完整藏文原文 · 德格版页 当前仅加载第 52 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ཆུ་ཞེང་གབ་པར་དཔག་ཚད་བཞི་ཡོད་དོ། །གཞལ་མེད་ཁང་དེའི་ར་བ་ཡང་རིན་པོ་ཆེ་སྣ་བཞི་ལས་བྱས་སོ། །འདི་ལྟ་སྟེ་གསེར་དང་། དངུལ་དང་། བཻ་དཱུརྱ་དང་། ཤེལ་ལས་བྱས་ཏེ་བད་ཀྱང་གསེར་ལས་བྱས། ས་གཞི་ནི་མུ་ས་ལ་གལ་བ་ལས་
D119.052.0017a01.01བླངས་ཏེ་གསེར་གྱི་བྱེ་མ་བདལ་བ། གཞལ་མེད་ཁང་དེའི་དྲུང་ན་རིན་པོ་ཆེ་སྣ་བདུན་གྱི་འབབ་ཆུ་དང་། ཆུ་མིག་དང་རྫིང་བུ་ཡོད་དེ། རྫིང་བུ་དེ་རེ་རེ་ལ་ཡང་གསེར་གྱི་ཐེམ་སྐས་{བཅྭ་,བཅོ་}བརྒྱད་{བཅྭ་,བཅོ་}བརྒྱད་ཡོད་དོ། །ཆུ་ཞེང་ཡང་འཛམ་བུ་ཆུ་ཀླུང་གི་གསེར་ལས་བྱས་ཏེ། སུམ་ཅུ་རྩ་གསུམ་གནམ་གྱི་སྐྱེད་
D119.052.0017a02.01མོས་ཚལ་རབ་ཏུ་བདེ་བ་ཅན་དང་འདྲའོ། །གྲོང་ཁྱེར་དེ་རེ་རེའི་ནང་ན་ཡང་རྒྱལ་པོ་བརྒྱད་ཁྲི་བཞི་སྟོང་སྙེད་ཡོད་དོ། །རྒྱལ་པོ་དེ་རེ་རེ་ལ་ཡང་བཙུན་མོ་དང་ཕོ་བྲང་གི་སླས་གྲངས་མེད་པ་ཡོད་དོ། །དེ་དག་དང་ལྷན་ཅིག་ཏུ་རྩེ་ཞིང་དགའོ། །དེ་ན་གནས་པའི་མི་ཐམས་ཅད་ཀྱང་སོ་སོའི་གནས་
D119.052.0017a03.01ན་རྩེ་ཞིང་དགའོ། །དེ་ན་གནས་པའི་སེམས་ཅན་རྣམས་ནི་རྣ་བར་གཞན་མི་གྲག་གི་བླ་ན་མེད་པའི་ཐེག་པ་ཆེན་པོའི་སྒྲ་འབའ་ཞིག་གྲག་གོ། །མེ་ཏོག་དེ་རེ་རེའི་ནང་ན་ཡང་སེང་གེའི་ཁྲི་རེ་རེ་ཡོད་དེ། ཁྲི་དེའི་རྐང་པ་བཞི་ཡང་བཻ་དཱུརྱ་མཐོན་མཐིང་ལ་བྱས་པ། ཁམས་གསུམ་ལས་
D119.052.0017a04.01འདས་པའི་ན་བཟའ་ཤིན་ཏུ་འཇམ་པ་དཀར་པོ་བཏིང་ངོ་། །ཁྲི་དེ་རེ་རེའི་སྟེང་ན་རྒྱལ་པོ་རེ་རེ་འདུག་སྟེ་ཐེག་པ་ཆེན་པོའི་ཆོས་ཀྱིས་སེམས་ཅན་རྣམས་འདུལ་ཏེ། དེ་ལ་ཡང་སེམས་ཅན་ལ་ལ་ནི་ཐེག་པ་ཆེན་པོའི་མདོ་སྡེ་གླེགས་བམ་དུ་འདྲི་བ་དང་། འཆང་བ་དང་། འཛིན་པ་དང་། ཀློག་
D119.052.0017a05.01པ་དང་། འདོན་པ་དང་། ཇི་ལྟར་སྨྲས་པ་བཞིན་དུ་ནན་ཏན་དུ་བྱེད་པ་དང་། ཤིན་ཏུ་རྒྱས་པའི་བར་དུ་བྱེད་དོ། །དེའི་ཚེ་ན་བྱང་ཆུབ་སེམས་དཔའ་ལུས་དཔག་ཏུ་མེད་པ་དེས་བདག་གི་ལུས་ལ་སེམས་ཅན་ཚད་མེད་པ་སྙེད་བཀོད་པ་དེ་ཡང་འཇིག་རྟེན་གྱི་བདེ་བ་བཏང་ནས་ཐམས་ཅད་འདི་
D119.052.0017a06.01སྐད་དུ་ཀྱི་ཧུད་ཀྱི་ཧུད་འཇིག་རྟེན་སྟོངས་སོ། །དེ་བཞིན་གཤེགས་པ་ནི་རིང་པོ་མ་ལོན་པར་ཡོངས་སུ་མྱ་ངན་ལས་འདའོ་ཞེས་སྨྲའོ། །དེའི་ཚེ་བྱང་ཆུབ་སེམས་དཔའ་ལུས་དཔག་ཏུ་མེད་པ་བྱང་ཆུབ་སེམས་དཔའི་འཁོར་ཚད་མེད་པ་སྙེད་ཀྱིས་བསྐོར་ཏེ། དེ་ལྟ་བུའི་རྫུ་འཕྲུལ་མངོན་པར་
D119.052.0017a07.01