完整藏文原文 · 德格版页 当前仅加载第 52 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
ཆགས་པར་མི་མཛད་དོ། །དེ་ཅིའི་ཕྱིར་ཞེ་ན། སངས་རྒྱས་ཀྱི་ཆོས་ཉིད་ཀྱིས་དེའོ། །ཙུན་ད་ཁྱོད་ཀྱི་མཆོད་པ་ནང་གི་ཐ་མར་བཤམས་པ་འདི་བཞེས་པ་ནི་ཁྱོད་འཁོར་བའི་ཀླུང་ལས་བསྒྲལ་བའི་ཕྱིར་རོ། །དེ་ལ་ལྷའམ། མིའམ། འཇིག་
D119.052.0028a01.01རྟེན་དུ་བཅས་པ་གང་ཡང་རུང་ནང་གི་ཐ་མར་མཆོད་པ་བཤམས་ཏེ། ང་ལ་ཕུལ་ན་མི་གཡོ་བའི་འབྲས་བུ་ཐོབ་ཅིང་རྟག་ཏུ་བདེ་བ་མྱོང་བར་འགྱུར་རོ། །དེ་ཅིའི་ཕྱིར་ཞེ་ན། ང་ནི་སེམས་ཅན་ཐམས་ཅད་ཀྱི་བསོད་ནམས་ཀྱི་ཞིང་ཡིན་པའི་ཕྱིར་རོ། །ཁྱོད་ཀྱང་སེམས་
D119.052.0028a02.01ཅན་རྣམས་ཀྱི་བསོད་ནམས་ཀྱི་ཞིང་དུ་འགྱུར་བར་འདོད་ན་མཆོད་པ་བཤམས་པ་མ་ཐོགས་པར་མྱུར་དུ་ཕུལ་ཅིག །དེ་ནས་ཙུན་དས་སེམས་ཅན་ཐམས་ཅད་རྣམ་པར་གྲོལ་བར་བྱ་བའི་ཕྱིར་མགོ་སྨད་དེ་མཆི་མ་བླགས་བཞིན་དུ་བཅོམ་ལྡན་འདས་ལ་འདི་སྐད་ཅེས་གསོལ་
D119.052.0028a03.01ཏོ། །ཤིན་ཏུ་ལེགས་སོ། །བཅོམ་ལྡན་འདས་བདག་བསོད་ནམས་ཀྱི་ཞིང་དུ་འགྱུར་ཡང་དག་ན་ལྟ། དེ་བཞིན་གཤེགས་པ་མྱ་ངན་ལས་འདའ་བ་དང་། མྱ་ངན་ལས་འདའ་བ་མ་ལགས་པར་རྟོག་པར་འགྱུར་བ་ཞིག་ན་བདག་ཅག་ཉན་ཐོས་དང་རང་སངས་རྒྱས་
D119.052.0028a04.01ཀྱི་ཡེ་ཤེས་ནི་སྦྲང་བུ་དང་འདྲ་བས་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བ་དང་། མྱ་ངན་ལས་མི་འདའ་བ་དཔོག་མི་ནུས་སོ། །དེ་ནས་ཙུན་ད་འཁོར་དང་བཅས་པས་མཆི་མ་བླགས་ཏེ་ངུ་བཞིན་དུ་དེ་བཞིན་གཤེགས་པ་ལ་བསྐོར་བ་བྱས་བདུག་སྤོས་
D119.052.0028a05.01དང་མེ་ཏོག་གིས་གཏོར་ཏེ། མཆོད་པ་བྱས་ནས་འཇམ་དཔལ་དང་བཅས་སུ་འདུག་པ་ལས་ལངས་ཏེ། མཆོད་པ་ཤོམ་དུ་དོང་ངོ་། །དེ་ལྟར་སོང་མ་ཐག་ཏུ་དེའི་ཚེ་ས་ཡང་ཚངས་པའི་འཇིག་རྟེན་ལ་ཐུག་གི་བར་དུ་རྣམ་པ་དྲུག་ཏུ་གཡོས་སོ། །ས་གཡོ་བ་ལ་
D119.052.0028a06.01རྣམ་པ་གཉིས་ཏེ། ས་གཡོས་པ་དང་། རབ་ཏུ་གཡོས་པའོ། །ཅུང་ཟད་གཡོས་པ་ནི་ས་གཡོས་པ་ཞེས་བྱའོ། །ཆེར་གཡོས་པ་ནི་རབ་ཏུ་གཡོས་པ་ཞེས་བྱའོ། །སྐད་ཆུང་བ་ནི་ས་གཡོས་པ་ཞེས་བྱའོ། །སྐད་ཆེ་བ་ནི་རབ་ཏུ་གཡོས་པ་ཞེས་བྱའོ། །
D119.052.0028a07.01