完整藏文原文 · 德格版页 当前仅加载第 52 函德格 319a 版页；藏文 NFD、目录标记与异常页序保留在来源切片中，重复版页行以稳定序号区分。
གཡའ་དག་པའི་རི་བོ་དང་འདྲ་བར་མཐོང་ངོ་། །དེ་ནས་བཅོམ་ལྡན་འདས་ཀྱིས་དབྱངས་རྣམ་པ་བརྒྱད་ཕྱུང་སྟེ། རྒྱལ་པོ་ཆེན་པོ་ཞེས་བོས་པ་དང་། དེའི་ཚེ་མ་སྐྱེས་དགྲས་ཕན་ཚུན་དུ་བལྟས་ཏེ་འཁོར་མང་པོ་འདིའི་ནང་ན་རྒྱལ་པོ་ཆེན་པོ་ཞེས་བྱ་བ་སུ་ཡིན། བདག་ནི་སྡིག་ལྕི་
D119.052.0319a01.01བའི་སྟེང་དུ་ཡོན་ཏན་མེད་པ་ཡིན་ཏེ། དེ་བཞིན་གཤེགས་པས་རྒྱལ་པོ་ཆེན་པོ་ཞེས་གསུང་བའི་མི་རིགས་སོ་སྙམ་སེམས་སོ། །དེ་ནས་དེ་བཞིན་གཤེགས་པས་ཡང་རྒྱལ་པོ་ཆེན་པོ་མ་སྐྱེས་དགྲ་ཞེས་བོས་སོ། །དེ་ནས་རྒྱལ་པོས་ཐོས་ནས་རབ་ཏུ་དགའ་བའི་སེམས་སྐྱེས་ཏེ། འདི་སྙམ་དུ་དེ་
D119.052.0319a02.01བཞིན་གཤེགས་པས་དེང་བདག་བོས་ཏེ་གསུང་བས་ན། དེ་བཞིན་གཤེགས་པ་ནི་སེམས་ཅན་ཐམས་ཅད་ལ་ཐུགས་བརྩེ་བའི་ཐུགས་རྗེ་ཆེན་པོ་ཐམས་ཅད་ལ་ཁྱད་པར་མེད་པར་མཉམ་མོ་སྙམ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་དེང་ཐེ་ཚོམ་གྱི་སེམས་
D119.052.0319a03.01ལྷག་མ་ཙམ་ཡང་མ་ལུས་པར་དེ་བཞིན་གཤེགས་པ་ནི་སེམས་ཅན་ཐམས་ཅད་ཀྱི་སྟོན་པ་བླ་ན་མེད་པ་ཡང་དག་པར་ལགས་པར་ཤིན་ཏུ་རྟོགས་སོ། །དེ་ནས་བྱང་ཆུབ་སེམས་དཔའ་འོད་སྲུང་གིས་བྱང་ཆུབ་སེམས་དཔའ་ཐམས་ཅད་འཛིན་ལ་སྨྲས་པ། དེ་བཞིན་གཤེགས་པས་རྒྱལ་པོ་མ་
D119.052.0319a04.01སྐྱེས་དགྲའི་སེམས་ངེས་པར་མཛད་དོ། །དེ་ནས་རྒྱལ་པོ་མ་སྐྱེས་དགྲས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གལ་ཏེ་བདག་དེང་ཚངས་པའམ་བརྒྱ་བྱིན་ལྷའི་དབང་ཕྱུག་དང་ལྷན་ཅིག་མཆིས་ཤིང་འཚལ་མ་ལྷན་ཅིག་འཚལ་བར་གྱུར་ཀྱང་དགའ་བ་མ་ལགས་ཏེ།
D119.052.0319a05.01དེ་བཞིན་གཤེགས་པ་དང་མཇལ་ནས་གསུང་གཅིག་གིས་སྨྲས་པས་རབ་ཏུ་དགའ་བར་གྱུར་ཏོ། །དེ་ནས་རྒྱལ་པོ་མ་སྐྱེས་དགྲས་སྔ་ནས་བཤམས་པའི་གདུགས་དང་། བ་དན་དང་མེ་ཏོག་དང་སྤོས་དང་རོལ་མོ་ལ་སོགས་པས་མཆོད་ནས། བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ། གཡས་
D119.052.0319a06.01ཕྱོགས་སུ་ལན་གསུམ་བསྐོར་ནས་ཕྱོགས་གཅིག་ཏུ་འཁོད་དོ། །དེ་ནས་བཅོམ་ལྡན་འདས་ཀྱིས་རྒྱལ་པོ་མ་སྐྱེས་དགྲ་ལ་བཀའ་སྩལ་པ། རྒྱལ་པོ་ཆེན་པོ་ཁྱོད་ལ་དམ་པའི་ཆོས་ཀྱི་གཞུང་བསྟན་གྱིས་ཤིན་ཏུ་ཡིད་ལ་བྱ་ཞིང་བརྟགས་པར་ཉོན་ཅིག །བུས་པ་མ་རབས་རྟག་ཏུ་སེམས་རྩེ་གཅིག་ཏུ་ལུས་
D119.052.0319a07.01