完整藏文原文 · 德格版页 当前仅加载第 52 函德格 89b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་དོ། །ཐེག་པ་ཆེན་པོ་ལ་ནན་ཏན་བྱེད་པ་ནི་དེ་ལྟ་བུའི་མཐུ་དང་ལྡན་ཏེ། རྒྱུ་དང་རྐྱེན་དེ་ལྟ་བས་ན་སྔར་བསྟན་ཅིང་བཤད་པ་ནི་ཉན་ཐོས་དང་རང་སངས་རྒྱས་དག་གིས་བདུད་གདུལ་བའི་ཕྱིར་གྱི། ཐེག་པ་ཆེན་པོའི་ཕྱིར་ནི་མ་ཡིན་ནོ། །ཐེག་པ་ཆེན་པོ་མྱ་ངན་ལས་
D119.052.0089b01.01འདས་པའི་མདོ་སྡེ་ཤིན་ཏུ་ཟབ་མོ་འདི་ནི་ངོ་མཚར་ཆེ་ཞིང་རྨད་དུ་གྱུར་པ་སྟེ། གདུལ་ནུས་པ་མེད་དོ། །གང་ཞིག་མཉན་ཏེ་ཐོས་ནས་དད་ཅིང་འཛིན་ཏམ། དེ་བཞིན་གཤེགས་པ་ལ་རྟག་པའི་ཆོས་ཅན་དུ་ཡིད་ཆེས་ན་གང་ཟག་དེ་ནི་མེ་ཏོག་ཨུ་དུམ་བཱ་ར་ལྟར་
D119.052.0089b02.01ཤིན་ཏུ་དཀོན་པའོ། །ང་མྱ་ངན་ལས་འདས་ནས་གང་གིས་ཐེག་པ་ཆེན་པོའི་མདོ་སྡེ་ཤིན་ཏུ་ཟབ་མོ་འདི་ཐོས་ནས་དད་པའི་སེམས་སྐྱེས་ན། དེ་ནི་མ་འོངས་པའི་དུས་སུ་བསྐལ་པ་བརྒྱ་སྟོང་གི་བར་དུ་ངན་སོང་དུ་མི་ལྟུང་བར་རིག་པར་བྱའོ། །དེ་ནས་བཅོམ་
D119.052.0089b03.01ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་བཀའ་སྩལ་པ། རིགས་ཀྱི་བུ་ང་མྱ་ངན་ལས་འདས་ནས་ཡོངས་སུ་མྱ་ངན་ལས་འདས་པའི་མདོ་སྡེ་དམ་པ་འདི་ལ་སེམས་ཅན་གྲངས་མེད་པ་བརྒྱ་སྟོང་སྙེད་ཀྱིས་སྐུར་ཅིང་ཡིད་མི་ཆེས་པར་འགྱུར་རོ། །བྱང་ཆུབ་
D119.052.0089b04.01སེམས་དཔའ་འོད་སྲུང་གིས་ཡང་གསོལ་པ། བཅོམ་ལྡན་འདས་སེམས་ཅན་དེ་དག་སངས་རྒྱས་མྱ་ངན་ལས་འདས་པའི་འོག་ཏུ་ཡུན་རིང་དུ་མདོ་སྡེ་འདི་ལ་བསྙེན་ནས་བཀུར་བར་འགྱུར་ན། དེ་ལ་སྐྱེ་བོ་ཤིན་ཏུ་དགེ་བ་དང་ལྡན་པ་ཇི་ལྟ་བུས་ཆོས་ལ་རྣམ་པར་སྐུར་པ་
D119.052.0089b05.01དེ་སྒྲོལ་བར་འགྱུར། བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། རིགས་ཀྱི་བུ་ང་མྱ་ངན་ལས་འདས་ནས་ལོ་བཞི་བཅུའི་བར་དུ་ནི་འཛམ་བུའི་གླིང་འདིར་རྒྱས་པར་འགྱུར་ཏེ། དེ་ནས་སའི་འོག་ཏུ་ནུབ་པར་འགྱུར་རོ། །རིགས་ཀྱི་བུ་དཔེར་ན་བུ་རམ་གྱི་ཤིང་དང་
D119.052.0089b06.01འབྲས་དང་། ཤ་ཁ་ར་དང་། འོ་མ་དང་། མར་དང་། མར་གྱི་སྙིང་པོ་ཡོད་པའི་གནས་ན། འཁོད་པའི་སེམས་ཅན་དག་ནི་རོ་བྲོ་བ་དེ་ལ་རོའི་ནང་ན་མཆོག་དམ་པར་འཛིན་ཏོ། །དེ་ལ་ཁ་ཅིག་ནི་ཁྲེ་དང་ཡུག་པོའི་ས་བོན་འབའ་ཞིག་ཟ་ན་དེ་དག་ཀྱང་འདི་སྐད་དུ་བདག་
D119.052.0089b07.01