། ཡང་དང་ཡང་ཞུ་ཞིང་དྲིས་ན་ཤིན་ཏུ་ཟབ་མོའི་དོན་ཐོས་པ་དང་མཐོང་བར་འགྱུར་བས་ཟབ་མོ་ལ་རྣལ་འབྱོར་པ་རྣམས་གཟུངས་སུ་འཛིན་ཅིང་ནན་ཏན་བྱེད་པ་དང་། སྐྱེ་བོ་ཚད་མེད་པ་དག་བླ་ན་མེད་པ་ཡང་དག་པར་རྫོགས་
D119.052.0259a02.01པའི་བྱང་ཆུབ་ཏུ་སེམས་བསྐྱེད་པར་འགྱུར་བ་དང་། དེའི་འོག་ཏུ་ལྷ་དང་མི་ལ་སོགས་པས་བསྟི་སྟང་དང་། བཀུར་སྟིར་མཆོད་པར་འགྱུར་རོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་ལེགས་སོ་ལེགས་སོ་ཞེས་བྱ་བ་བྱིན་ཏེ། འོད་སྲུང་
D119.052.0259a03.01བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་ལ་ཕན་པ་དང་བདེ་བར་འདོད་པའི་ཕྱིར་ཤིན་ཏུ་ཟབ་མོའི་དོན་འདི་དྲིས་པ་ལེགས་སོ། །རིགས་ཀྱི་བུ་དོན་དེ་ལྟ་བས་ན། ངས་ཀྱང་ཁྱོད་ཀྱིས་བསམས་པ་བཞིན་དུ་ཐེག་པ་ཆེན་པོ་ཤིན་ཏུ་རྒྱས་པ་ཟབ་མོའི་
D119.052.0259a04.01དོན་བསྟན་པ་ནི་འདི་ལྟ་སྟེ། རབ་ཏུ་དགའ་བ་བུ་གཅིག་པ་དང་འདྲ་བའི་ས་བསྟན་པའོ། །བྱང་ཆུབ་སེམས་དཔའ་འོད་སྲུང་གིས་ཡང་བཅོམ་ལྡན་འདས་ལ་གསོལ་པ། གལ་ཏེ་བྱང་ཆུབ་སེམས་དཔའ་དག་བྱམས་པ་དང་སྙིང་རྗེ་དང་དགའ་བ་ལ་ནན་ཏན་བྱས་པས་བུ་
D119.052.0259a05.01གཅིག་པ་དང་འདྲ་བའི་ས་ཐོབ་པར་འགྱུར་ན། བཏང་སྙོམས་ཀྱི་སེམས་ལ་ནན་ཏན་བགྱིད་པ་ན་ས་གང་དག་ཐོབ་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ཤིན་ཏུ་ལེགས་སོ་རིགས་ཀྱི་བུ་ཁྱོད་ནི་ཤིན་ཏུ་དུས་ལ་མཁས་པས་ངས་ཀྱང་
D119.052.0259a06.01བཤད་པར་དགོངས་པ་ལས་ཁྱོད་ཀྱིས་ཞུས་པ་ལེགས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་བཏང་སྙོམས་ཀྱི་སེམས་ལ་ནན་ཏན་བྱེད་པ་ན། རབ་འབྱོར་ལྟར་སྟོང་པ་ཉིད་ཀྱི་མཉམ་པའི་ས་ལ་གནས་པར་འགྱུར་རོ། །རིགས་ཀྱི་བུ་བྱང་ཆུབ་
D119.052.0259a07.01