完整藏文原文 · 德格版页 当前仅加载第 52 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
རང་སངས་རྒྱས་དང་། བྱང་ཆུབ་སེམས་དཔའ་རྣམས་ཀྱང་དེ་ལྟར་ཐོས་ནས་རྗེས་སུ་སྤྱོད་ན་འཕགས་པའི་སྤྱོད་པ་ཞེས་བྱའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དག་སྤྱོད་པ་འདི་ལ་གནས་ན་འཇིགས་པ་མེད་པའི་ས་ལ་གནས་པར་གྱུར་ཏོ། །
D119.052.0224b01.01རིགས་ཀྱི་བུ་བྱང་ཆུབ་སེམས་དཔའ་གང་མི་འཇིགས་པའི་ས་ལ་གནས་ན་འདོད་ཆགས་དང་། ཞེ་སྡང་དང་། གཏི་མུག་དང་། སྐྱེ་བ་དང་། རྒ་བ་དང་། ན་བ་དང་། འཆི་བས་ནམ་དུ་ཡང་མི་འཇིགས་ཏེ། སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་། {ཡི་དགས་,ཡི་དྭགས་}
D119.052.0224b02.01སུ་ལྟུང་བའི་འཇིགས་པ་མེད་པར་འགྱུར་རོ། །རིགས་ཀྱི་བུ་མི་དགེ་བ་ལ་རྣམ་པ་གཉིས་ཏེ། ལྷ་མ་ཡིན་དང་། མིའི་ནང་དུ་སྐྱེས་པའོ། །མིའི་ནང་དུ་སྐྱེས་པ་ལ་ཡང་མི་དགེ་བ་རྣམ་པ་གསུམ་སྟེ། ལོག་སྲེད་ཅན་དང་། ཤིན་ཏུ་རྒྱས་པའི་མདོ་སྡེ་ལ་སྐུར་བ་དང་། ཕས་
D119.052.0224b03.01ཕམ་པ་བཞི་ཉམས་པའོ། །རིགས་ཀྱི་བུ་ས་དེ་ལ་གནས་པའི་བྱང་ཆུབ་སེམས་དཔའ་རྣམས་ནི་ནམ་དུ་ཡང་དེ་ལྟ་བུའི་མི་དགེ་བའི་གནས་སུ་ལྟུང་བས་མི་འཇིགས་སོ། །གཞན་ཡང་དགེ་སྦྱོང་དང་། བྲམ་ཟེ་དང་། མུ་སྟེགས་ཅན་ངན་པར་ལྟ་བ་དང་། ལྷའི་བུ་བདུད་སྡིག་ཏོ་ཅན་
D119.052.0224b04.01ལ་སོགས་པས་ཀྱང་མི་འཇིགས་སོ། །གཞན་ཡང་སྲིད་པ་ཉི་ཤུ་ལྔ་བོས་མི་འཇིགས་ཏེ། དེ་བས་ན་ས་འདི་ནི་འཇིགས་པ་མེད་པ་ཞེས་བྱའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་འཇིགས་པ་མེད་པའི་ས་ལ་གནས་པ་ནི་ཏིང་ངེ་འཛིན་རྣམ་པ་ཉི་ཤུ་ལྔ་ཐོབ་པས་སྲིད་པ་
D119.052.0224b05.01ཉི་ཤུ་ལྔ་གཞོམ་པར་བྱེད་དོ། །རིགས་ཀྱི་བུ་དྲི་མ་མེད་པའི་ཏིང་ངེ་འཛིན་ཐོབ་པས་ནི་སེམས་ཅན་དམྱལ་བའི་སྲིད་པ་བཅོམ། ཕྱིར་མི་ལྡོག་པའི་ཏིང་ངེ་འཛིན་ཐོབ་པས་ནི་བྱོལ་སོང་གི་སྲིད་པ་བཅོམ། སེམས་བདེ་བའི་ཏིང་ངེ་འཛིན་ཐོབ་པས་ནི་{ཡི་དགས་,ཡི་དྭགས་}ཀྱི་སྲིད་པ་བཅོམ། རབ་ཏུ་དགའ་
D119.052.0224b06.01བའི་ཏིང་ངེ་འཛིན་ཐོབ་པས་ནི་ལྷ་མ་ཡིན་གྱི་སྲིད་པ་བཅོམ། ཉི་མའི་འོད་ཟེར་གྱི་ཏིང་ངེ་འཛིན་ཐོབ་པས་ནི་ཤར་གྱི་ལུས་འཕགས་གླིང་དུ་སྐྱེ་བའི་སྲིད་པ་བཅོམ། ཟླ་བའི་འོད་ཟེར་གྱི་ཏིང་ངེ་འཛིན་ཐོབ་པས་ནི་ནུབ་ཀྱི་བ་ལང་སྤྱོད་དུ་སྐྱེ་བའི་སྲིད་པ་བཅོམ། མེའི་དབལ་གྱི་ཏིང་ངེ་འཛིན་ཐོབ་
D119.052.0224b07.01