完整藏文原文 · 德格版页 当前仅加载第 52 函德格 79a 版页；藏文 NFD、目录标记与异常页序保留在来源切片中，重复版页行以稳定序号区分。
དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་ཡོངས་སུ་གསལ་བའོ། །དཔེར་ན་ཟླ་བ་རྒྱས་པ་ལ་སྤྲིན་ནམ་ན་བུན་གྱིས་མ་ཆོད་པ་དང་འདྲ་བར་རྣམ་པར་གྲོལ་བ་ཡང་དེ་དང་འདྲ་སྟེ་སྤྲིན་དང་ན་བུན་མེད་དོ། །སྤྲིན་དང་
D119.052.0079a01.01ན་བུན་མེད་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་རབ་ཏུ་ཞི་བའོ། །དཔེར་ན་མི་ཞིག་རིམས་ནད་ཚ་བས་བཏབ་པ་ལས་སོས་ན་ཞི་བའོ། །རྣམ་པར་གྲོལ་བ་ཡང་དེ་དང་འདྲ་
D119.052.0079a02.01སྟེ་རབ་ཏུ་ཞི་བའོ། །རབ་ཏུ་ཞི་བ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་མཉམ་པའོ། །དཔེར་ན་འབྲོག་དགོན་པ་ན་སྦྲུལ་གདུག་པ་དང་། སྤྱང་ཀི་ལ་སོགས་པ་ནི་
D119.052.0079a03.01འདྲ་བར་གསོད་སེམས་ཡོད་དོ། །རྣམ་པར་གྲོལ་བ་ནི་དེ་ལྟ་མ་ཡིན་ཏེ་གསོད་སེམས་མེད་དོ། །གསོད་སེམས་མེད་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་མཉམ་པ་ཞེས་བྱ་བ་ནི་དཔེར་ན་ཕ་
D119.052.0079a04.01མ་ནི་བུ་ལ་སེམས་མཉམ་མོ། །རྣམ་པར་གྲོལ་བ་ཡང་དེ་དང་འདྲ་སྟེ་སེམས་མཉམ་མོ། །སེམས་མཉམ་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་གཞན་པའི་གནས་མེད་པའོ། །
D119.052.0079a05.01དཔེར་ན་མི་ཞིག་གནས་ཤིན་ཏུ་བཟང་པོ་ཡོངས་སུ་དག་པ་ཞིག་ལ་གནས་ན་དེ་ལས་གཞན་པའི་གནས་མེད་དོ། །རྣམ་པར་གྲོལ་བ་ཡང་དེ་དང་འདྲ་སྟེ་གཞན་པའི་གནས་མེད་དོ། །གཞན་པའི་གནས་མེད་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་
D119.052.0079a06.01གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་ཆོག་ཤེས་པའོ། །དཔེར་ན་མི་ཞིག་ལྟོགས་ཏེ་ཁ་ཟས་ཞིམ་པོ་དང་ཕྲད་ན་ཆོག་མི་ཤེས་པར་ཟའོ། །རྣམ་པར་གྲོལ་བ་ནི་དེ་ལྟ་མ་ཡིན་ཏེ། དཔེར་ན་འོ་ཐུག་འཐུངས་ན་གཞན་ཅི་ཡང་མི་འདོད་དོ། །གཞན་
D119.052.0079a07.01