完整藏文原文 · 德格版页 当前仅加载第 52 函德格 15a 版页；藏文 NFD、目录标记与异常页序保留在来源切片中，重复版页行以稳定序号区分。
བཞེས་སུ་མ་གནང་ནས་བདུད་སྡིག་ཏོ་ཅན་བསམས་པ་བཞིན་དུ་མ་གྱུར་པས་མྱ་ངན་གྱིས་ཡིད་གདུངས་ཏེ་ཕྱོགས་གཅིག་ཏུ་འཁོད་དོ། །དེའི་ཚེ་ལྷ་དབང་སྒྱུར་ཆེན་པོ་ཡང་འཁོར་ལྷ་གྲངས་མེད་དཔག་ཏུ་མེད་པ་དང་བཅས་ཏེ། མཆོད་པའི་ཡོ་བྱད་བཤམས་
D119.052.0015a01.01པ་ཡང་ཚངས་པ་དང་བརྒྱ་བྱིན་དང་། འཇིག་རྟེན་གྱི་མགོན་པོ་བཞི་དང་། ལྷ་དང་། མི་དང་། ལྷ་མ་ཡིན་སྡེ་བརྒྱད་དང་། མི་མ་ཡིན་པ་ལ་སོགས་པས་མཆོད་པའི་ཡོ་བྱད་རྣམས་ཟིལ་གྱིས་གནོན་པ་ནི་ཇི་ལྟར་སོལ་བའི་དྲུང་ན་ཤེལ་གཞག་པ་དང་འདྲ་སྟེ་ཐམས་ཅད་མི་སྣང་བར་
D119.052.0015a02.01གྱུར་ཏོ། །རིན་པོ་ཆེའི་གདུགས་ནང་གི་ཆུང་ངུ་ཡང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་ཁེབས་པའི་མཆོད་པའི་ཡོ་བྱད་ལ་སོགས་པ་ཐོགས་ཏེ། སངས་རྒྱས་གང་ན་བར་ལྷགས་ནས་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས་ལན་
D119.052.0015a03.01གྲངས་མེད་པར་བསྐོར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་མཆོད་པའི་ཡོ་བྱད་ནང་གི་ཐ་མ་འདི་འབུལ་བ་ནི་ཇི་ལྟར་ན་བདག་ཅག་ལ་སྦྲང་བུས་མཆོད་པ་འབུལ་བ་འམ། ཆུ་སྙིམ་པ་གང་རྒྱ་མཚོ་ཆེན་པོར་བླུགས་པ་འམ། མེ་
D119.052.0015a04.01མར་ཆུང་ངུ་གཅིག་གི་འོད་ཀྱིས་ཉི་མ་བརྒྱ་སྟོང་ལ་བསྟང་བའམ། དབྱར་མེ་ཏོག་ཤིན་ཏུ་རྒྱས་པའི་དུས་སུ་མེ་ཏོག་གཅིག་ཐོགས་ཏེ་མེ་ཏོག་མང་པོའི་ཁྲོད་དུ་བཞག་པའམ། ཡུངས་ཀར་འབྲུམ་བུ་གཅིག་ཙམ་རི་རབ་རིའི་རྒྱལ་པོ་ལ་བསྟངས་ན་རྒྱ་མཚོ་དང་། ཉི་མ་དང་། མེ་ཏོག་མང་
D119.052.0015a05.01པོ་དང་། རི་རབ་ལ་མི་སྨན་པ་དང་འདྲ་བར་བཅོམ་ལྡན་འདས་བདག་ཅག་གི་མཆོད་པ་ཡང་དེ་དང་འདྲའོ། །གལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སྤོས་དང་། མེ་ཏོག་དང་། རོལ་མོ་དང་། བ་དན་དང་། གདུགས་དང་། རྒྱལ་མཚན་གྱིས་ཡོངས་སུ་
D119.052.0015a06.01བཀང་སྟེ། མཆོད་ཀྱང་སྨོས་པའི་རིན་དུ་མི་འཚལ་ཏོ། །དེ་ཅིའི་སླད་དུ་ཞེ་ན། དེ་བཞིན་གཤེགས་པ་ནི་འགྲོ་བ་མང་པོའི་སླད་དུ་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། བྱོལ་སོང་གི་སྐྱེ་གནས་སུ་སྡུག་བསྔལ་མང་པོ་ལེན་ཏོ། །དེ་བས་ན་བཅོམ་ལྡན་འདས་བདག་
D119.052.0015a07.01