完整藏文原文 · 德格版页 当前仅加载第 52 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
པ་སྤོང་བར་མཛད་པའི་ཕྱིར་མདོ་སྡེ་འདི་གསུངས་སོ། །གལ་ཏེ་མདོ་སྡེ་དགོངས་ཏེ་གསུངས་པའི་སྙིང་པོ་འདི་ནུབ་ཅིང་མི་སྣང་བར་འགྱུར་བ་ན་སངས་རྒྱས་ཀྱི་ཆོས་ཀྱང་ནུབ་པར་འགྱུར་བར་རིག་པར་བྱའོ། །རིགས་ཀྱི་བུ་ཡོངས་སུ་མྱ་ངན་ལས་འདས་པ་
D119.052.0292a01.01ཆེན་པོའི་མདོ་ནི་རྟག་པ་མི་འགྱུར་མི་འཕོ་བ་ཡིན་ན་ཅི་སྟེ་འདི་སྐད་དུ་བཅོམ་ལྡན་འདས་འོད་སྲུང་ལ་མདོ་སྡེ་འདི་ཡོད་དམ་ཞེས་འདྲི། རིགས་ཀྱི་བུ་བཅོམ་ལྡན་འདས་འོད་སྲུང་གི་ཚེའི་སེམས་ཅན་ནི་འདོད་ཆགས་སྲབ་ཅིང་ཤེས་རབ་དང་ལྡན་ཏེ། བྱང་ཆུབ་སེམས་དཔའ་
D119.052.0292a02.01སེམས་དཔའ་ཆེན་པོ་ཤ་སྟག་ལ་ཞི་བ། དུལ་བ། གདུལ་སླ་བ། གཟི་བརྗིད་ཆེན་པོ་དང་ལྡན་ཏེ། གཟུངས་མི་བརྗེད་པ་བལ་གླང་གི་ཁྱུ་མཆོག་དང་མཚུངས་པ། འཇིག་རྟེན་གྱི་ཁམས་ཡོངས་སུ་དག་པ། སེམས་ཅན་ཐམས་ཅད་ཀྱིས་དེ་བཞིན་གཤེགས་པ་ནི་མཐའ་ཡུན་དུ་
D119.052.0292a03.01ཡོངས་སུ་མྱ་ངན་ལས་མི་འདའ་ཞིང་རྟག་ཏུ་གནས་པ། མི་འགྱུར་མི་འཕོ་བར་ཤེས་པས། མདོ་སྡེ་འདི་ཡོད་དུ་ཟིན་གྱིས་ཀྱང་སྟོན་ཅིང་བཤད་མི་དགོས་སོ། །རིགས་ཀྱི་བུ་ད་ལྟར་གྱི་དུས་ཀྱི་སེམས་ཅན་ནི་ཉོན་མོངས་པ་མང་ཞིང་། གཏི་མུག་ཆེ་བས་བརྗེད་ངས་ལ།
D119.052.0292a04.01ཤེས་རབ་མེད་ཅིང་། ནེམ་ནུར་མང་བ་དད་པའི་རྩ་བ་མི་ཚུགས་ཏེ་འཇིག་རྟེན་གྱི་ཁམས་མ་དག་པས། སེམས་ཅན་ཐམས་ཅད་ཀྱང་འདི་སྐད་དུ་དེ་བཞིན་གཤེགས་པ་ནི་མི་རྟག་པ། འགྱུར་ཞིང་འཕོ་བ་སྟེ། མཐའ་ཡུན་དུ་ཡོངས་སུ་མྱ་ངན་ལས་འདས་པའོ། །
D119.052.0292a05.01ཞེས་ཟེར་ཏེ། དེ་བས་ན་དེ་བཞིན་གཤེགས་པས་མདོ་སྡེ་འདི་གསུངས་སོ། །རིགས་ཀྱི་བུ་སངས་རྒྱས་འོད་སྲུང་གི་ཆོས་ནི་ཡང་དག་པར་ནུབ་པ་མ་ཡིན་ནོ། །དེ་ཅིའི་ཕྱིར་ཞེ་ན། རྟག་པ་མི་འགྱུར་མི་འཕོ་བའི་ཕྱིར་རོ། །རིགས་ཀྱི་བུ་གལ་ཏེ་སེམས་ཅན་གང་
D119.052.0292a06.01བདག་ཡོད་པ་ལ་བདག་མེད་པར་ལྟ་བ་དང་། བདག་མེད་པ་ལ་བདག་ཡོད་པར་ལྟ་བ་དང་། རྟག་པ་ལ་མི་རྟག་པར་ལྟ་བ་དང་། མི་རྟག་པ་ལ་རྟག་པར་ལྟ་བ་དང་། བདེ་བ་ལ་མི་བདེ་བར་ལྟ་བ་དང་། མི་བདེ་བ་ལ་བདེ་བར་ལྟ་བ་དང་། ཡོངས་སུ་དག་པ་ལ་ཡོངས་
D119.052.0292a07.01