完整藏文原文 · 德格版页 当前仅加载第 52 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་རྣམ་པ་སྣ་ཚོགས་ཀྱི་རྗེས་སུ་གསུང་རྣམ་པ་སྣ་ཚོགས་ཀྱིས་ཆོས་སྟོན་ཏོ། །དམ་པའི་ཆོས་ལ་དགོད་པའི་ཕྱིར་ཅི་རིགས་སུ་ཆ་ལུགས་རྣམ་པ་སྣ་ཚོགས་སྟོན་ཏེ། དེ་བཞིན་གཤེགས་པ་དེ་དང་འཐུན་པའི་སྐད་གསུང་ན། དེ་ཅི་ཡང་མ་ལྕོགས་པ་ཡིན་ནམ། གསོལ་པ་མ་ལགས་སོ། །
D119.052.0157b01.01བཅོམ་ལྡན་འདས་ཅིའི་སླད་དུ་ཞེ་ན། དེ་བཞིན་གཤེགས་པའི་གསུང་ནི་སེང་གེའི་སྒྲ་ལྟ་བུ་སྟེ། འཇིག་རྟེན་པ་རྣམ་པ་སྣ་ཚོགས་ཀྱི་རྗེས་སུ་གསུང་རྣམ་པ་སྣ་ཚོགས་ཀྱིས་སེམས་ཅན་རྣམས་ལ་དམ་པའི་ཆོས་སྟོན་ཏོ། །འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ལས།
D119.052.0157b02.01དེ་བཞིན་གཤེགས་པའི་སྙིང་པོའི་ལེའུ་སྟེ་བཞི་པའོ།། །།དེ་ནས་དེའི་ཚེ་བཅོམ་ལྡན་འདས་ཀྱི་ཞལ་གྱི་སྒོ་ནས་འོད་རྣམ་པ་སྣ་ཚོགས་བཀྱེ་བ་ནི་སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། ལེ་བརྒན་དང་། སྨུག་པོ་སྟེ། ཙུན་དའི་ལུས་ཀུན་སྣང་
D119.052.0157b03.01བར་བྱས་སོ། །ཙུན་དའི་ལུས་ལ་འོད་དེས་རེག་པ་དང་། འཁོར་དང་བཅས་ཏེ་ཞལ་ཟས་མང་པོ་ཐོགས་ཏེ་སངས་རྒྱས་གང་ན་བ་དེར་མྱུར་དུ་སོང་སྟེ། དེ་བཞིན་གཤེགས་པ་དང་། དགེ་སློང་གི་དགེ་འདུན་ལ་མཆོད་པ་ཐ་མ་དབུལ་བའི་ཕྱིར་མཆོད་པའི་ཡོ་བྱད་ཕུན་སུམ་ཚོགས་པ་
D119.052.0157b04.01རྣམ་པ་མང་པོ་ཐོགས་ཏེ་སངས་རྒྱས་ལ་ཉེ་བར་བསྙེན་ཏོ། །དེའི་ཚེ་ན་ལྷ་གཟི་བརྗིད་ཆེན་པོ་དང་ལྡན་པ་རྣམས་འཁོར་བར་བསྐོར་ཏེ་མདུན་ཀྱང་ཆོད་པར་གྱུར་ནས་ཙུན་ད་ལ་ཙུན་ད་ཁྱོད་ཀྱི་མཆོད་པ་རེ་ཞིག་སྡོད་ཅིག་ཅེས་བསྒོའོ། །དེའི་ཚེ་ན་ཡང་དེ་བཞིན་གཤེགས་པས་འོད་
D119.052.0157b05.01ཚད་མེད་དཔག་ཏུ་མེད་པ་རྣམ་པ་སྣ་ཚོགས་བཀྱེ་ནས་ལྷ་རྣམས་ཀྱི་ལུས་ལ་སྣང་བར་བྱས་སོ། །ལྷའི་འཁོར་དེ་དག་འོད་དེས་རེག་མ་ཐག་ཏུ་ལྷ་རྣམས་ཀྱང་གོ་ཕྱེ་ནས་མཆོད་པ་འབུལ་དུ་བཅུག་གོ། །དེའི་ཚེ་ན་ལྷ་དང་མི་ཐམས་ཅད་ཀྱང་སོ་སོ་ནས་མཆོད་པ་རྣམ་པ་སྣ་ཚོགས་
D119.052.0157b06.01ཐོགས་ནས་སངས་རྒྱས་ཀྱི་སྤྱན་སྔར་བསྙེན་ཏེ་པུས་མོ་བཙུགས་ནས་བཅོམ་ལྡན་འདས་ཀྱིས་དགེ་སློང་གི་དགེ་འདུན་འདི་དག་བདག་ཅག་གི་མཆོད་པ་ལེན་དུ་གནང་བར་མཛད་དུ་གསོལ་ཞེས་དེ་བཞིན་གཤེགས་པ་ལ་གསོལ་ཏོ། །དགེ་སློང་གི་དགེ་འདུན་རྣམས་ཀྱང་དུས་ཤེས་པས་ལྷུང་
D119.052.0157b07.01