完整藏文原文 · 德格版页 当前仅加载第 52 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཏིལ་གྱི་འབྲུ་ཙམ་ཞིག་ཡོད་དོ། །ཞེས་སྨྲའོ། །ཁ་ཅིག་ནི་བདག་གི་མཚན་ཉིད་ཅེས་བྱ་བ་སེམས་ལ་གནས་ཏེ། ཉི་མ་ལྟ་བུར་འབར་ཞིང་གསལ་ལོ་ཞེས་སྨྲ་སྟེ། དེ་ལྟར་སོ་སོའི་སྐྱེ་བོ་དག་བདག་ཅེས་བྱ་བའི་མཚན་ཉིད་མི་ཤེས་པ་ཡང་། ཇི་ལྟར་བློན་པོ་རྣམས་ཀྱིས་རལ་
D119.052.0128b01.01གྲི་བཟང་པོ་དེ་མི་ཤེས་པ་བཞིན་ནོ། །བྱང་ཆུབ་སེམས་དཔས་དེ་ལྟར་བདག་ཅེས་བྱ་བའི་མཚན་ཉིད་བསྟན་པ་བུས་པ་གླེན་པ་དག་གིས་མི་ཤེས་པས་རྣམ་པ་སྣ་ཚོགས་བྱེ་བྲག་ཕྱེ་སྟེ། བདག་ཅེས་བྱ་བའི་མཚན་ཉིད་དུ་འཛིན་པ་ནི་རལ་གྲིའི་དབྱིབས་ཅི་འདྲ་བ་ཞེས་དྲིས་ན་ར་རུ་འདྲའོ་
D119.052.0128b02.01ཞེས་སྨྲ་བ་དང་མཚུངས་སོ། །དེ་ལྟར་བུས་པ་མ་རབས་དག་ནི་རྒྱུན་མི་འཆད་པར་ངན་པར་ལྟ་བ་བསྐྱེད་དེ། དེ་ལྟར་ངན་པར་ལྟ་བ་བཅད་པའི་ཕྱིར་དེ་བཞིན་གཤེགས་པས་བདག་མེད་པ་བསྟན་པ་ནི། དཔེར་ན་རྒྱལ་བུ་དག་བློན་པོ་རྣམས་ལ་ངའི་མཛོད་ན་དེ་འདྲ་བའི་རལ་གྲི་མེད་དོ་
D119.052.0128b03.01ཞེས་སྨྲ་བ་དང་མཚུངས་སོ། །རིགས་ཀྱི་བུ་དེང་དེ་བཞིན་གཤེགས་པས་བདག་ཅེས་བྱ་བ་བསྟན་པ་ནི་སངས་རྒྱས་ཀྱི་རང་བཞིན་ཞེས་བྱའོ། །དེ་ལྟར་སངས་རྒྱས་ཀྱི་རང་བཞིན་དེ་ནི་སངས་རྒྱས་ཀྱིས་བསྟན་པའི་ཆོས་ཀྱི་ནང་ན་རལ་གྲི་ཤིན་ཏུ་གསལ་ཞིང་དག་པ་དང་མཚུངས་སོ། །
D119.052.0128b04.01རིགས་ཀྱི་བུ་དེ་ལ་བུས་པ་མ་རབས་གང་དེ་སྐད་དུ་ལེགས་པར་སྨྲ་བ་ནི་བླ་ན་མེད་པའི་སངས་རྒྱས་ཀྱི་ཆོས་ལ་འབབ་པ་མ་ཡིན་ནོ། །དེ་ལ་གང་ཞིག་ལེགས་པར་རྣམ་པར་ཕྱེ་སྟེ། བསྟན་པའི་རྗེས་སུ་ཞུགས་ན་དེ་ནི་བྱང་ཆུབ་སེམས་དཔའི་གཟུགས་ལྟ་བུར་རིག་པར་བྱའོ། །རིགས་
D119.052.0128b05.01ཀྱི་བུ་ཇི་ཙམ་དུ་རྣམ་པ་ཐ་དད་དུ་སྨྲ་བ་རིག་སྔགས་དང་། ཚིག་ལས་རྣམ་པར་རྒྱལ་བའི་གཙུག་ལག་དང་། ཡི་གེ་ལ་སོགས་པ་ཐམས་ཅད་ཀྱང་སངས་རྒྱས་ཀྱིས་བསྟན་པ་ཡིན་གྱི། མུ་སྟེགས་ཅན་གྱིས་བསྟན་པ་མ་ཡིན་ནོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་
D119.052.0128b06.01དཔའ་འོད་སྲུང་གིས་འདི་སྐད་ཅེས་གསོལ་ཏོ། །དེ་བཞིན་གཤེགས་པས་ཇི་ལྟ་བུར་ཡི་གེའི་མ་མོ་རྣམས་བསྟན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་སྔར་ཡི་གེ་ཕྱེད་ཀྱི་མ་མོ་བསྟན་པས་གཙུག་ལག་དང་། རིག་སྔགས་དང་། ཚིག་ལས་
D119.052.0128b07.01