完整藏文原文 · 德格版页 当前仅加载第 52 函德格 330b 版页；藏文 NFD、目录标记与异常页序保留在来源切片中，重复版页行以稳定序号区分。
དྲང་སྲོང་ཨུ་ཏ་ཀ་དང་། ཨ་ལ་ཙ་ལ་སོགས་པའི་གན་དུ་ཕྱིན་ནས་དེ་དག་ལས་རྣམ་ཤེས་མཐའ་ཡས་སྐྱེ་མཆེད་སྟེངས་དང་། འདུ་ཤེས་མེད་འདུ་ཤེས་མེད་མིན་སྐྱེ་མཆེད་དག་བཤད་པ་ཐོས་སོ། །ཐོས་ནས་སྐྱེ་མཆེད་ལ་ཡོངས་སུ་བརྟགས་ན་མི་རྟག་པ་དང་། སྡུག་བསྔལ་བ་དང་།
D119.052.0330b01.01ཡོངས་སུ་མ་དག་པ་དང་། བདག་མེད་པ་ཡིན་པར་རྟོགས་ནས་དེ་སྤངས་ཏེ་ཤིང་དྲུང་ན་ལོ་དྲུག་གི་བར་དུ་དཀའ་བ་སྤྱོད་པ་དང་། དེ་ལྟར་དཀའ་བ་སྤྱོད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་མ་རྒྱས་ཏེ། དེ་ནས་ཡང་ཆུ་བོ་དགའ་སྐྱེད་ཅེས་བྱ་བའི་ནང་དུ་
D119.052.0330b02.01ཁྲུས་བྱས་ནས་གནག་རྫི་མོས་འོ་མའི་འཇམས་ཕུལ་བ་བཞེས་པ་དང་། བཞེས་ནས་བྱང་ཆུབ་ཀྱི་ཤིང་དྲུང་དུ་གཤེགས་ཏེ་བདུད་སྡིག་ཏོ་ཅན་བཏུལ་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་ནས་བཱ་རཱ་ཎ་སཱིར་དགེ་སློང་སྡེ་ལྔ་ལ་ཐོག་མ་ཆོས་ཀྱི་
D119.052.0330b03.01འཁོར་ལོ་བསྐོར་བ་ནས་གྲོང་ཁྱེར་རྩྭ་མཆོག་འདིར་ཡོངས་སུ་མྱ་ངན་ལས་འདས་པའི་བར་དུ་དེ་ལྟ་བུར་ལྟ་བ་ནི་ཉན་ཐོས་དང་རང་སངས་རྒྱས་དག་ལོག་པར་ལྟ་བ་ཞེས་བྱའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་མྱ་ངན་ལས་འདས་པ་ཆེན་པོའི་མདོ་སྡེ་འདི་མཉན་
D119.052.0330b04.01ཅིང་གཟུངས་སུ་བཟུང་ན། ལྟ་བ་གོང་མ་དེ་དག་ཀུན་སེལ་བར་འགྱུར་རོ། །གལ་ཏེ་ཡི་གེར་བྲིས་ཤིང་ཀློག་གམ། འདོན་ཏམ། ཁོང་དུ་ཆུད་པར་བྱེད་དམ། གཞན་ལ་རྒྱས་པར་སྟོན་ཏམ། དོན་ཡིད་ལ་བྱེད་ན་ཤེས་རབ་ཡང་དག་པ་ཐོབ་པར་འགྱུར་ཏེ། ལོག་པར་ལྟ་
D119.052.0330b05.01བ་མེད་པར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་མྱ་ངན་ལས་འདས་པ་ཆེན་པོའི་མདོ་འདི་ལ་ནན་ཏན་བྱས་ན། བྱང་ཆུབ་སེམས་དཔས་བསྐལ་པ་ཚད་མེད་པའི་བར་དུ་དགའ་ལྡན་གྱི་གནས་ནས་བབས་ཤིང་ཡུམ་གྱི་ལྷུམས་ནས་བལྟམ་པ་
D119.052.0330b06.01ནས། གྲོང་ཁྱེར་རྩྭ་མཆོག་ཏུ་ཡོངས་སུ་མྱ་ངན་ལས་མ་འདས་པའི་བར་དུ་རྟོགས་པ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་དག་པར་ལྟ་བ་ཞེས་བྱའོ། །དེ་བཞིན་གཤེགས་པས་དགོངས་ཏེ་གསུངས་པའི་དོན་ཟབ་མོ་ཤེས་པ་ཞེས་བྱ་བ་ནི་འདི་ལྟ་སྟེ། ཡོངས་
D119.052.0330b07.01