完整藏文原文 · 德格版页 当前仅加载第 52 函德格 120a 版页；藏文 NFD、目录标记与异常页序保留在来源切片中，重复版页行以稳定序号区分。
བླ་མེད་བདེ་བ་ཐོབ་པར་འགྱུར། །ཇི་ལྟར་བདེ་བའི་ཚིག་སྨྲ་ན། །མ་འོངས་དུས་སུ་མངོན་སངས་རྒྱས། །མ་འོངས་དུས་སུ་མི་འགྲུབ་ན། །དཀོན་མཆོག་གསུམ་ལ་ཇི་ལྟར་ཕྱོགས། །བདག་གིས་སྔ་ནས་མི་འཚལ་ཏེ། །བགས་ཀྱིས་འཚལ་བར་འགྱུར་བས་ན། །ཇི་ལྟ་
D119.052.0120a01.01བུར་ན་མི་སྦྲུམ་པར། །བུ་དག་བཙའ་བའི་འདུ་ཤེས་བསྐྱེད། །མངལ་ན་ཇི་ལྟར་མཆིས་ངེས་ན། །དེ་ནི་བུ་མཆིས་པ་ཞེས་བགྱི། །ཅི་སྟེ་མངལ་ན་བུ་མཆིས་ན། །རིང་པོར་མི་ཐོགས་ངེས་པར་འབྱུང་། །དེ་ནི་བུ་ཡི་དོན་ལགས་ཏེ། །སེམས་ཅན་ལས་ཀྱང་དེ་བཞིན་ནོ། །བཅོམ་
D119.052.0120a02.01ལྡན་འདས་ཀྱིས་གསུངས་པ་ལྟར། །གླེན་པ་དག་གིས་ཤེས་མི་ནུས། །དེ་ལྟར་མི་རྟོགས་མི་ཤེས་པས། །ཡང་དང་ཡང་དུ་འཁོར་བར་འཁོར། །མིང་ཙམ་གྱི་ནི་དགེ་བསྙེན་དག །ཡང་དག་པ་ཡི་དོན་མི་འཚལ། །ཤིན་ཏུ་རྒྱས་པར་འབྱེད་བསྟན་ཏེ། །བདག་གི་ཐེ་
D119.052.0120a03.01ཙོམ་བཅད་དུ་གསོལ། །ཡེ་ཤེས་ཆེན་པོ་བཅོམ་ལྡན་འདས། །ཐུགས་བརྩེའི་སླད་དུ་རྒྱས་པར་ནི། །དེ་བཞིན་གཤེགས་པས་གསང་བ་ཡི། །རིན་ཆེན་སྙིང་པོ་བཤད་དུ་གསོལ། །འོད་སྲུང་ཁྱོད་ཀྱིས་ཤེས་པར་གྱིས། །གསང་བའི་སྙིང་པོ་གང་ཡིན་པ། །ངས་
D119.052.0120a04.01ནི་རབ་ཏུ་འབྱེད་བསྟན་ཏེ། །ཁྱོད་ཀྱི་ཐེ་ཙོམ་གཅད་པར་བྱ། །ཤིན་ཏུ་བརྟགས་པར་ཉོན་ཅིག་དང་། །ཁྱོད་ནི་བྱང་ཆུབ་སེམས་དཔའི་ནང་། །སངས་རྒྱས་འབྱུང་བ་བདུན་པ་ཡི། །མཚན་དང་མིང་དུ་འཐུན་པར་འགྱུར། །སངས་རྒྱས་དག་ལ་སྐྱབས་གསོལ་བ། །དེ་ནི་ཡང་དག་དགེ་
D119.052.0120a05.01བསྙེན་ཏེ། །ནམ་དུའང་ལྷ་རྣམས་གཞན་དག་ལ། །སྐྱབས་གསོལ་བར་ནི་མི་འགྱུར་རོ། །དམ་པའི་ཆོས་ལ་སྐྱབས་གསོལ་ན། །འཚེ་ཞིང་གསོད་པའི་སེམས་དང་བྲལ། །དགེ་འདུན་ལ་ནི་སྐྱབས་གསོལ་ན། །མུ་སྟེགས་ཅན་ལ་ཕྱོགས་མི་འགྱུར། །དཀོན་མཆོག་གསུམ་ལ་
D119.052.0120a06.01སྐྱབས་གསོལ་ན། །འཇིགས་པ་མེད་པ་ཐོབ་པར་འགྱུར། །འོད་སྲུང་སངས་རྒྱས་ལ་གསོལ་པ། །བདག་ནི་གསུམ་ལ་སྐྱབས་གསོལ་བས། །སངས་རྒྱས་རྣམས་ཀྱི་སྤྱོད་ཡུལ་གྱི། །ཡང་དག་པ་ཡི་ལམ་ཞེས་བགྱི། །དཀོན་མཆོག་གསུམ་གྱི་མཚན་ཉིད་མཉམ། །ཡེ་ཤེས་ཆེན་
D119.052.0120a07.01