完整藏文原文 · 德格版页 当前仅加载第 52 函德格 147a 版页；藏文 NFD、目录标记与异常页序保留在来源切片中，重复版页行以稳定序号区分。
འཚོ་བར་གྱུར་ཏོ། །ངོ་མཚར་ཆེའོ། །བདག་གི་མས་ཟླ་བ་བཅུའི་བར་དུ་སྡུག་བསྔལ་ཆེན་པོ་མྱོང་སྟེ། བདག་བཙས་ནས་ཀྱང་གཤེར་བ་མི་བདེ་བ་དང་ནི་བྲལ། བསྐམ་པ་བདེ་བ་དང་ཕྲད་དེ་མི་གཙང་བ་བཤང་གཅི་ཆེ་ཆུང་ཡང་ཕྱགས་ནས་ནུ་ཞོ་བསྣུན་ཏེ།
D119.052.0147a01.01བདག་གི་ལུས་འདི་དག་གསོས་ནས་རིམ་གྲོ་ཆེར་བྱས་སོ། །དེ་བས་ན་བདག་ཀྱང་དྲིན་ལ་ལན་གླན་པའི་ཕྱིར་རིམ་གྲོ་ཆེར་བྱས་ཏེ་ཡིད་དང་མི་འགལ་བར་མཆོད་པ་བྱའོ་སྙམ་སེམས་སོ། །ཕས་ཕམ་པ་བཞི་ཉམས་པ་དང་། མཚམས་མེད་པའི་སྡིག་བྱས་པ་ཡང་མཐར་དུས་
D119.052.0147a02.01བྱེད་པ་ན། ཐེག་པ་ཆེན་པོའི་མདོ་སྡེ་མྱ་ངན་ལས་འདས་པ་ཆེན་པོ་འདི་དྲན་པར་བྱས་ན་སེམས་ཅན་དམྱལ་བའམ། བྱོལ་སོང་གི་སྐྱེ་གནས་སམ། {ཡི་དགས་,ཡི་དྭགས་}སམ། ལྷའམ། མིར་སྐྱེས་ཀྱང་མདོ་སྡེ་འདིས་མི་དེའི་བྱང་ཆུབ་ཀྱི་རྒྱུར་འགྱུར་བར་བྱེད་དེ། ལོག་སྲེད་ཅན་ནི་མ་
D119.052.0147a03.01གཏོགས་སོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་སྨན་པ་མཁས་པའམ། སྨན་པ་མཁས་པའི་བུ་སྨན་གཞན་ལས་འཕགས་པར་མཁས་པ་དུག་གི་སྨན་ལ་ཡང་ཤིན་ཏུ་མཁས་ཤིང་རིག་སྔགས་ལ་ཡང་མཁས་ན་སྦྲུལ་གདུག་པའམ། ཀླུའམ། གདུག་པ་གཞན་
D119.052.0147a04.01དག་ཀྱང་རིག་སྔགས་དང་སྨན་གྱི་མཐུས་གདུག་པ་མེད་པར་བྱེད་དོ། །གལ་ཏེ་ལྷམ་ལ་སྨན་བསྐུས་ཏེ། སྦྲུལ་གདུག་པ་ལ་སོགས་པ་ལ་རེག་ན་གདུག་པ་ཞི་བར་འགྱུར་ཡང་། གདུག་པ་ཀླུ་ཆེན་པོ་ཞེས་བྱ་བ་ནི་མ་ཡིན་ནོ། །ཐེག་པ་ཆེན་པོའི་མདོ་སྡེ་མྱ་ངན་ལས་འདས་པ་ཆེན་
D119.052.0147a05.01པོ་འདི་ཡང་དེ་དང་འདྲ་སྟེ། སེམས་ཅན་གང་ཕས་ཕམ་པ་བཞི་ཉམས་སམ། མཚམས་མེད་པ་ལྔ་བྱས་ཀྱང་དེ་དག་གི་ཁ་ན་མ་ཐོ་བའི་སྡིག་པ་བྱང་ཞིང་བྱང་ཆུབ་ལ་དགོད་པར་བྱེད་དོ། །ལྷམ་ལ་སྨན་གྱིས་བསྐུས་ན་ཡང་དུག་ཞི་བར་བྱེད་པ་ལྟར་སེམས་མ་བསྐྱེད་པ་དག་ཀྱང་
D119.052.0147a06.01སེམས་བསྐྱེད་ཅིང་བྱང་ཆུབ་ལ་བདེ་བར་དགོད་པར་བྱེད་དོ། །ཐེག་པ་ཆེན་པོ་མྱ་ངན་ལས་འདས་པ་ཆེན་པོའི་མདོ་སྡེ་སྨན་ལྟ་བུ་འདིའི་མཐུས་སེམས་ཅན་ཐམས་ཅད་བདེ་བར་བྱེད་ཀྱང་ཀླུ་ཆེན་པོ་ལྟ་བུ་ལོག་སྲེད་ཅན་དག་ནི་མ་གཏོགས་སོ། །རིགས་ཀྱི་བུ་གཞན་ཡང་འདི་ལྟ་སྟེ་
D119.052.0147a07.01