完整藏文原文 · 德格版页 当前仅加载第 52 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་ནས་བཀའ་ཉན་པར་གྱུར་ཏོ།། །།འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ། བམ་པོ་བཅུ་བདུན་པ། དེ་ནས་ཡང་བློན་པོ་རྣམས་ལ་བཀའ་སྩལ་པ། ལྷོའི་འཛམ་བུའི་གླིང་དང་།
D119.052.0197a01.01ཤར་གྱི་ལུས་འཕགས་ཀྱི་གླིང་ནི་རབ་ཏུ་བདེ་བར་གྱུར་ཏེ། ཐམས་ཅད་བཀའ་ཉན་པར་ཡང་གྱུར། རིན་པོ་ཆེ་སྣ་བདུན་དང་བུ་སྟོང་དུ་ཡང་ལྡན་ན་ད་ཡང་གཞན་ཅི་ཞིག་བྱར་ཡོད། བློན་པོ་རྣམས་ཀྱིས་གསོལ་པ། དེ་བཞིན་ནོ། །རྒྱལ་པོ་ཆེན་པོ་ནུབ་ཀྱི་བ་ལང་སྤྱོད་
D119.052.0197a02.01ཅེས་བགྱི་བ་ད་དུང་མ་བཏུལ་ལོ། །དེ་ནས་རྒྱལ་པོ་རིན་པོ་ཆེ་སྣ་བདུན་དང་བཅས་ཏེ། ཐམས་ཅད་ནམ་མཁའ་ལ་འཕགས་ནས་ནུབ་ཀྱི་བ་ལང་སྤྱོད་དུ་ཆས་སོ། །རྒྱལ་པོ་དེར་ཕྱིན་མ་ཐག་ཏུ་དེ་ན་གནས་པའི་མི་ཐམས་ཅད་ཀྱང་བཀའ་ཉན་པར་གྱུར་ཏོ། །ཡང་བློན་
D119.052.0197a03.01པོ་རྣམས་ལ་བཀའ་སྩལ་པ། ལྷོའི་འཛམ་བུའི་གླིང་དང་། ཤར་གྱི་ལུས་འཕགས་གླིང་དང་། ནུབ་ཀྱི་བ་ལང་སྤྱོད་ན་གནས་པའི་མི་དག་ནི་རབ་ཏུ་བདེ་ཞིང་སྐྱིད་ལ་བཀའ་ཡང་ཉན་པར་གྱུར་ཏེ། རིན་པོ་ཆེ་སྣ་བདུན་དང་། བུ་སྟོང་དུ་ཡང་ལྡན་ན་ད་གཞན་ཡང་
D119.052.0197a04.01ཅི་ཞིག་བྱར་ཡོད། བློན་པོ་རྣམས་ཀྱིས་གསོལ་པ། དེ་བཞིན་ནོ། །རྒྱལ་པོ་ཆེན་པོ་བྱང་གི་སྒྲ་མི་སྙན་ཞེས་བགྱི་བ་ད་དུང་མ་བཏུལ་ལོ། །དེ་ནས་རྒྱལ་པོ་ཡང་རིན་པོ་ཆེ་སྣ་བདུན་དང་བཅས་ཏེ། ཐམས་ཅད་སྟེང་གི་ནམ་མཁའ་ལ་འཕགས་ནས་བྱང་གི་སྒྲ་མི་སྙན་
D119.052.0197a05.01དུ་ཆས་སོ། །དེར་ཕྱིན་མ་ཐག་ཏུ་དེ་ན་གནས་པའི་མི་ཐམས་ཅད་རབ་ཏུ་དགའ་ནས་བཀའ་ཉན་ཏོ། །དེ་ནས་ཡང་བློན་པོ་རྣམས་ལ་བཀའ་སྩལ་པ། གླིང་བཞི་ན་གནས་པའི་མི་དག་ནི་རབ་ཏུ་ཡང་སྐྱིད་ཅིང་བདེ་ལ་བཀའ་ཉན་པར་གྱུར་ཏེ། རིན་པོ་ཆེ་སྣ་བདུན་དང་
D119.052.0197a06.01བུ་སྟོང་དུ་ལྡན་ན་ད་གཞན་ཡང་ཅི་ཞིག་བྱར་ཡོད། །བློན་པོ་རྣམས་ཀྱིས་གསོལ་པ། དེ་བཞིན་ནོ། །རྒྱལ་པོ་ཆེན་པོ་སུམ་ཅུ་རྩ་གསུམ་གྱི་ལྷ་ནི་ཚེ་ཡང་རབ་ཏུ་རིང་ལ་ཤིན་ཏུ་བདེ་སྐྱིད་དོ། །ལྷའི་ལུས་ནི་ཤིན་ཏུ་ཡང་བཟང་སྟེ། དཔེ་ཟླ་མེད་ལ་གནས་པའི་ཕོ་བྲང་
D119.052.0197a07.01