完整藏文原文 · 德格版页 当前仅加载第 52 函德格 210b 版页；藏文 NFD、目录标记与异常页序保留在来源切片中，重复版页行以稳定序号区分。
དོག་བསྒྱུར་བའི་གོས་གྱོན་པའི་མི་མཐོང་ན། དེ་ནི་དགེ་སྦྱོང་ཡིན་གྱི། བྲམ་ཟེ་མ་ཡིན་ནོ་ཞེས་ཆགས་པ་དང་། ཐག་པ་མདུད་པ་བོར་བ་སེ་རལ་ཁ་རུ་ཐོགས་པ་མཐོང་ན། དེ་འདི་སྙམ་དུ་དེ་ནི་བྲམ་ཟེ་ཡིན་གྱི། དགེ་སྦྱོང་མ་ཡིན་ནོ་སྙམ་བསམས་པ་དེ་ནི་ཆགས་པའི་
D119.052.0210b01.01འཇིག་རྟེན་ཞེས་བྱའོ། །རིགས་ཀྱི་བུ་དེ་དག་ནི་འཇིག་རྟེན་གྱི་ཆོས་རྣམ་པ་ལྔ་ཞེས་བྱའོ། །རིགས་ཀྱི་བུ་སོ་སོའི་སྐྱེ་བོ་གང་ཞིག་དེ་ལྟར་འཇིག་རྟེན་གྱི་ཆོས་རྣམ་པ་ལྔ་པོ་ལ་སེམས་ཕྱིན་ཅི་མ་ལོག་སྟེ། ཡང་དག་པ་ཇི་ལྟ་བ་བཞིན་དུ་ཤེས་ན་དོན་དམ་པའི་བདེན་པ་
D119.052.0210b02.01ཞེས་བྱའོ། །གཞན་ཡང་རིགས་ཀྱི་བུ་ཚིག་པ་དང་། ཆོད་པ་དང་། ཤིགས་པ་དང་། འཇིག་པ་ནི་ཀུན་རྫོབ་ཀྱི་བདེན་པ་ཞེས་བྱའོ། །མི་ཚིག །མི་ཆོད། མི་ཤིགས། མི་འཇིག་པ་ནི་དོན་དམ་པའི་བདེན་པ་ཞེས་བྱའོ། །གཞན་ཡང་རིགས་ཀྱི་བུ་སྡུག་
D119.052.0210b03.01བསྔལ་གྱི་མཚན་ཉིད་བརྒྱད་དང་བཅས་པ་ནི་ཀུན་རྫོབ་ཀྱི་བདེན་པ་ཞེས་བྱའོ། །སྐྱེ་བ་མེད། རྒ་བ་མེད། ན་བ་མེད། འཆི་བ་མེད། འདོད་པ་དང་བྱེ་བྲལ་བ་མེད། དགྲ་སྡང་བ་དང་ཕྲད་པ་མེད། འདོད་པ་མི་རྙེད་པ་མེད། ཕུང་པོ་ལྔ་མེད་པ་ནི་དོན་དམ་པའི་
D119.052.0210b04.01བདེན་པ་ཞེས་བྱའོ། །གཞན་ཡང་རིགས་ཀྱི་བུ་དཔེར་ན་ཤེས་པའི་རྩལ་མང་པོ་དང་ལྡན་པའི་མི་ཞིག་རྒྱུག་པའི་ཚེ་ནི་རྒྱུག་པ་ཞེས་བྱ། ཞིང་བརྔ་བའི་ཚེ་ནི་ཞིང་པ་ཞེས་བྱ། ཟས་ཀྱི་གཡོས་བྱེད་ན་གཡོས་མཁན་ཞེས་བྱ། ཤིང་བཞོག་པའི་ཚེ་ནི་ཤིང་མཁན་ཞེས་བྱ།
D119.052.0210b05.01གསེར་དངུལ་གྱི་རྡུངས་བྱེད་པའི་ཚེ་ནི་གསེར་མགར་ཞེས་བྱ་སྟེ། དེ་ལྟར་མི་གཅིག་ལ་མིང་དུ་བཏགས་པ་མང་དུ་ཡོད་དོ། །ཆོས་ཀྱང་དེ་དང་འདྲ་སྟེ། ཡང་དག་པར་གཅིག་མོད་ཀྱི་མིང་དུ་བཏགས་པ་མང་ངོ་། །ཕ་མ་ཕྲད་ཅིང་འདུས་པ་ལས་སྐྱེས་པ་ནི་ཀུན་རྫོབ་ཀྱི་
D119.052.0210b06.01བདེན་པ་ཞེས་བྱའོ། །རྟེན་ཅིང་འབྲེལ་ཏེ་འབྱུང་བ་བཅུ་གཉིས་འདུས་པ་ལས་སྐྱེས་པ་ནི་དོན་དམ་པའི་བདེན་པ་ཞེས་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་
D119.052.0210b07.01