完整藏文原文 · 德格版页 当前仅加载第 52 函德格 308b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་ན། བདག་དེང་སླན་ཆད་ལྷ་མ་ཡིན་དང་མི་འཐབ་པར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ལེགས་སོ། །ཀཽ་ཤི་ཀ་སངས་རྒྱས་བཅོམ་ལྡན་འདས་ནི་བཟོད་པ་ལ་བླ་ན་མེད་པ་ཡང་དག་པར་རྫོགས་པའི་རྒྱུ་ཡིན་ནོ། །ཞེས་གསུངས་སོ། །དེའི་ཚེ་བརྒྱ་བྱིན་ལྷའི་
D119.052.0308b01.01དབང་ཕྱུག་སངས་རྒྱས་ཀྱི་ཞབས་ལ་སྤྱི་བོས་ཕྱག་འཚལ་ནས་ཕྱིར་གནས་སུ་དོང་ངོ་། །རྒྱལ་པོ་ཆེན་པོ་དེ་བཞིན་གཤེགས་པ་དེ་ལྟར་མི་དགེ་བའི་ལྟས་ངན་པ་ཐམས་ཅད་ཞི་བར་བྱེད་པས་ན། སངས་རྒྱས་ལ་བསམ་གྱིས་མི་ཁྱབ་བོ་ཞེས་བརྗོད་དོ། །དེ་བས་ན་གལ་ཏེ་རྒྱལ་པོ་ཡང་དེའི་གན་དུ་
D119.052.0308b02.01ཕྱིན་ན་ཁ་ན་མ་ཐོ་བའི་ལས་ཐམས་ཅད་ཡོངས་སུ་འབྱང་ངོ་། །རྒྱལ་པོ་ཆེན་པོ་ཡང་གསོན་ཅིག །བྲམ་ཟེའི་བུ་མི་འཚེ་བ་ཞེས་བྱ་བ་སེམས་ཅན་གྲངས་མེད་པ་བསད་པས་སོར་མོས་བརྒྱན་ཞེས་བཏགས་ཏེ། མ་གསོད་ཏུ་ཆས་ནས་སྡིག་པའི་སེམས་བསྐྱེད་པ་ན། ལུས་ཀྱང་འདར་ཞིང་གཡོའོ། །
D119.052.0308b03.01ལུས་དང་སེམས་གཡོ་བ་ནི་མཚམས་མེད་པ་བྱས་པའི་རྐྱེན་གྱིས་གདོན་མི་ཟ་བར་སེམས་ཅན་དམྱལ་བར་ལྟུང་བ་ལས་སངས་རྒྱས་དང་ཕྲད་པ་ན་ཡང་ལུས་དང་སེམས་གཡོ་སྟེ། དེ་ལ་ཡང་གསོད་པའི་སེམས་སྐྱེས་སོ། །ལུས་དང་སེམས་གཡོ་བ་ནི་མཚམས་མེད་པ་ལྔ་བྱེད་པའི་
D119.052.0308b04.01རྐྱེན་གྱིས་གཡོས་ཏེ། མཚམས་མེད་པ་ལྔ་བྱས་ན་གདོན་མི་ཟ་བར་སེམས་ཅན་དམྱལ་བར་ལྟུང་ངོ་། །མི་དེས་དེ་བཞིན་གཤེགས་པ་སྟོན་པ་ཆེན་པོ་དང་ཕྲད་མ་ཐག་ཏུ་སེམས་ཅན་དམྱལ་བར་ལྟུང་བའི་རྒྱུ་ཡོངས་སུ་བྱང་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་
D119.052.0308b05.01བསྐྱེད་དེ། དེ་བས་ན་སངས་རྒྱས་བཅོམ་ལྡན་འདས་ནི་བླ་ན་མེད་པའི་སྨན་པ་ཞེས་བྱ་སྟེ། སྟོན་པ་དྲུག་ལྟ་བུ་མ་ཡིན་ནོ། །རྒྱལ་པོ་ཆེན་པོ་གཞན་ཡང་རྒྱལ་བུ་སི་བྱི་ལ་ཞེས་བྱ་བ་ལ་ཕ་རྒྱལ་པོ་ཁྲོས་ནས་རྐང་ལག་བཅད་དེ་དོང་དུ་བོར་རོ། །རྒྱལ་པོའི་མ་སྙིང་བརྩེ་བས་དོང་ནས་ཕྱུང་སྟེ།
D119.052.0308b06.01སངས་རྒྱས་གང་ན་བར་ཁྲིད་ནས་སངས་རྒྱས་དང་ཕྲད་མ་ཐག་ཏུ་རྐང་ལག་ཀྱང་ཕྱིར་སྐྱེས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །རྒྱལ་པོ་ཆེན་པོ་དེ་ལྟར་སངས་རྒྱས་དང་ཕྲད་པས་འབྲས་བུ་མངོན་སུམ་དུ་ཐོབ་སྟེ། དེ་བས་ན་སངས་རྒྱས་བཅོམ་ལྡན་
D119.052.0308b07.01