完整藏文原文 · 德格版页 当前仅加载第 52 函德格 231a 版页；藏文 NFD、目录标记与异常页序保留在来源切片中，重复版页行以稳定序号区分。
པར་སྨྲོས་ཤིག་དང་ངའི་ལུས་འདི་ཁྱོད་ལ་ཡོངས་སུ་གཏང་བར་བྱའོ། །སྐྱེས་བུ་ཆེན་པོ་ཅི་སྟེ་ཁོ་བོའི་ལུས་འདི་ཤིན་ཏུ་ཡང་ཅིར་ཡང་དགོས་པ་བྱེད་ཀྱི། སྟག་དང་། སྤྱང་ཀི་དང་། འཕར་བ་དང་། བྱ་རྒོད་དང་། བྱན་ལག་དང་། ཁྭ་ལ་སོགས་པས་ཟ་བར་
D119.052.0231a01.01འགྱུར་ཏེ། སྤུ་ཉག་མ་གཅིག་ཙམ་གྱི་བསོད་ནམས་ཀྱང་སྐྱེ་བར་མི་འགྱུར་གྱི། བདག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཚོལ་བའི་ཕྱིར་སྙིང་པོ་མེད་པའི་ལུས་འདིས་སྙིང་པོ་དང་བཅས་པའི་ལུས་སུ་གྱུར་ཅིག་ཅེས་སྨྲས་སོ། །སྲིན་པོ་དེས་ཡང་འདི་སྐད་ཅེས་སྨྲས་
D119.052.0231a02.01སོ། །ཁྱོད་འདི་སྐད་དུ་སྨྲ་བ་འདི་ཡི་གེ་འབྲུ་བརྒྱད་པོའི་ཕྱིར་ལུས་ཡོངས་སུ་གཏང་ངོ་། །ཞེས་སྨྲ་བ་འདི་སུ་དག་གིས་ཡིད་ཆེས་པར་འགྱུར། རིགས་ཀྱི་བུ་ངས་དེའི་ཚེ་ན་དེ་ལ་ཡང་འདི་སྐད་ཅེས་སྨྲས་སོ། །ཁྱོད་ནི་ཡང་དག་པར་ཤེས་པ་མེད་པ་སྟེ། དཔེར་ན་མི་ཞིག་ཁམ་
D119.052.0231a03.01ཕོར་ཐོགས་ཏེ། རིན་པོ་ཆེ་སྣ་བདུན་གྱི་སྣོད་དང་བརྗེས་པ་དང་འདྲ་བར་བདག་ཀྱང་སྙིང་པོ་མེད་པའི་ལུས་འདིས་རྡོ་རྗེ་ལྟ་བུའི་ལུས་ཐོབ་པར་འགྱུར་ན། འདི་སྐད་ཅེས་སྨྲས་པ་འདི་ལ་སུས་ཡིད་ཆེས་པར་འགྱུར་ཞེས་བྱ་བ་ནི་ཁོ་བོའི་དཔང་དུ་ཚངས་པ་ཆེན་པོའི་རྒྱལ་པོ་དང་། བརྒྱ་
D119.052.0231a04.01བྱིན་ལྷའི་དབང་ཕྱུག་དང་། རྒྱལ་ཆེན་བཞིའི་རྒྱལ་པོ་ལ་སོགས་པ་དཔང་དུ་ཡོད་དོ། །དེ་མ་ཡིན་པ་གཞན་ཡང་བྱང་ཆུབ་སེམས་དཔའ་འཕྲུལ་གྱི་མིག་ཅན་སེམས་ཅན་ཚད་མེད་ལ་ཕན་པ་དང་། བདེ་བའི་དོན་གྱི་ཕྱིར་ཐེག་པ་ཆེན་པོ་ལ་ནན་ཏན་བྱེད་ཅིང་ཕ་རོལ་ཏུ་ཕྱིན་པ་
D119.052.0231a05.01དྲུག་དང་ལྡན་པ་ཡང་དཔང་དུ་འགྱུར་རོ། །དེ་མ་ཡིན་པ་གཞན་ཡང་ཕྱོགས་བཅུའི་འཇིག་རྟེན་གྱི་ཁམས་ན་ད་ལྟར་བཞུགས་པའི་སངས་རྒྱས་བཅོམ་ལྡན་འདས་ད་ལྟར་སེམས་ཅན་གྱི་དོན་དུ་འཚོ་ཞིང་སྐྱོང་བ་རྣམས་ཀྱང་བདག་གི་དཔང་དུ་འགྱུར་ཏེ། བདག་ནི་ཡི་གེ་འབྲུ་བརྒྱད་
D119.052.0231a06.01པོའི་ཕྱིར་ལུས་འདི་ཡོངས་སུ་གཏོང་ངོ་། །སྲིན་པོས་ཡང་སྨྲས་པ། ཅི་སྟེ་ཁྱོད་དེ་ལྟར་ལུས་ཡང་དག་པར་གཏོང་ཕོད་ན་ཤིན་ཏུ་ལེགས་པར་ཉོན་ཅིག །ཚིགས་སུ་བཅད་པ་འདི་ཡང་བསྟན་པར་བྱའོ། །རིགས་ཀྱི་བུ་ངས་དེའི་ཚེ་དེ་སྐད་ཅེས་ཐོས་ནས་སེམས་རབ་ཏུ་དགའ་བ་སྐྱེས་
D119.052.0231a07.01