完整藏文原文 · 德格版页 当前仅加载第 52 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
ཚྭའི་རོ་ལྟ་བུའོ། །བདག་མེད་པ་ནི་ཁ་བའི་རོ་ལྟ་བུའོ། །བདེ་བ་ནི་མངར་བའི་རོ་ལྟ་བུའོ། །བདག་ནི་ཚ་བའི་རོ་ལྟ་བུའོ། །རྟག་པ་ནི་བསྔལ་བའི་རོ་ལྟ་བུའོ། །འཇིག་རྟེན་ན་རོ་རྣམ་པ་གསུམ་སྟེ། མི་རྟག་པ་དང་། བདག་མེད་པ་དང་། བདེ་བ་མེད་པ་སྟེ། ཉོན་མོངས་པ་ནི་ཤིང་ལྟ་བུ།
D119.052.0056b01.01ཤེས་རབ་ནི་མེ་ལྟ་བུ་སྟེ། དེའི་རྒྱུ་དང་དེའི་རྐྱེན་གྱིས་མྱ་ངན་ལས་འདས་པའི་ཟས་སུ་གྱུར་པ་ནི་རྟག་པ་དང་། བདེ་བ་དང་བདག་དང་། ཡོངས་སུ་དག་པ་སྟེ། ཉེ་གནས་སུ་གྱུར་པའི་རྣམས་རོ་དེ་ལ་དགོད་དོ། །ཡང་བུད་མེད་དེ་ལ་བཀའ་སྩལ་པ། ཁྱོད་དོན་གཉེར་ཅིང་གཞན་དུ་འགྲོ་ན་
D119.052.0056b02.01ཁྱོད་ཀྱི་བུ་མ་རུངས་པ་ཁྱིམ་ནས་ཕྱུང་ལ། རིན་པོ་ཆེའི་གཏེར་རྣམས་བུ་མཛངས་པ་ལ་གཏོད་ཅིག །བུད་མེད་ཀྱིས་གསོལ་པ། བཅོམ་ལྡན་འདས་འཕགས་པའི་བཀའ་བཞིན་ཏེ། རིན་པོ་ཆེའི་གཏེར་རྣམས་བུ་མཛངས་པ་ལ་སྟོན་གྱི། བུ་ངན་པ་ལ་ནི་མ་ལགས་སོ། །བཅོམ་
D119.052.0056b03.01ལྡན་འདས་ཀྱིས་བཀའ་སྩལ་པ། ང་ཡང་དེ་དང་འདྲ་སྟེ། ཡོངས་སུ་མྱ་ངན་ལས་འདའ་བ་ན། དེ་བཞིན་གཤེགས་པས་དགོངས་ཏེ་གསུངས་པ་བླ་ན་མེད་པའི་ཆོས་ཀྱི་གཏེར་ཉན་ཐོས་ཀྱི་ཉེ་གནས་རྣམས་ལ་མི་སྟོན་པའང་ཁྱོད་ཀྱིས་རིན་པོ་ཆེའི་གཏེར་བུ་ངན་པ་ལ་མི་སྟོན་པ་བཞིན་
D119.052.0056b04.01ནོ། །བྱང་ཆུབ་སེམས་དཔའ་རྣམས་ལ་གདམས་ཤིང་གཏད་པ་ནི། ཇི་ལྟར་ཁྱོད་ཀྱིས་རིན་པོ་ཆེའི་གཏེར་རྣམས་བུ་མཛངས་པ་ལ་གཏད་པ་བཞིན་ནོ། །དེ་ཅིའི་ཕྱིར་ཞེ་ན། ཉན་ཐོས་ཀྱི་ཉེ་གནས་དག་ནི་སྐྱེ་བ་དང་འཕོ་བའི་འདུ་ཤེས་དང་བཅས་པས་སངས་རྒྱས་བཅོམ་ལྡན་འདས་
D119.052.0056b05.01ནི་ཡང་དག་པར་མྱ་ངན་ལས་འདས་སོ་སྙམ་སྟེ། ང་ནི་ཡང་དག་པར་མྱ་ངན་ལས་འདས་པ་མ་ཡིན་ནོ། །དཔེར་ན་ཁྱོད་ལམ་རིང་པོར་སོང་བ་ལས་ཕྱིར་མ་འཁོར་གྱི་བར་དུ་ཁྱོད་ཀྱི་བུ་མ་རུངས་པས་ཁྱོད་མ་ཤི་བར་ཤི་ཞེས་ཟེར་བ་དང་འདྲའོ། །བྱང་ཆུབ་སེམས་དཔའ་དག་ནི་དེ་
D119.052.0056b06.01བཞིན་གཤེགས་པ་རྟག་པ། མི་འཕོ་བ། མི་འགྱུར་བའོ་ཞེས་ཟེར་ཏེ། ཇི་ལྟར་ཁྱོད་ཀྱི་བུ་མཛངས་པ་ཁྱོད་མ་ཤིའོ་ཞེས་ཟེར་བ་དང་འདྲའོ། དོན་དེ་ལྟ་བས་ན་ངས་བླ་ན་མེད་པ་དགོངས་ཏེ་གསུངས་པའི་ཆོས་ཀྱི་གཏེར་བྱང་ཆུབ་སེམས་དཔའ་རྣམས་ལ་གཏད་དོ། །རིགས་
D119.052.0056b07.01