完整藏文原文 · 德格版页 当前仅加载第 52 函德格 228b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བྱང་ཆུབ་འབའ་ཞིག་ཚོལ་ལོ། །བརྒྱ་བྱིན་ལྷའི་དབང་པོས་ཡང་འདི་སྐད་ཅེས་སྨྲས་སོ། །ཁྱོད་ཀྱིས་སྨྲས་པ་ལྟར་དྲང་སྲོང་ཆེན་པོ་དེ་འཇིག་རྟེན་དང་བཅས་པ་ཐམས་ཅད་ཀྱི་སྐྱབས་སུ་འགྱུར་བ་ཡིན་ལ། ཇི་སྟེ་འཇིག་རྟེན་འདི་ན་སངས་རྒྱས་ཀྱི་ཤིང་ཆེན་པོ་བྱུང་ན། འཇིག་
D119.052.0228b01.01རྟེན་དུ་བཅས་པ་ལྷ་དང་། མི་དང་། ལྷ་མ་ཡིན་ལ་སོགས་པ་ཐམས་ཅད་ཀྱི་ཉོན་མོངས་པའི་སྦྲུལ་གདུག་པ་སེལ་བར་འགྱུར་ཏེ། སེམས་ཅན་དེ་དག་སངས་རྒྱས་ཀྱི་སྐྱེད་ཤིང་གི་གྲིབ་མ་ལ་འདུག་པས་ཉོན་མོངས་པའི་སྦྲུལ་གདུག་པ་ཐམས་ཅད་རྣམ་པར་སེལ་བར་འགྱུར་རོ། །དྲང་
D119.052.0228b02.01སྲོང་ཆེན་པོ་དེ་མ་འོངས་པའི་དུས་སུ་བདེ་བར་གཤེགས་པར་འགྱུར་ན་ལྟ། བདག་ཅག་ལ་སོགས་པ་ཐམས་ཅད་ཀྱང་ཤིན་ཏུ་འབར་བའི་ཉོན་མོངས་པ་དཔག་ཏུ་མེད་པ་ཞི་བར་འགྱུར་ཏེ། དེ་ནི་ཤིན་ཏུ་ཡང་ཡིད་ཆེས་པར་དཀའོ། །དེ་ཅིའི་ཕྱིར་ཞེ་ན། སེམས་ཅན་ཚད་མེད་པ་
D119.052.0228b03.01བརྒྱ་སྟོང་སྙེད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་འགྱུར་ལ། རྐྱེན་ཅུང་ཟད་ཙམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་ལྡོག་པར་འགྱུར་ཏེ། དཔེར་ན་ཆུའི་ཟླ་བ་ལྟར་ཆུ་འགུལ་ན་ཟླ་བ་ཡང་འགུལ་བ་དང་འདྲའོ། །
D119.052.0228b04.01ཡང་དཔེར་ན་རི་མོ་བྲིས་པའི་སྐུ་གཟུགས་དང་འདྲ་སྟེ། བྱ་བ་ནི་དཀའ་ལ་གཞིག་ནི་སླ་བ་ལྟར་བྱང་ཆུབ་ཀྱི་སེམས་ཀྱང་དེ་དང་འདྲ་སྟེ་བསྐྱེད་ནི་དཀའ་ལ་ལྡོག་ནི་སླའོ། །དྲང་སྲོང་ཆེན་པོ་དཔེར་ན་མི་ཞིག་གོ་མཚོན་དང་ཤིན་ཏུ་ཆས་ཏེ། གཡུལ་ངོར་ཕྱིན་ནས་དགྲ་དང་ཕྲད་མ་ཐག་
D119.052.0228b05.01ཏུ་འཇིགས་ནས་ཕྱིར་ལྡོག་པ་དང་འདྲ་བར་སེམས་ཅན་ཐམས་ཅད་ཀྱང་དེ་དང་འདྲ་བར་བྱང་ཆུབ་ཏུ་སེམས་བསྐྱེད་པའི་གོ་མཚོན་གྱིས་ཡོངས་སུ་བརྒྱན་ནས་འཁོར་བའི་སྐྱོན་མཐོང་མ་ཐག་ཏུ་འཇིགས་པ་བསྐྱེད་ནས་ཕྱིར་ལྡོག་པར་འགྱུར་རོ། །དེ་བས་ན་ངས་སྐྱེས་བུ་དེ་ཉོན་མོངས་
D119.052.0228b06.01པ་དང་གདུང་བ་མེད་པར་དཀའ་བ་སྤྱོད་དེ། སྤྱོད་པ་ཡོངས་སུ་དག་པར་མཐོང་མོད་ཀྱི། འོན་ཀྱང་ཡིད་མི་ཆེས་ཀྱིས་དེའི་གན་དུ་ཉེ་བར་སོང་ལ། སྐྱེས་བུ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཕྲག་པ་ལ་བསྐུར་ནུས་སམ་མི་ནུས་པ་བརྟག་དགོས་སོ། །
D119.052.0228b07.01