完整藏文原文 · 德格版页 当前仅加载第 52 函德格 336a 版页；藏文 NFD、目录标记与异常页序保留在来源切片中，重复版页行以稳定序号区分。
བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཻ་དཱུརྱའི་འོད་ཀྱིས་སྐབས་དབྱེ་བ་གནང་བ་དང་བཀས་སྟོན་པར་འགྱུར་བར་ཤེས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་སེམས་
D119.052.0336a01.01དཔའ་ཆེན་པོ་གང་མྱ་ངན་ལས་འདས་པ་ཆེན་པོའི་མདོ་སྡེ་འདི་བསྒོམས་ན་མ་ཐོས་པ་ཐོས་པར་འགྱུར། དེ་ནས་བཅོམ་ལྡན་འདས་ཀྱིས་ལེགས་སོ་ལེགས་སོ་ཞེས་བྱ་བ་བྱིན་ནོ། །རིགས་ཀྱི་བུ་ཁྱོད་དེང་འདི་ལྟར་ཐེག་པ་ཆེན་པོ་མྱ་ངན་ལས་འདས་པའི་རྒྱ་མཚོ་མ་ལུས་པར་བྱའོ། །
D119.052.0336a02.01སྙམ་བསམས་པ་དང་། ངས་ཤིན་ཏུ་བསྟན་ཅིང་སྟོན་པ་མཁས་པ་དང་ཡང་ཕྲད་ཀྱིས་དེང་ཁྱོད་ཀྱི་ཐེ་ཚོམ་གྱི་དྲ་བ་དང་ཟུག་རྔུ་ཅི་དང་ཅི་ཡོད་པ་དེ་དག་ཐམས་ཅད་སྨན་པ་ཆེན་པོར་གྱུར་པ་ངས་ལེགས་པར་དབྱུང་ངོ་། །ཁྱོད་ནི་སངས་རྒྱས་ཀྱི་རང་བཞིན་ལ་གསལ་བར་མ་
D119.052.0336a03.01གྱུར་ཏེ། ངའི་ཤེས་རབ་ཀྱི་སྒྲོན་མ་སྣང་བར་བྱའོ། །ཁྱོད་འཁོར་བའི་ཀླུང་ཆེན་པོ་ལ་རྒལ་བར་འདོད་ན་ཁྱོད་ཀྱིས་དེད་དཔོན་དུ་འགྱུར་བར་བྱའོ། །ང་ལ་ཁྱོད་ཕ་མའི་འདུ་ཤེས་སྐྱེད་ཅིག་དང་། ངས་ཁྱོད་ལ་ཡང་བུ་དང་འདྲ་བར་དགོངས་སོ། །ཁྱོད་དམ་པའི་ཆོས་ཀྱི་
D119.052.0336a04.01རིན་པོ་ཆེ་འདོད་པ་དང་། ང་ལ་མང་དུ་ཡོད་པ་དང་ཕྲད་པས་ཁྱོད་སྦྱིན་གྱིས། རབ་ཏུ་ཡིད་ལ་བྱས་ཏེ་བརྟགས་པར་ཉོན་ཅིག་དང་། ངས་རྣམ་པར་ཕྱེ་སྟེ་བསྟན་པར་བྱའོ། །རིགས་ཀྱི་བུ་ཆོས་ཉན་པར་འདོད་ན་ད་ལྟར་དུས་ལ་བབ་བོ། །གལ་ཏེ་ཆོས་ཐོས་ན་དད་པ་སྐྱེད་དེ་
D119.052.0336a05.01སེམས་རྩེ་གཅིག་ཏུ་ཉོན་ལ་བསྟི་སྟང་དང་རིམ་གྲོ་གྱིས་ཤིག །དམ་པའི་ཆོས་ལ་སྐྱོན་མ་ཚོལ་ཅིག །འདོད་ཆགས་དང་། ཞེ་སྡང་དང་། གཏི་མུག་ལ་མ་སེམས་ཤིག །ཆོས་སྨྲ་བའི་ཚིག་བཟང་ངན་ལ་མ་རྟོག་ཅིག །ཆོས་ཐོས་ནས་ང་རྒྱལ་མ་སྐྱེད་ཅིག །
D119.052.0336a06.01བཀུར་སྟི་དང་། རྙེད་པ་དང་། གྲགས་པའི་ཕྱིར་མ་བྱེད་པར་འཇིག་རྟེན་ལས་འདས་པའི་ཆོས་ཀྱི་ཟིལ་དངར་གྱི་ཁེ་ཚོལ་ཅིག །ཡང་འདི་སྙམ་དུ་བདག་ཆོས་ཐོས་ནས་སྔར་བདག་གི་ལུས་བསྒྲལ་ཏེ་གཟོད་གཞན་སྒྲོལ་ལོ་སྙམ་མ་སེམས་ཤིག །སྔར་བདག་གི་
D119.052.0336a07.01