完整藏文原文 · 德格版页 当前仅加载第 52 函德格 281a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བ་ནི་སངས་རྒྱས་ཀྱི་རང་བཞིན་གསལ་བར་མཐོང་བ་སྟེ། དེ་བས་ན་མཁྱེན་པ་དང་ཞབས་སུ་ལྡན་པ་ཞེས་བྱའོ། །དེ་ལ་ཇི་ལྟར་ན་བདེ་བར་གཤེགས་པ་ཞེ་ན་བདེ་བ་ནི་མཐོ་བའོ། །གཤེགས་པ་ནི་མི་མཐོ་བ་སྟེ། རིགས་ཀྱི་བུ་དེ་ནི་འཇིག་རྟེན་གྱི་དོན་ཏོ། །མཐོ་བ་ནི་
D119.052.0281a01.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་བོ། །མི་མཐོ་བ་ནི་དེ་བཞིན་གཤེགས་པའི་ཐུགས་སོ། །རིགས་ཀྱི་བུ་ཇི་སྟེ་ཐུགས་མཐོ་ན། དེ་བཞིན་གཤེགས་པ་ཞེས་མི་བྱ་སྟེ། དེ་བས་ན་དེ་བཞིན་གཤེགས་པ་ལ་བདེ་བར་གཤེགས་པ་ཞེས་བྱའོ། །གཞན་ཡང་བདེ་བ་ནི་དགེ་བའི་
D119.052.0281a02.01བཤེས་གཉེན་ནོ། །གཤེགས་པ་ནི་དགེ་བའི་བཤེས་གཉེན་གྱི་འབྲས་བུ་སྟེ། རིགས་ཀྱི་བུ་དེ་ནི་འཇིག་རྟེན་གྱི་དོན་ཏོ། །དགེ་བའི་བཤེས་གཉེན་ནི་སེམས་དང་པོ་བསྐྱེད་པའོ། །འབྲས་བུ་ནི་ཡོངས་སུ་མྱ་ངན་ལས་འདས་པ་ཆེན་པོ་སྟེ། དེ་བཞིན་གཤེགས་པ་ནི་ཐོག་མ་སེམས་
D119.052.0281a03.01བསྐྱེད་པ་མ་བཏང་བས་ཡོངས་སུ་མྱ་ངན་ལས་འདས་པ་ཆེན་པོ་འཐོབ་པས། དེའི་ཕྱིར་བདེ་བར་གཤེགས་པ་ཞེས་བྱའོ། །གཞན་ཡང་བདེ་བ་ནི་བཟང་པོའོ། །གཤེགས་པ་ནི་ཡོད་པ་སྟེ། རིགས་ཀྱི་བུ་དེ་ནི་འཇིག་རྟེན་གྱི་དོན་ཏོ། །དེ་ལ་བཟང་པོ་ནི་སངས་རྒྱས་ཀྱི་རང་བཞིན་མཐོང་
D119.052.0281a04.01བའོ། །ཡོད་པ་ནི་མྱ་ངན་ལས་འདས་པ་ཆེན་པོའོ། །རིགས་ཀྱི་བུ་མྱ་ངན་ལས་འདས་པའི་རང་བཞིན་ནི་ཡང་དག་པར་ཡོད་པ་མ་ཡིན་མོད་ཀྱི། སངས་རྒྱས་བཅོམ་ལྡན་འདས་ཀྱིས་འཇིག་རྟེན་གྱི་དབང་དུ་བྱེད་དེ་ཡོད་ཅེས་གསུངས་སོ། །རིགས་ཀྱི་བུ་དཔེར་ན་འཇིག་རྟེན་གྱི་
D119.052.0281a05.01མི་བུ་མེད་པ་ལ་བུ་ཡོད་དོ་ཞེས་བྱ་བ་དང་། ལམ་མེད་པར་ལམ་ཡོད་དོ་ཞེས་སྨྲས་པ་དང་འདྲ་སྟེ། ཡོངས་སུ་མྱ་ངན་ལས་འདས་པ་ཡང་འཇིག་རྟེན་གྱི་དབང་དུ་བྱས་ནས་ཡོད་དོ་ཞེས་གསུངས་སོ། །སངས་རྒྱས་བཅོམ་ལྡན་འདས་རྣམས་ནི་ཡོངས་སུ་མྱ་ངན་ལས་འདས་པ་
D119.052.0281a06.01ཆེན་པོ་ལྷུན་གྱིས་གྲུབ་པའི་ཕྱིར་བདེ་བར་གཤེགས་པ་ཞེས་བྱའོ། །རིགས་ཀྱི་བུ་དེ་ལ་ཇི་ལྟར་ན་འཇིག་རྟེན་རིག་པ་ཞེ་ན། རིགས་ཀྱི་བུ་འཇིག་རྟེན་ཞེས་བྱ་བ་ནི་ཕུང་པོ་ལྔའོ། །རིག་པ་ནི་ཤེས་པའོ། །སངས་རྒྱས་བཅོམ་ལྡན་འདས་ནི་ཕུང་པོ་ལྔ་ལ་ཤིན་ཏུ་མཁས་པས་འཇིག་རྟེན་
D119.052.0281a07.01