完整藏文原文 · 德格版页 当前仅加载第 52 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཡང་དག་པའི་བདེན་པ་ཞེས་བགྱི་བའི་དོན་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཡང་དག་པའི་བདེན་པ་ཞེས་བྱ་བ་ནི་ཡང་དག་པའི་ཆོས་སོ། །རིགས་ཀྱི་བུ་གང་ཆོས་ཡང་དག་པ་མ་ཡིན་པ་དེ་ནི་
D119.052.0211a01.01ཡང་དག་པའི་བདེན་པ་མ་ཡིན་ནོ། །རིགས་ཀྱི་བུ་ཡང་དག་པའི་བདེན་པ་ཞེས་བྱ་བ་ནི་ཕྱིན་ཅི་མ་ལོག་པ་སྟེ། ཕྱིན་ཅི་མ་ལོག་པ་ནི་ཡང་དག་པའི་བདེན་པ་ཞེས་བྱའོ། །རིགས་ཀྱི་བུ་ཡང་དག་པའི་བདེན་པ་ནི་མི་བདེན་པ་མེད་པ་སྟེ། མི་བདེན་པ་དང་བཅས་པ་ནི་
D119.052.0211a02.01ཡང་དག་པའི་བདེན་པ་ཞེས་མི་བྱའོ། །རིགས་ཀྱི་བུ་ཡང་དག་པའི་བདེན་པ་ནི་ཐེག་པ་ཆེན་པོ་སྟེ། ཐེག་པ་ཆེན་པོ་མ་ཡིན་པ་ནི་ཡང་དག་པའི་བདེན་པ་ཞེས་མི་བྱའོ། །རིགས་ཀྱི་བུ་ཡང་དག་པའི་བདེན་པ་ནི་སངས་རྒྱས་ཀྱིས་གསུངས་པ་སྟེ། བདུད་ཀྱིས་སྨྲས་
D119.052.0211a03.01པ་མ་ཡིན་ནོ། །བདུད་ཀྱིས་སྨྲས་པ་དང་། སངས་རྒྱས་ཀྱིས་གསུངས་པ་མ་ཡིན་པ་ནི་ཡང་དག་པའི་བདེན་པ་ཞེས་མི་བྱའོ། །རིགས་ཀྱི་བུ་ཡང་དག་པའི་བདེན་པ་ཞེས་བྱ་བ་ནི་རྣམ་པར་དག་པའི་ལམ་གཅིག་སྟེ། གཉིས་སུ་མེད་པའོ། །རིགས་ཀྱི་བུ་རྟག་པ་
D119.052.0211a04.01དང་བཅས། བདེ་བ་དང་བཅས། བདག་དང་བཅས་ཡོངས་སུ་དག་པ་དང་བཅས་པ་ནི་ཡང་དག་པའི་བདེན་པའི་དོན་ཞེས་བྱའོ། །འཇམ་དཔལ་གཞོན་ནུས་ཡང་གསོལ་པ། བཅོམ་ལྡན་འདས་གལ་ཏེ་ཡང་དག་པ་དེ་ཡང་དག་པའི་བདེན་པ་ལགས་ན་ཡང་དག་
D119.052.0211a05.01པའི་ཆོས་ནི་དེ་བཞིན་གཤེགས་པའི་སྟོང་པ་ཉིད་དང་། རང་སངས་རྒྱས་ཀྱི་རང་བཞིན་ལགས་ཏེ། ཅི་སྟེ་དེ་ལྟ་བུ་ལགས་ན། དེ་བཞིན་གཤེགས་པ་དང་། ནམ་མཁའ་ཉིད་དང་། སངས་རྒྱས་ཀྱི་རང་བཞིན་བྱེ་བྲག་མ་མཆིས་པར་འགྱུར་རོ། །བཅོམ་ལྡན་འདས་
D119.052.0211a06.01ཀྱིས་འཇམ་དཔལ་ལ་བཀའ་སྩལ་པ། སྡུག་བསྔལ་ཡོད་ན་བདེན་པ་དང་བཅས། ཡང་དག་པ་དང་བཅས། ཀུན་འབྱུང་ཡོད་ན་བདེན་པ་དང་བཅས། ཡང་དག་པ་དང་བཅས། འགོག་པ་ཡོད་ན་བདེན་པ་དང་བཅས། ཡང་དག་པ་དང་བཅས། ལམ་ཡོད་ན་
D119.052.0211a07.01