完整藏文原文 · 德格版页 当前仅加载第 52 函德格 201a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་མཚན་ཉིད་ཡོད་པར་སྨྲའོ། །བྱང་ཆུབ་སེམས་དཔའ་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་ལ་གནས་པ་འབའ་ཞིག་ནི་སྡུག་བསྔལ་གྱི་རྒྱུ་དང་། བདེ་བའི་རྒྱུ་རྟོགས་ཤིང་ཤེས་སོ། །རིགས་ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་
D119.052.0201a01.01དཔའ་སེམས་དཔའ་ཆེན་པོ་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་ལ་གནས་པ་ན། ཀུན་འབྱུང་གི་བདེན་པ་རྟོགས་པ་ཞེ་ན། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཀུན་འབྱུང་གི་བདེན་པ་འདི་ཕུང་པོའི་རྒྱུ་དང་རྐྱེན་ཡིན་པར་
D119.052.0201a02.01རྟོགས་སོ། །ཀུན་འབྱུང་ཞེས་བྱ་བ་ནི་ཕྱིར་ཡང་སྲིད་པ་ལ་འདོད་པ་སྟེ། འདོད་པ་ལ་རྣམ་པ་གཉིས་སོ། །བདག་གི་ལུས་འདོད་པ་དང་། དགོས་པ་འདོད་པའོ། །ཡང་རྣམ་པ་གཉིས་ཏེ། འདོད་པ་ལྔ་མ་ཐོབ་པ་ལ་སེམས་རྩེ་གཅིག་ཏུ་ཚོལ་བ་དང་།
D119.052.0201a03.01རྙེད་ནས་ཤིན་ཏུ་ཆགས་པ་ལ་བཟོད་པར་བྱེད་པའོ། །གཞན་ཡང་རྣམ་པ་གསུམ་སྟེ། འདོད་པའི་འདོད་པ་དང་། གཟུགས་ཀྱི་འདོད་པ་དང་། གཟུགས་མེད་པའི་འདོད་པའོ། །གཞན་ཡང་རྣམ་པ་གསུམ་སྟེ། ལས་ཀྱི་རྒྱུ་དང་རྐྱེན་ལ་འདོད་པ་དང་། ཉོན་
D119.052.0201a04.01མོངས་པའི་རྒྱུ་དང་རྐྱེན་ལ་འདོད་པ་དང་། སྡུག་བསྔལ་གྱི་རྒྱུ་དང་རྐྱེན་ལ་འདོད་པའོ། །རབ་ཏུ་བྱུང་བ་ལ་འདོད་པ་རྣམ་པ་བཞིའོ། །ཆོས་གོས་དང་། བསོད་སྙོམས་དང་། མལ་ཆ་དང་། ནད་ཀྱི་རྐྱེན་སྨན་ནོ། །གཞན་ཡང་རྣམ་པ་ལྔ་སྟེ། ཕུང་པོ་ལྔ་ལ་ཆགས་ནས་
D119.052.0201a05.01དགོས་པའི་རྗེས་སུ་ཐམས་ཅད་འདོད་དོ། །རྣམ་པར་རྟོག་པ་ཚད་མེད་མཐའ་ཡས་པའོ། །རིགས་ཀྱི་བུ་འདོད་པ་ལ་ཡང་རྣམ་པ་གཉིས་ཏེ། དགེ་བ་ལ་འདོད་པ་དང་། མི་དགེ་བ་ལ་འདོད་པའོ། །མི་དགེ་བ་ལ་འདོད་པ་ནི་གླེན་པ་འབའ་ཞིག་འདོད་དོ། །དགེ་བ་ལ་
D119.052.0201a06.01འདོད་པ་ནི་བྱང་ཆུབ་སེམས་དཔའ་རྣམས་འདོད་དོ། །དགེ་བའི་ཆོས་འདོད་པ་ལ་ཡང་རྣམ་པ་གཉིས་ཏེ། མི་དགེ་བ་དང་། དགེ་བའོ། །ཐེག་པ་གཉིས་པོ་ཚོལ་བ་ནི་མི་དགེ་བའོ། །ཐེག་པ་ཆེན་པོ་ཚོལ་བ་ནི་དགེ་བའོ། །རིགས་ཀྱི་བུ་བྱིས་པ་མ་རབས་ཀྱི་འདོད་པ་ནི་
D119.052.0201a07.01