完整藏文原文 · 德格版页 当前仅加载第 52 函德格 335b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་བཅས་པ་ནི་སོང་བ་དང་འོང་བ་མ་མཆིས་པར་མཐོང་གི་ལེན་པ་མ་མཆིས་པ་ལ་ནི་སོང་བ་དང་འོང་བ་མ་མཆིས་སོ། །གང་དེ་བཞིན་གཤེགས་པ་མཐའ་ཡུན་དུ་མྱ་ངན་ལས་འདའ་བར་མཐོང་བ་ནི་སོང་བ་དང་འོང་བ་མཆིས་པར་མཐོང་གི །དེ་བཞིན་གཤེགས་པ་
D119.052.0335b01.01མཐའ་ཡུན་དུ་མྱ་ངན་ལས་འདས་པར་མི་ལྟ་བ་ལ་ནི་སོང་བ་དང་འོང་བ་མ་མཆིས་པར་བལྟའོ། །གང་སངས་རྒྱས་ཀྱི་རང་བཞིན་མ་མཐོང་བ་ལ་ནི་འོང་བ་དང་སོང་བ་མཆིས་པ་མཐོང་གི །སངས་རྒྱས་ཀྱི་རང་བཞིན་མཐོང་བ་ལ་ནི་འོང་བ་དང་སོང་བ་མ་མཆིས་སོ། །
D119.052.0335b02.01གང་ཉན་ཐོས་དང་རང་སངས་རྒྱས་མྱ་ངན་ལས་འདས་པ་མཆིས་པར་མཐོང་བ་ནི་སོང་བ་དང་འོང་བ་མཆིས་ཀྱི་ཉན་ཐོས་དང་། རང་སངས་རྒྱས་མྱ་ངན་ལས་འདའ་བར་མི་མཐོང་བ་ལ་ནི་སོང་བ་དང་འོང་བ་མ་མཆིས་སོ། །གང་ཉན་ཐོས་དང་རང་སངས་རྒྱས་ལ་རྟག་
D119.052.0335b03.01པ་དང་། བདེ་བ་དང་། བདག་དང་། ཡོངས་སུ་དག་པ་མཆིས་པར་ལྟ་བ་ལ་ནི་སོང་བ་དང་འོང་བ་མཆིས་ཀྱི། དེ་ལྟར་མི་ལྟ་བ་ལ་ནི་སོང་བ་དང་འོང་བ་མ་མཆིས་སོ། །གང་དེ་བཞིན་གཤེགས་པ་ལ་རྟག་པ་དང་། བདེ་བ་དང་། བདག་དང་། ཡོངས་སུ་དག་
D119.052.0335b04.01པ་མ་མཆིས་པར་ལྟ་བ་ལ་ནི་སོང་བ་དང་འོང་བ་མཆིས་ཀྱི། གང་དེ་བཞིན་གཤེགས་པ་ལ་རྟག་པ་དང་། བདེ་བ་དང་། བདག་དང་། ཡོངས་སུ་དག་པ་མཆིས་པར་ལྟ་བ་ལ་ནི་སོང་བ་དང་འོང་བ་མ་མཆིས་སོ། །བཅོམ་ལྡན་འདས་འདི་ཡང་རེ་ཞིག་བཞག་
D119.052.0335b05.01སྟེ། ཕྱོགས་གཅིག་ཙམ་ཞུ་ན་ཐུགས་བརྩེ་བའི་སླད་དུ་གོ་སྐབས་དབྱེ་བར་གསོལ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ད་དུས་ལ་བབ་ཀྱིས་ཅི་དང་ཅི་འདོད་པ་དྲིས་ཤིག་དང་དེ་དང་དེའི་ལུང་ངས་རྣམ་པར་ཕྱེ་སྟེ་བསྟན་པར་བྱའོ། །དེ་ཅིའི་ཕྱིར་ཞེ་ན།
D119.052.0335b06.01སངས་རྒྱས་བཅོམ་ལྡན་འདས་རྣམས་ནི་ཤིན་ཏུ་ཕྲད་དཀའ་སྟེ། ཇི་ལྟར་མེ་ཏོག་ཨུ་དུམ་བཱ་ར་བཞིན་ནོ། །ཆོས་ཀྱང་དེ་ལྟར་ཆོས་ཐོས་དཀའོ། །མདོ་སྡེ་བཅུ་གཉིས་ཀྱི་ནང་ན་ཤིན་ཏུ་རྒྱས་པ་ཐོས་པ་ཡང་ཤིན་ཏུ་དཀའ་བས་ན་སེམས་རྩེ་གཅིག་ཏུ་མཉན་པར་
D119.052.0335b07.01