完整藏文原文 · 德格版页 当前仅加载第 52 函德格 340b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་པ་ཡོད་དོ། །ཐོས་པ་མ་ཐོས་པ་ཡོད་དོ། །ཐོས་པ་ཐོས་པ་ཡོད་དོ། །དེ་ལ་ཇི་ལྟར་ན་མ་ཐོས་པ་ཐོས་པ་ཞེ་ན། རིགས་ཀྱི་བུ་མ་ཐོས་པ་ཞེས་བྱ་བ་ནི་མྱ་ངན་ལས་འདས་པ་ཆེན་པོ་སྟེ། དེ་ཅིའི་ཕྱིར་མ་ཐོས་པ་ཞེ་ན། འདུས་བྱས་མ་ཡིན། སྒྲ་མ་ཡིན། བརྗོད་དུ་མེད་
D119.052.0340b01.01པའི་ཕྱིར་རོ། །ཇི་ལྟར་ཐོས་པ་ཞེ་ན། མིང་ཐོས་པར་འགྱུར་བ་ནི་འདི་ལྟ་སྟེ། རྟག་པ་དང་། བདེ་བ་དང་། བདག་དང་། ཡོངས་སུ་དག་པ་དག་མ་ཐོས་པ་ཐོས་པ་ཞེས་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་སྣང་བ་མཐོ་བཙུན་དཔལ་གྱི་
D119.052.0340b02.01རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་བཅོམ་ལྡན་འདས་ཀྱིས་གསུངས་པ་ལྟར་མྱ་ངན་ལས་འདས་པ་ཆེན་པོ་ནི་ཐོས་པར་མི་རུང་ན། ཅིའི་སླད་དུ་རྟག་པ་དང་། བདེ་བ་དང་། བདག་དང་། ཡོངས་སུ་དག་པ་དག་ཐོས་པར་
D119.052.0340b03.01རུང་ཞེས་གསུངས། བཅོམ་ལྡན་འདས་དེ་ཡང་ཅིའི་སླད་དུ་ཞེ་ན། ཉོན་མོངས་པ་བཅད་པ་ནི་མྱ་ངན་ལས་འདས་པ་ཞེས་བགྱི་སྟེ། གལ་ཏེ་མཆོད་པ་ལ་མྱ་ངན་ལས་འདས་པ་ཞེས་མི་བགྱི་ན། དེ་ན་དེའི་ཕྱིར་མྱ་ངན་ལས་འདས་པའི་རང་བཞིན་ཐོག་མ་ནས་མ་མཆིས་ཏེ།
D119.052.0340b04.01ད་ལྟར་མཆིས་པ་ལགས་སོ། །འཇིག་རྟེན་གྱི་ཆོས་ལྟར་ཐོག་མ་མ་མཆིས་ལ། ད་ལྟར་མཆིས་པར་གྱུར་ན་མི་རྟག་པའི་ཆོས་ཅན་དུ་འགྱུར་རོ། །དཔེར་ན་རྫ་མ་ལ་སོགས་པ་ནི་ཐོག་མ་མ་མཆིས་ལ། ད་ལྟ་མཆིས་པར་གྱུར་ཏེ། མཆིས་ནས་སླར་ཡང་མ་མཆིས་པར་འགྱུར་
D119.052.0340b05.01བས་མི་རྟག་པ་ཞེས་བགྱི་སྟེ། མྱ་ངན་ལས་འདས་པ་ཡང་དེ་ལྟ་བུ་ལགས་ན། ཅིའི་སླད་དུ་རྟག་པ་དང་། བདེ་བ་དང་། བདག་དང་། ཡོངས་སུ་དག་པའོ། །ཞེས་གསུངས། གཞན་ཡང་བཅོམ་ལྡན་འདས་ཇི་ཙམ་དུ་བཀོད་པའི་རྒྱུས་གྲུབ་པ་ནི་ཀུན་ཀྱང་མི་རྟག་པ་ཞེས་
D119.052.0340b06.01བགྱི་སྟེ། མྱ་ངན་ལས་འདས་པ་ཡང་དེ་ལྟ་བུ་ལགས་ན། མི་རྟག་པ་ལགས་པའི་རིགས་སོ། །ཅིའི་རྒྱུ་དང་རྐྱེན་གྱིས་མི་རྟག་ཅེ་ན། འདི་ལྟ་སྟེ། བྱང་ཆུབ་ཀྱི་ཕྱོགས་ཆོས་སུམ་ཅུ་རྩ་བདུན་དང་། ཕ་རོལ་ཏུ་ཕྱིན་པ་དྲུག་དང་། ཚད་མེད་པ་བཞི་དང་། ཀེང་རུས་ལ་རྟོག་པ་
D119.052.0340b07.01