完整藏文原文 · 德格版页 当前仅加载第 52 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་སྨྲས་པ་མ་ཡིན་ཏེ། གལ་ཏེ་བདག་གི་མཐུ་སྟོབས་ཀྱིས་ནམ་མཁའ་ལ་འཕུར་ཏེ་བྱང་གི་སྒྲ་མི་སྙན་དུ་ཕྱིན་ནས་ལྷའི་གནས་ཀྱི་བར་དུ་ཕྱིན་ཀྱང་བདག་གི་ཟས་མ་རྙེད་པས་དེ་སྐད་ཅེས་སྨྲས་པ་ཡིན་ནོ། །རིགས་ཀྱི་བུ་ངས་དུས་དེའི་ཚེ་ན་སྲིན་པོ་ལ་འདི་སྐད་ཅེས་སྨྲས་སོ། །སྐྱེས་བུ་
D119.052.0230b01.01ཆེན་པོ་གལ་ཏེ་ཁྱོད་ཀྱིས་ང་ལ་ཚིགས་སུ་བཅད་པ་འདི་རྫོགས་པར་སྨྲས་ན། བདག་ཚེ་གཅིག་ཏུ་ཁྱོད་ཀྱི་སློབ་མར་དམ་འཆའོ། །སྐྱེས་བུ་ཆེན་པོ་ཁྱོད་ཀྱིས་སྨྲས་པ་འདི་ནི་ཚིག་ཀྱང་མ་རྫོགས། དོན་ཡང་མ་རྫོགས་ན་ཁྱོད་ཅིའི་ཕྱིར་རྫོགས་པར་མི་སྨྲ། ཟང་ཟིང་གི་སྦྱིན་པ་
D119.052.0230b02.01ནི་རྫོགས་པའི་མཐའ་ཡོད་ཀྱི། ཆོས་ཀྱི་སྦྱིན་པ་ནི་རྫོགས་པའི་མཐའ་མེད་དོ། །རྫོགས་པའི་མཐའ་མེད་མོད་ཀྱི། ཕན་པ་དང་བདེ་བའི་དོན་དུ་ཆེའོ། །བདག་གིས་ཚིགས་སུ་བཅད་པ་ཕྱེད་པོ་འདི་ཐོས་ནས་ངོ་མཚར་དུ་ཐེ་ཙོམ་དུ་གྱུར་གྱིས་ཚིགས་སུ་བཅད་པ་འདི་རྫོགས་
D119.052.0230b03.01པར་སྨྲས་ཏེ། བདག་གི་ཐེ་ཙོམ་བཅད་ན་ཚེ་གཅིག་ཏུ་ཁྱོད་ཀྱི་སློབ་མ་བྱའོ་ཞེས་སྨྲས་སོ། །སྲིན་པོས་སྨྲས་པ། ཁྱོད་ཀྱི་ཤེས་པ་ནི་ལྷག་ཆེས་པས་ཁྱོད་བདག་གི་དོན་ནི་ཆེར་འཛིན་གྱི། ཁོ་བོའི་བསམ་པ་ནི་མི་སེམས་པ་ལྟ། ཁོ་བོ་ནི་ཤིན་ཏུ་བཀྲེས་པས་གདུངས་ནས་སྨྲ་
D119.052.0230b04.01མི་ཕོད་དོ། །ངས་ཡང་དེ་ལ་འདི་སྐད་ཅེས་སྨྲས་སོ། །ཁྱོད་ཟས་སུ་ཅི་ཞིག་ཟ་ཞེས་དྲིས་ན། སྲིན་པོ་དེས་སྨྲས་པ། ཁྱོད་ང་ལ་མ་འདྲི་ཤིག །ཅི་སྟེ་ངས་སྨྲས་ན་མི་མང་པོ་དག་ཤིན་ཏུ་སྐྲག་པར་འགྱུར་རོ། །ངས་ཡང་དེ་ལ་འདི་སྐད་ཅེས་དྲིས་སོ། །ཡུལ་སྟོང་པ་འདིར་
D119.052.0230b05.01མི་སུ་ཡང་མེད་ལ་ང་ནི་ཁྱོད་ལ་མི་འཇིགས་ན། ཅིའི་ཕྱིར་མི་སྨྲ། སྲིན་པོ་དེས་ཡང་སྨྲས་པ། ཁོ་བོ་ཟས་སུ་ནི་མིའི་ཤ་རྗེན་པ་དང་། ཁྲག་དྲོན་པོ་འཐུང་སྟེ། ཁོ་བོ་ནི་བསོད་ནམས་ཆུང་ས་པས་ཟས་སུ་འདི་ལྟ་བུ་ཟ་ཡང་གནས་ཐམས་ཅད་དུ་མ་རྙེད་དོ། །འཇིག་རྟེན་ན་མི་དག་
D119.052.0230b06.01ཤིན་ཏུ་མང་མོད་ཀྱི། ཐམས་ཅད་བསོད་ནམས་དང་ལྡན་པ་ཤ་སྟག་ལ། ལྷས་ཀྱང་བསྲུངས་པས་ན་བདག་ནི་དེ་དག་གསོད་ཅིང་ཟ་བའི་མཐུ་མེད་དོ་ཞེས་སྨྲས་སོ། །རིགས་ཀྱི་བུ་ངས་དེ་ལ་འདི་སྐད་ཅེས་སྨྲས་སོ། །ཁྱོད་ཚིགས་སུ་བཅད་པ་འདི་དོན་དང་བཅས་སུ་རྫོགས་
D119.052.0230b07.01