完整藏文原文 · 德格版页 当前仅加载第 52 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་དེ་དག་ཐམས་ཅད་བསོད་སྙོམས་ཀྱིས་ཆོག་པར་གྱུར་ཏོ། །དེའི་ཚེ་ཙུན་ད་དེ་ལྟ་བུར་གྱུར་པ་མཐོང་ནས་རབ་ཏུ་དགའ་བ་སྐྱེས་ཏེ། འཁོར་གྱི་དཀྱིལ་འཁོར་དེ་དག་ཐམས་ཅད་ཀྱང་རབ་ཏུ་དགའ་བར་གྱུར་ཏོ། །དེའི་ཚེ་ན་འཁོར་གྱི་དཀྱིལ་འཁོར་དེ་དག་ཐམས་ཅད་བཅོམ་ལྡན་འདས་ཀྱི་བྱིན་གྱི་
D119.052.0158b01.01རླབས་ཀྱིས་སོ་སོའི་ཡིད་ལ་དེ་བཞིན་གཤེགས་པ་ནི་བདག་ཅག་གི་མཆོད་པ་བཞེས་པས་རིང་པོ་མི་ཐོགས་པར་ཡོངས་སུ་མྱ་ངན་ལས་འདའོ་སྙམ་དུ་སེམས་པར་གྱུར་ཏོ། །དེ་སྙམ་དུ་བསམས་ནས་སོ་སོའི་སེམས་ལ་མྱ་ངན་དང་དགའ་བ་འདྲེས་པར་གྱུར་ཏོ། །དེའི་ཚེ་ན་ཚལ་དེའི་ས་གཞི་ཤིན་ཏུ་ཆུང་ཞིང་
D119.052.0158b02.01དོག་པ་ལས་དེ་བཞིན་གཤེགས་པའི་བྱིན་གྱི་རླབས་ཀྱིས་ཁབ་ཀྱི་རྩེ་མོ་འཛུགས་པའི་ས་ཙམ་ལ་ཡང་ཚད་མེད་པའི་སངས་རྒྱས་བཅོམ་ལྡན་འདས་འཁོར་དང་བཅས་ཏེ་བཞུགས་ཤིང་བསོད་སྙོམས་བཞེས་ཏེ། བསོད་སྙོམས་དེ་དག་ཀྱང་བྱེ་བྲག་མེད་པར་མཐོང་ངོ་། །དེའི་ཚེ་ན་ལྷ་དང་། མི་དང་།
D119.052.0158b03.01ལྷ་མ་ཡིན་ལ་སོགས་པ་ཐམས་ཅད་མཆི་མ་བླགས་ཏེ་ངུས་ནས་འདི་སྐད་ཅེས་སྨྲས་སོ། །དེ་བཞིན་གཤེགས་པས་བདག་ཅག་གི་མཆོད་པ་ཐ་མ་བཞེས་ཏེ་མཆོད་པ་བཞེས་ནས་ཡོངས་སུ་མྱ་ངན་ལས་འདས་པར་གཤེགས་ན་བདག་ཅག་གིས་སླན་ཆད་མཆོད་པ་སུ་ལ་བགྱི། བདག་ཅག་གི་བླ་ན་མེད་པའི་ཁ་
D119.052.0158b04.01ལོ་སྒྱུར་བ་དང་གཏན་བྲལ་བས་ན་མིག་ལྡོངས་པར་གྱུར་ཏོ་ཞེས་སྨྲས་སོ། །དེའི་ཚེ་བཅོམ་ལྡན་འདས་ཀྱིས་འཁོར་གྱི་དཀྱིལ་འཁོར་དེ་དག་སྤྲོ་བ་སྲིང་བའི་ཕྱིར་ཚིགས་སུ་བཅད་དེ་བཀའ་སྩལ་པ། ཁྱེད་རྣམས་མྱ་ངན་མ་བྱེད་ཅིག །སངས་རྒྱས་ཆོས་ཉིད་དེ་བཞིན་ཏེ། །ང་ནི་མྱ་ངན་འདས་ནས་
D119.052.0158b05.01ཀྱང་། །ཚད་མེད་པ་ཡི་བསྐལ་པ་སྙེད། །རྟག་ཏུ་བདེ་བའི་མཆོག་ལ་སྤྱོད། །རྟག་ཏུ་རབ་ཏུ་བདེ་ལ་གནས། །ཁྱེད་རྣམས་ཤིན་ཏུ་བརྟགས་པར་ཉོན། །མྱ་ངན་འདའ་བ་ངས་བཤད་ཀྱིས། །ཟས་ཀྱི་འདུ་ཤེས་མེད་པས་ན། །བཀྲེས་ཤིང་སྐོམ་པའི་སྐྱོན་རྣམས་མེད། །དེང་
D119.052.0158b06.01འདིར་ཁྱེད་ལ་སོགས་པ་ལ། །རྗེས་སུ་གཞོལ་བའི་སྨོན་ལམ་བཏབ། །འཁོར་གྱི་དཀྱིལ་འཁོར་འདི་ཐམས་ཅད། །རབ་ཏུ་བདེ་བ་ཐོབ་པར་བྱ། །ཁྱེད་རྣམས་ཐོས་ནས་ནན་ཏན་བྱོས། །སངས་རྒྱས་ཆོས་རྣམས་རྟག་པ་ལ། །ནམ་ཞིག་ཁྭ་དང་འུག་པ་གཉིས། །ཚང་གཅིག་
D119.052.0158b07.01