完整藏文原文 · 德格版页 当前仅加载第 52 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
བོས་ཀྱང་འོང་དུ་མི་བཏུབ་བོ། །དེ་ལ་ཡང་མས་འདི་སྐད་དུ་བསྒོའོ། །ཁྱོད་སྔར་སྨན་འཐུངས་ཏེ་སྨན་མ་ཞུ་བའི་བར་དུ་ནུ་མ་བླུད་དུ་མི་རུང་བས་ཁོ་མོས་དུག་གིས་བསྐུས་པ་ཡིན་གྱིས་ད་ཁྱོད་ཀྱི་སྨན་ཀྱང་ཞུ་ལ། ཁ་བ་ཡང་བཀྲུས་ཀྱིས་ད་ནི་ཁ་བའི་རོ་མེད་དོ་
D119.052.0116a01.01ཞེས་སྨྲས་ན་གདོད་བགས་ཀྱིས་ཉེ་སྟེ་འཐུང་དུ་བཏུབ་བོ། །རིགས་ཀྱི་བུ་དེ་བཞིན་གཤེགས་པ་ཡང་དེ་བཞིན་དུ་སེམས་ཅན་ཐམས་ཅད་བསྒྲལ་བའི་ཕྱིར། སེམས་ཅན་ཐམས་ཅད་བདག་མེད་པའི་ཆོས་ལ་ནན་ཏན་བྱེད་པ་སྟོན་ཏོ། །དེ་ལ་ནན་ཏན་བྱས་པས་བདག་
D119.052.0116a02.01ཅེས་བྱ་བའི་སེམས་མེད་དེ་ཡོངས་སུ་མྱ་ངན་ལས་འདའོ། །དེ་ལ་ཡང་འཇིག་རྟེན་རྒྱང་པན་པའི་ངན་པར་ལྟ་བ་བསལ་བའི་ཕྱིར་འཇིག་རྟེན་རྒྱང་པན་པའི་ཆོས་ལས་འདས་པ་བསྟན་པའི་ཕྱིར་གཞན་ཡང་འཇིག་རྟེན་རྒྱང་པན་པ་དག་བདག་ཏུ་ལྟ་བ་ཡང་དག་པ་མ་ཡིན་
D119.052.0116a03.01པར་བསྟན་པའི་ཕྱིར་བདག་མེད་པའི་ཆོས་བསྒོམས་པས་ཡོངས་སུ་དག་པའི་ལུས་སུ་འགྱུར་བའི་ཕྱིར་ཇི་ལྟར་བུད་མེད་དེས་བུའི་ཕྱིར་མཁྲིས་པས་ནུ་མ་བསྐུས་པ་བཞིན་དུ་དེ་བཞིན་གཤེགས་པ་ཡང་དེ་དང་འདྲ་སྟེ། སྟོང་པ་ཉིད་བསྒོམས་པའི་ཕྱིར་ཆོས་ཐམས་ཅད་ལ་
D119.052.0116a04.01བདག་མེད་ཅེས་གསུངས་སོ། །ཇི་ལྟར་བུད་མེད་དེས་ནུ་མ་ཕྱིར་བཀྲུས་ནས་བུ་བོས་ཏེ་ནུ་ཞོ་བླུད་དོ་ཞེས་བྱ་བ་བཞིན་དུ་ངས་དེ་བཞིན་གཤེགས་པའི་སྙིང་པོ་བསྟན་པ་ཡང་དེ་དང་འདྲ་སྟེ། དགེ་སློང་ཁྱོད་ཀྱང་མ་སྐྲག་པར་ཇི་ལྟར་བུ་དེ་ལ་མས་བོས་ཏེ་ནུ་ཞོ་བགས་ཀྱིས་འཐུང་བ་
D119.052.0116a05.01བཞིན་དུ་དགེ་སློང་ཁྱེད་ཀྱང་བྱེ་བྲག་ཕྱེད་པར་གྱིས་ཤིག །དེ་བཞིན་གཤེགས་པའི་སྙིང་པོ་ནི་མེད་པར་བྱ་བ་མ་ཡིན་ནོ། །བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་གསོལ་པ། བཅོམ་ལྡན་འདས་ཡང་དག་པར་བདག་ཅེས་བགྱི་བ་མ་མཆིས་སོ། །
D119.052.0116a06.01དེ་ཅིའི་སླད་དུ་ཞེ་ན། བུས་པ་ཆུང་ངུ་ནི་ཐོག་མ་བཙས་པ་ན་ཅི་ཡང་བྱེ་བྲག་མི་ཕྱེད་དེ་མི་འཚལ་ཏོ། །གལ་ཏེ་བདག་ཅེས་བགྱི་བ་མཆིས་པ་ལགས་ན་བཙས་མ་ཐག་ཏུ་ཐམས་ཅད་བྱེ་བྲག་འབྱེད་ཅིང་འཚལ་བའི་རིགས་སོ། །དེ་བས་ན་ངེས་པར་བདག་ཅེས་བགྱི་བ་མ་མཆིས་
D119.052.0116a07.01