完整藏文原文 · 德格版页 当前仅加载第 52 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཀྱི་རྒྱུ་དང་རྐྱེན་གྱི་དབང་གིས་འོ་མའི་ཁ་དོག་གཅིག་པར་ཤེས་པ་བཞིན་ནོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་གསེར་རྡོ་ལྟ་བུ་གང་ངན་པའི་རྣམས་བསལ་ཏེ་བོར་ལ་བཞུས་ན་གསེར་ཡང་དག་པར་འབྱུང་སྟེ། རིན་ཐང་ཡང་ཚད་མེད་དོ། །རིགས་
D119.052.0155a01.01ཀྱི་བུ་ཉན་ཐོས་དང་རང་སངས་རྒྱས་དང་། བྱང་ཆུབ་སེམས་དཔའ་ཡང་དེ་དང་འདྲ་སྟེ། ཐམས་ཅད་སངས་རྒྱས་ཀྱི་རང་བཞིན་དུ་སྒྲུབ་པར་འཐུན་ནོ། །དེ་ཅིའི་ཕྱིར་ཞེ་ན། ཉོན་མོངས་པ་ཡོངས་སུ་བསལ་བའི་ཕྱིར་རོ། །དེ་ཡང་གསེར་རྡོ་བཞུས་ཏེ་ངན་པ་བོར་བ་དང་མཚུངས་སོ། །
D119.052.0155a02.01དེ་བས་ན་སེམས་ཅན་ཐམས་ཅད་སངས་རྒྱས་ཀྱི་རང་བཞིན་དུ་འཐུན་ཏེ་ཐ་དད་པ་མེད་དོ། །སྔར་དེ་བཞིན་གཤེགས་པས་དགོངས་ཏེ་གསུངས་པའི་སྙིང་པོ་ཐོས་ན། ཕྱིས་མངོན་པར་འཚང་རྒྱ་བའི་ཚེ་རང་གིས་རིག་པ་ནི་ཇི་ལྟར་ཁྱིམ་བདག་དེས་བའི་འོ་མ་དེ་ཁ་དོག་གཅིག་ཏུ་རྟོགས་པ་
D119.052.0155a03.01བཞིན་ནོ། །དེ་ཅིའི་ཕྱིར་ཞེ་ན། དཔག་ཏུ་མེད་པའི་ཉོན་མོངས་པ་ཐམས་ཅད་བསལ་བའི་ཕྱིར་རོ། །དེ་བས་ན་སེམས་ཅན་ཐམས་ཅད་སངས་རྒྱས་ཀྱི་རང་བཞིན་གཅིག་ཏུ་འཐུན་ཏེ་ཐ་དད་པ་མེད་པ་ནི་སྔོན་དེ་བཞིན་གཤེགས་པས་དགོངས་ཏེ་གསུངས་པའི་སྙིང་པོ་ཐོས་པ་ལྟར།
D119.052.0155a04.01ཕྱིས་མངོན་པར་འཚང་རྒྱ་བ་ན་རང་གིས་རིག་པར་འགྱུར་བ་ནི་ཇི་ལྟར་ཁྱིམ་བདག་དེས་བའི་འོ་མ་གཅིག་ཏུ་འཐུན་པར་རིག་པ་བཞིན་ནོ། །དེ་ཅིའི་ཕྱིར་ཞེ་ན། དཔག་ཏུ་མེད་པའི་ཉོན་མོངས་པ་ཐམས་ཅད་བསལ་བའི་ཕྱིར་རོ། །བྱང་ཆུབ་སེམས་དཔའ་འོད་སྲུང་གིས་ཡང་བཅོམ་ལྡན་འདས་
D119.052.0155a05.01ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཅི་སྟེ་སེམས་ཅན་ཐམས་ཅད་ལ་སངས་རྒྱས་ཀྱི་རང་བཞིན་མཆིས་ན། སངས་རྒྱས་དང་སེམས་ཅན་ཐ་དད་པའི་བྱེ་བྲག་ཅི་མཆིས། དེ་སྐད་ཅེས་གསུངས་པ་འདི་སྐྱོན་དུ་འགྱུར་རོ། །དེ་ལྟར་སེམས་ཅན་ཐམས་ཅད་ལ་སངས་རྒྱས་
D119.052.0155a06.01ཀྱི་རང་བཞིན་མཆིས་ན་ཅིའི་སླད་དུ་ཤཱ་རིའི་བུ་ལ་སོགས་པ་ནི་མྱ་ངན་ལས་འདས་པ་ཆུང་ངུས་མྱ་ངན་ལས་འདས་པར་གྱུར། རང་སངས་རྒྱས་རྣམས་ནི་མྱ་ངན་ལས་འདས་པ་འབྲིང་པོས་མྱ་ངན་ལས་འདས་པར་གྱུར། བྱང་ཆུབ་སེམས་དཔའ་རྣམས་ནི་མྱ་ངན་ལས་འདས་པ་ཆེན་པོས་
D119.052.0155a07.01