完整藏文原文 · 德格版页 当前仅加载第 52 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སྙིང་པོ་མཐོང་བ་ཡང་དེ་དང་འདྲ་སྟེ། གསལ་བར་མི་རྟོགས་སོ། །རིགས་ཀྱི་བུ་དཔེར་ན་མི་ཞིག་མཚན་མོ་མུན་པའི་ནང་ན་བྱང་ཆུབ་སེམས་དཔའི་སྐུ་གཟུགས་རི་མོ་ལ་བྲིས་པ་ཞིག་མཐོང་ན་དེ་འདི་སྙམ་དུ་འདི་བྱང་ཆུབ་སེམས་དཔའི་གཟུགས་སམ།
D119.052.0127a01.01དབང་ཕྱུག་གི་གཟུགས་སམ། ཚངས་པ་ཆེན་པོའི་གཟུགས་སམ། གོས་ཁ་དོག་བསྒྱུར་བ་ཡིན་ནམ་སྙམ་སེམས་ཏེ། དེས་ཡུན་རིང་དུ་བརྟགས་ན་བྱང་ཆུབ་སེམས་དཔའི་གཟུགས་ཡིན་པར་ཤེས་མོད་ཀྱི། གསལ་བར་རྟོགས་པ་ནི་མ་ཡིན་ནོ། །ས་བཅུ་ལ་གནས་
D119.052.0127a02.01པའི་བྱང་ཆུབ་སེམས་དཔས་བདག་གི་ལུས་ལ་དེ་བཞིན་གཤེགས་པའི་སྙིང་པོ་མཐོང་བ་ཡང་དེ་དང་འདྲ་སྟེ། གསལ་བར་རྟོགས་པ་ནི་མ་ཡིན་ནོ། །རིགས་ཀྱི་བུ་སངས་རྒྱས་ཀྱི་རང་བཞིན་ཞེས་བྱ་བ་ནི་དེ་ལྟར་ཤིན་ཏུ་ཟབ་སྟེ། མཐོང་ཞིང་རྟོགས་པར་དཀའ་བས་སངས་རྒྱས་ཉག་
D119.052.0127a03.01གཅིག་གིས་རྟོགས་ཀྱི། ཉན་ཐོས་དང་རང་སངས་རྒྱས་ཀྱིས་རྟོགས་པར་འགྱུར་བ་མ་ཡིན་ནོ། །རིགས་ཀྱི་བུ་མཁས་པ་ཤེས་རབ་ཅན་གྱིས་དེ་བཞིན་གཤེགས་པའི་སྙིང་པོ་ལ་དེ་ལྟ་བུར་བརྟག་ཅིང་བྱེ་བྲག་དབྱེ་བར་བྱའོ། །དེ་ནས་ཡང་བཅོམ་ལྡན་འདས་ལ་བྱང་ཆུབ་སེམས་དཔའ་
D119.052.0127a04.01འོད་སྲུང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་ལྟར་སངས་རྒྱས་ཀྱི་རང་བཞིན་དེ་ཤིན་ཏུ་ཟབ་ཅིང་མཐོང་བར་དཀའ་ན། ཤའི་མིག་ཅན་དག་གིས་ཇི་ལྟར་མཐོང་བར་འགྱུར། བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། རིགས་ཀྱི་བུ་དཔེར་ན་འདུ་ཤེས་
D119.052.0127a05.01མེད་འདུ་ཤེས་མེད་མིན་གྱི་ལྷ་དག་ཀྱང་ཐེག་པ་གཉིས་པོས་མི་རྟོགས་མོད་ཀྱི། མདོ་སྡེའི་ལུང་གི་རྗེས་སུ་ཡིད་ཆེས་པས་རྟོགས་སོ། །རིགས་ཀྱི་བུ་ཉན་ཐོས་དང་རང་སངས་རྒྱས་ཀྱིས་ཡོངས་སུ་མྱ་ངན་ལས་འདས་པ་ཆེན་པོའི་མདོ་ལ་བརྟེན་ཏེ། བདག་གི་ལུས་ལ་དེ་བཞིན་གཤེགས་
D119.052.0127a06.01པའི་སྙིང་པོ་ཡོད་པར་རྟོགས་པ་ཡང་དེ་དང་འདྲའོ། །རིགས་ཀྱི་བུ་དེ་བས་ན་ཡོངས་སུ་མྱ་ངན་ལས་འདས་པ་ཆེན་པོའི་མདོ་སྤྱོད་པའི་ནན་ཏན་ལ་བརྩོན་འགྲུས་བྱའོ། །རིགས་ཀྱི་བུ་སངས་རྒྱས་ཀྱི་རང་བཞིན་ནི་སངས་རྒྱས་ཉག་གཅིག་གིས་མཁྱེན་གྱི། ཉན་ཐོས་དང་རང་སངས་
D119.052.0127a07.01