完整藏文原文 · 德格版页 当前仅加载第 52 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཟླ་མེད་དོ། །རྣམ་པར་གྲོལ་བ་ལ་ཡང་དེ་དང་འདྲ་སྟེ། མཉམ་པའི་ཟླ་མེད་དོ། །མཉམ་པའི་ཟླ་མེད་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའི་ཆོས་ཀྱི་འཁོར་ལོས་སྒྱུར་བའི་རྒྱལ་པོའོ། །དེ་བས་ན་དེ་
D119.052.0074b01.01བཞིན་གཤེགས་པ་ལ་མཉམ་པའི་ཟླ་མེད་དེ། མཉམ་པའི་ཟླ་ཡོད་ཅེས་བྱ་བའི་གནས་མེད་དོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་མྱ་ངན་མེད་པའོ། །མྱ་ངན་ཡོད་ཅེས་བྱ་བ་ནི་དཔེར་ན་རྒྱལ་པོ་དག་ཕས་རྒོལ་བའི་དགྲས་འཇིགས་པས་མྱ་ངན་བྱེད་དོ། །རྣམ་པར་གྲོལ་བ་
D119.052.0074b02.01ལ་ནི་དེ་ལྟ་བུའི་དངོས་པོ་མེད་དོ། །དཔེར་ན་དགྲ་ཀུན་བཅོམ་ན། དེ་ལ་ནི་མྱ་ངན་ནམ་དོགས་པ་མེད་དོ། །རྣམ་པར་གྲོལ་བ་ཡང་དེ་དང་འདྲ་སྟེ། མྱ་ངན་ནམ་འཇིགས་པ་མེད་པའོ། །མྱ་ངན་ནམ་འཇིགས་པ་མེད་པ་ནི་དེ་བཞིན་གཤེགས་པའོ། །གཞན་ཡང་རྣམ་པར་
D119.052.0074b03.01གྲོལ་བ་ཞེས་བྱ་བ་ནི་མྱ་ངན་དང་རྒ་བ་མེད་པའོ། །དཔེར་ན་བུད་མེད་ཅིག་བུ་གཅིག་པ་ཡུལ་གཞན་དུ་སོང་བ་ལས་ཤིའོ། །ཞེས་གཏམ་ངན་ཐོས་ན་མྱ་ངན་གྱིས་སྡུག་བསྔལ་བར་འགྱུར་རོ། །ཕྱིས་མ་ཤིའོ་ཞེས་ཐོས་ན་དེ་མ་ཐག་ཏུ་དགའ་བ་སྐྱེའོ། །རྣམ་པར་གྲོལ་
D119.052.0074b04.01བ་ལ་ནི་དངོས་པོ་དེ་དག་མེད་དེ། མྱ་ངན་དང་དགའ་བ་མེད་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་རྡུལ་དང་དྲི་མ་མེད་པའོ། །དཔེར་ན་དཔྱིད་ཀྱི་དུས་ན་ཉི་མ་ནུབ་ན་
D119.052.0074b05.01རླུང་དང་རྡུལ་ལྡང་ངོ་། །རྣམ་པར་གྲོལ་བ་ལ་ནི་དངོས་པོ་དེ་དག་གང་ཡང་མེད་དོ། །རྡུལ་མེད་པ་ནི་ཡང་དག་པར་རྣམ་པར་གྲོལ་བའི་དཔེའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །འདི་ལྟ་སྟེ་དཔེར་ན་འཁོར་ལོས་སྒྱུར་བའི་རྒྱལ་པོའི་གཙུག་ཕུད་ལ་
D119.052.0074b06.01འདོགས་པའི་ནོར་བུ་རིན་པོ་ཆེ་ནི་དྲི་མ་མེད་དོ། །རྣམ་པར་གྲོལ་བ་ཡང་དེ་དང་འདྲ་སྟེ། དྲི་མ་དག་མེད་དོ། །དྲི་མ་མེད་པ་ནི་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །དཔེར་ན་གསེར་བཙོ་མ་ནི་བྱེ་མ་དང་མ་འདྲེས་པས་རིན་པོ་ཆེ་
D119.052.0074b07.01