完整藏文原文 · 德格版页 当前仅加载第 52 函德格 267a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ནི་ཚིག་སོ་སོ་ཡང་དག་པར་ཤེས་པ་དང་། སྤོབས་པ་སོ་སོ་ཡང་དག་པར་ཤེས་པ་མེད་དོ། །རིགས་ཀྱི་བུ་རང་སངས་རྒྱས་ནི་ཚིག་ཀུན་ཤེས་མོད་ཀྱི། ཆོས་སོ་སོ་ཡང་དག་པར་ཤེས་པ་ནི་མེད་དོ། །དེ་ཅིའི་ཕྱིར་ཞེ་ན། ཆོས་སོ་སོ་ཡང་དག་པར་ཤེས་པ་ནི་ཡི་གེ་ཤེས་པ་ཞེས་བྱ་སྟེ། རང་སངས་རྒྱས་ཀྱིས་ཀྱང་ཡི་
D119.052.0267a01.01གེ་ཤེས་མོད་ཀྱི། ཡི་གེ་སོ་སོ་ཡང་དག་པར་ཤེས་པ་ཞེས་བྱ་བ་མེད་དོ། །དེ་ཡང་ཅིའི་ཕྱིར་ཞེ་ན། རྟག་པ་གནས་པ་ཞེས་བྱ་བའི་ཡི་གེ་གཉིས་པོ་མི་ཤེས་པས་ན། རང་སངས་རྒྱས་ནི་ཚིག་སོ་སོ་ཡང་དག་པར་ཤེས་པ་ཐོབ་པ་མ་ཡིན་ནོ། །དོན་ཤེས་ཀྱང་དོན་སོ་སོ་ཡང་དག་པར་ཤེས་པ་མ་ཡིན་ནོ། །ཡང་དག་པར་དོན་ཤེས་པ་ནི་སེམས་
D119.052.0267a02.01ཅན་ཐམས་ཅད་ལ་སངས་རྒྱས་ཀྱི་རང་བཞིན་ཡོད་པར་ཤེས་པའོ། །སངས་རྒྱས་ཀྱི་རང་བཞིན་གྱི་དོན་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཅེས་བྱའོ། །དེ་ལྟ་བས་ན་རང་སངས་རྒྱས་ནི་དོན་སོ་སོ་ཡང་དག་པར་ཤེས་པ་ཐོབ་པ་མ་ཡིན་ཏེ། དེ་བས་ན་རང་སངས་རྒྱས་ནི་ཐམས་ཅད་ཀྱི་ཐམས་ཅད་དུ་སོ་སོ་ཡང་དག་
D119.052.0267a03.01པར་ཤེས་པ་བཞི་མེད་དོ། །ཅིའི་ཕྱིར་ཉན་ཐོས་ལ་སོ་སོ་ཡང་དག་པར་ཤེས་པ་བཞི་མེད་ཅེ་ན། ཉན་ཐོས་ལ་ཐབས་མཁས་པ་རྣམ་པ་གསུམ་པོ་མེད་པའི་ཕྱིར་རོ། །གསུམ་པོ་གང་ཞེ་ན་ངེས་པའི་ཚིག་འཇམ་པོ་སྨྲ་ཞིང་ཆོས་སྦྱིན་པ་དང་། ངེས་པའི་ཚིག་རྩུབ་པོ་སྨྲ་ཞིང་ཆོས་སྦྱིན་པ་དང་། འཇམ་པོ་ཡང་མ་ཡིན།
D119.052.0267a04.01རྩུབ་པོ་ཡང་མ་ཡིན་པས་ཆོས་སྦྱིན་པ་སྟེ། ཉན་ཐོས་ལ་རྣམ་པ་གསུམ་པོ་འདི་དག་མེད་པས་ན་སོ་སོ་ཡང་དག་པར་ཤེས་པ་བཞི་མེད་དོ། །གཞན་ཡང་ཉན་ཐོས་དང་རང་སངས་རྒྱས་ནི་ཚིག་དང་དོན་ཤེས་པའི་མཐར་ཡང་མ་ཕྱིན་ལ། སྤྱོད་ཡུལ་ཤེས་པའི་དབང་དུ་འགྱུར་བའི་ཡེ་ཤེས་ཀྱང་མེད། སྟོབས་
D119.052.0267a05.01བཅུ་དང་། མི་འཇིགས་པ་བཞི་ཡང་མེད་རྟེན་ཅིང་འབྲེལ་པར་འབྱུང་བ་བཅུ་གཉིས་ཀྱི་མཐར་ཕྱིན་པ་ཡང་མ་ཡིན། སེམས་ཅན་རྣམས་ཀྱི་དབང་པོ་རྣོ་རྟུལ་གྱི་ཁྱད་པར་རྟོགས་པར་ཡང་མ་གྱུར། བདེན་པ་གཉིས་ལ་ཐེ་ཙོམ་ཟ་བའི་སེམས་ཀྱང་ཡོངས་སུ་ཆད་པ་མ་ཡིན། སེམས་ཅན་གྱི་སེམས་ཡུལ་ཅི་ལ་དམིགས་པ་
D119.052.0267a06.01ཡང་མཁས་པར་མ་གྱུར། དོན་དམ་པའི་སྟོང་པ་ཉིད་སྟོན་པ་ལ་ཤིན་ཏུ་མཁས་པར་ཡང་མ་གྱུར་ཏེ། དེ་བས་ན་ཐེག་པ་ཆུང་ངུ་གཉིས་ཀྱིས་ནི་སོ་སོ་ཡང་དག་པར་ཤེས་པ་བཞི་འཐོབ་པ་མ་ཡིན་ནོ། །དེ་ནས་བྱང་ཆུབ་སེམས་དཔའ་འོད་སྲུང་གིས་ཡང་བཅོམ་ལྡན་འདས་ལ་གསོལ་པ། བཅོམ་ལྡན་འདས་དེ་ལྟར་ཉན་ཐོས་དང་རང་
D119.052.0267a07.01